ვიტ ჯორჯია (საფეხბურთო კლუბი)

ვიტ ჯორჯია
	ლოგო
სრული სახელი	საფეხბურთო კლუბი ვიტ ჯორჯია
მეტსახელი	ვეტერინარები
დაარსდა	1997
სტადიონი	დავით პეტრიაშვილის სახელობის სტადიონი; თბილისი, საქართველო; (ტევადობა: 2000)
პრეზიდენტი	საქართველოს დროშა გურამ რუხაძე
მწვრთნელი	საქართველოს დროშა გოჩა ერაძე
ლიგა	ეროვნული ლიგა 2
2023	მე-6
საიტი	ოფიციალური საიტი

საფეხბურთო კლუბი ვიტ ჯორჯია — ქართული საფეხბურთო კლუბი თბილისიდან. დაარსდა 1997 წლის ბოლოს, ორჯერ 2003–2004 და 2008–2009 წლების სეზონებზე გახდა საქართველოს ჩემპიონი. 2009 წელს სუპერთასის, ხოლო 2010 წელს საქართველოს დავით ყიფიანის სახელობის თასის გამარჯვებული.

კლუბის სპონსორია შპს ვიტ ჯორჯია, რომელიც ცხოველების საკვების, ვეტერინარული წამლების და პრეპარატების იმპორტით არის დაკავებული, ამის გამო კლუბის მეტსახელი „ვეტერინარებია“, ხოლო თავად კლუბის აბრევიატურა კი იშლება როგორც მსოფლიო ინოვაციური ტექნოლოგიები (WIT – World Innovation Technologies).

Nobless oblige — ეს ცნობილი, ძველი ფრანგული გამოთქმა არის „ვიტ ჯორჯიას“ სლოგანი, რაც ასე ითარგმნება: „ღირსება გვავალდებულებს“. სწორედ ეს სლოგანია გამოტანილი კლუბის ლოგოზეც.

კლუბის ტრადიციული ფერებია მწვანე და თეთრი, ხოლო მესამე ფერი შავი.

ისტორია

თბილისური საფეხბურთო კლუბი დაარსდა 1997 წლის ბოლოს ქართველი ბიზნესმენის, მეცნიერის და დოქტორის გურამ რუხაძის მიერ. ვიტ ჯორჯიამ 1997–1998 წლების სეზონის შუა წელში უმაღლეს ლიგაში მოასპარეზე „მორკინალი“ ჩაანაცვლა.

ელიტაში მოხვედრის შემდეგ, გუნდმა მცირე ფინანსური კრიზისი განიცადა, რამაც ვიტელებს ცხრილის ათეულში მოხვედრის საშუალება არ მისცა — სადებიუტო სეზონში, 16 გუნდიან ჩემპიონატში მეათე ადგილზე გავიდა, ორი წლის შემდეგ კი ვერცხლის მედალი მოიპოვა, რის შედეგადაც უეფას თასის საკვალიფიკაციო ეტაპზე იერუსალიმის ბეითარს შეხვდა, შინ შეხვედრა 0-3 დათმო, ხოლო იერუსალიმში ფრედ 1-1 დასრულდა, ვიტელთაგან პირველი ევროპული გოლი ლევან მელქაძემ გაიტანა შეხვედრის 66’ წუთზე. ამის შემდეგ ვიტ ჯორჯია სისტემატიურად გადიოდა ევროტურნირებზე.

2003–2004 წლების სეზონზე მერაბ კოჭლაშვილის ხელმძღვანელობით ვიტ ჯორჯიამ პირველი ჩემპიონობა მოიპოვა — გადამწყვეტ ოქროს მატჩში ბოლონისის სიონს სძლია, ანგარიშით 2:0 — გოლები რევაზ გოცირიძემ და ვლადიმერ გოჩაშვილმა გაიტანეს რის შემდეგაც ვიტ ჯორჯია პირველად ჩაერთო ჩემპიონთა ლიგის პირველ საკვალიფიკაციო ეტაპზე, სადაც ფარერის კუნძულების პრემიერ ლიგის გამარჯვებულ თორშჰაუნის ჰავნარ ბოლტფელაგს დაუპირისპირდა, ორი მატჩის ჯამში ვეტერინარებმა 5:3 მოიგეს. შემდეგ ეტაპზე კრაკოვის ვისუას შეხვდა სადაც ორი მატჩის ჯამში 2:11 დამარცხდა.

2007–2008 წლების სეზონზე ვიტ ჯორჯია ნესტორ მუმლაძის თავკაცობით მეორე ადგილზე გავიდა, უეფას თასის პირველ ეტაპზე გასვლაზე 2:2, ხოლო შინ 1:0 ანგარიშებით სლოვაკური სპარტაკ ტრანვას ბარიერი დაძლია, მეორე ეტაპზე ვიტელები ვენის აუსტრიას დაუპირისპირდნენ, მაგრამ იმ დროს საქართველოში განვითარებული აგვისტოს მოვლენების გამო მხოლოდ ერთი მატჩი ჩატარდა – ავსტრიაში, სადაც გამარჯვება მასპინძლებმა იზეიმეს, ანგარიშით 2:0

უმაღლესი ლიგის 2008–2009 წლების სეზონში ვიტ ჯორჯიამ მეორედ მოიპოვა საქართველოს ჩემპიონის ტიტული.თუმცა ჩემპიონთა ლიგის მეორე ეტაპზე, ანუ საიდანაც დაიწყო კლუბმა გამოსვლა, ორი მატჩის ჯამში სლოვენიურ მარიბორთან დამარცხდა, ანგარიშით 1:3

2009 წლის 17 დეკემბერს ვიტ ჯორჯიამ სუპერთასის მატჩში დინამო თბილისი დაამარცხა. მალევე 2010 წელს დავით ყიფიანის სახელობის თასი მოიპოვა, მეტოქე მაშინაც თანაქალაქელი დინამო იყო.

2014–2015 წლების სეზონის ბოლოს ვიტ ჯორჯიამ დატოვა უმაღლესი ლიგა, შემდეგ სეზონზე პირველ ლიგაში მეორე ადგილი დაიკავა, თუმცა საქართველოს ფეხბურთის ფედერაციის გადაწყვეტილებით ვიტ ჯორჯიას არ მიეცა უმაღლეს ლიგაში თამაშის უფლება, შემდეგი სეზონი კი გარდამავლი სისტემით ჩატარდა, რის გამოც კვლავ ვერ მოხერხდა მთავარ ლიგაში დაბრუნება.

2018 წლის სეზონში ვიტ ჯორჯია დაბრუნდა აწ უკვე სახელ შეცვლილ ეროვნულ ლიგაში, ამ დროს გუნდს ლაშა ფირცხალაიშვილი ხელმძღვანელობდა.

2019 წლის სეზონზე ვიტ ჯორჯია ბოლო მეათე ადგილზე გავიდა, რის გამოც მეორედ მოუწია საფეხბურთო ელიტის დატოვება, შემდეგ სეზონში კი პლეი-ოფის მატჩის შედეგად მეორე დივიზიონში ადგილი შეინარჩუნა.

სტადიონი

პირველ წლებში ვიტ ჯორჯია მცხეთაში, „არმაზის“ სტადიონზე თამაშობდა. 2003–2004 წლების საჩემპიონო სეზონი თბილისში, ნავთლუღში მდებარე „შევარდენის“ სტადიონზე გაატარა, ამის შემდეგ ვიტ ჯორჯია დაუბრუნდა მცხეთას ვიდრე 2008–2009 წლების სეზონის დაწყების წინ არ მოუწია გორის თენგიზ ბურჯანიძის სტადიონზე გადაბარგება. შემდგომ 2009–2010 წლების სეზონის მეორე ნახევარში ვიტ ჯორჯია რუსთავის „ფოლადის“ სტადიონზე იღებდა მეტოქეებს, 2010–2011 წლის სეზონების ბოლო მატჩებს თბილისში თემქაზე მდებარე „შატილის“ სტადიონზე მართავდა საშინაო თამაშებს, ხოლო შემდეგი სეზონიდან კვლავ დაბრუნდა მცხეთაში, სახელშეცვლილ „მცხეთა პარკზე“, სადაც უეფას პროგრამა ჰეთთრიკის ფარგლებში ხელოვნური საფარი დაიგო. განახლებულ სტადიონზე ვიტ ჯორჯიამ გორის დილა მიიღო და დრამატულ შეხვედრაში გაიმარჯვა ანგარიშით 4:3. ვიტ ჯორჯიამ „მცხეთა პარკზე“ 7 წელი გაატარა, ხოლო 2019 წლის სეზონს საშინაო არენა ვაკეში მდებარე მიხეილ მესხის სახელობის სათადარიგო არენა იყო. გუნდი 2020 წლის სეზონზე საშინაო მატჩებს დავით პეტრიაშვილის სახელობის სტადიონზე მართავდა, ხოლო მეორე გუნდი — "მცხეთა პარკზე".

ტიტულები

უმაღლესი ლიგა
- ჩემპიონი (2): 2003/2004, 2008/2009.
- მეორე ადგილი (3): 1999/2000, 2005/2006, 2007/2008.
- მესამე ადგილი: 2002/2003
საქართველოს თასი
- გამარჯვებული (1): 2009/2010.
საქართველოს სუპერთასი
- გამარჯვებული: 2008/2009
- ფინალისტი: 2009/2010
პირველი ლიგა
- ჩემპიონი: 1996/1997

ეკიპირება

ფაილი:ვიტ ჯორჯიის სათამაშო ეკიპირება.jpeg

ვიტ ჯორჯიას 2004 წლიდან მოყოლებული მოსავდა გერმანული UHLSPORT

2016 წლიდან იტალიური Erreà

შემადგენლობა 2021

<templatestyles src="Template:Football squad player/styles.css" /> შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.


№	პოზიცია	ქვეყანა	მოთამაშე
25	მეკარე	თარგი:Fba/core	გურამ ჩიკაშუა
5	მცველი	თარგი:Fba/core	ანდრო ნემსაძე
16	მცველი	თარგი:Fba/core	შოთა ავლოხაშვილი
23	მცველი	თარგი:Fba/core	ზვიად ნაჭყებია
24	მცველი	თარგი:Fba/core	ვასილ ქისიევი
28	მცველი	თარგი:Fba/core	ზურაბ სეხნიაშვილი (კაპიტანი)


№	პოზიცია	ქვეყანა	მოთამაშე
6	ნახევარმცველი	თარგი:Fba/core	ბექა აშორდია
14	ნახევარმცველი	თარგი:Fba/core	ირაკლი ზარიძე
18	ნახევარმცველი	თარგი:Fba/core	ნიკოლოზ აბულაძე
30	ნახევარმცველი	თარგი:Fba/core	ლაშა ნანობაშვილი
21	თავდამსხმელი	თარგი:Fba/core	თორნიკე მუზაშვილი
29	თავდამსხმელი	თარგი:Fba/core	ბექა გუგბერიძე

ევროთასები

სეზონი	ტურნირი	ეტაპი	ქვეყანა	კლუბი	სახლი	გასვლა
2000 –01	უეფას თასი	QR		ბეითარი	0:3	1:1
2001	ინტერტოტოს თასი	1R	ავსტრიის დროშა	რიდი	1:0	1:2
		2R	საფრანგეთის დროშა	ტროა	1:1	0:6
2002	ინტერტოტოს თასი	1R	ბელგიის დროშა	ლოკერნი	3:2	1:3
2003	ინტერტოტოს თასი	1R	ავსტრიის დროშა	იუნიორსი	2:1	0:1
2004 –05	ჩემპიონთა ლიგა	1QR		ჰბ	5:0	0:3
		2QR		ვისლა	2:8	0:3
2005	ინტერტოტოს თასი	1R		ლომბარდ პაპა	0:1	1:2
2006 –07	უეფას თასი	1QR	ესკიზის შექმნის შეცდომა:	არტმედია	2:1	0:2
2008 –09	უეფას თასი	1QR	ესკიზის შექმნის შეცდომა:	სპარტაკ ტრნავა	1:0	2:2
		2QR	ავსტრიის დროშა	აუსტრია	X	0:2
2009 –10	ჩემპიონთა ლიგა	1QR		მარიბორი	0:0	1:3
2010 –11	ევროპის ლიგა	1QR	ჩეხეთის დროშა	ბანიკი	0:6	0:0

ვიტ ჯორჯიას ბომბარდირები

წელი	ფეხბურთელი	ქვეყანა	გოლები
2014-15	ვანო კურდღელაშვილი	საქართველოს დროშასაქართველო	5
2013-14	გიორგი კორიფაძე	საქართველოს დროშასაქართველო	8
2012-13	ბესიკ ჩიმაკაძე	საქართველოს დროშასაქართველო	5
2011-12	ბესიკ ჩიმაკაძე	საქართველოს დროშასაქართველო	7
2010-11	გიგა ბეჭვაია	საქართველოს დროშასაქართველო	7
2009-10	ვახტანგ კვარაცხელია	საქართველოს დროშასაქართველო	12
2008-09	ვახტანგ კვარაცხელია	საქართველოს დროშასაქართველო	11
2007-08	ნიკოლოზ გელაშვილი	საქართველოს დროშასაქართველო	7
2006-07	ზაზა სახოკია	საქართველოს დროშასაქართველო	?
2005-06	ოთარ მარცვალაძე	საქართველოს დროშასაქართველო	14

ვიტ ჯორჯიას მწვრთნელები

პერიოდი	მწვრთნელი	ტიტ. რაოდ.	ტიტული
2020 —	საქართველოს დროშა გოჩა ერაძე
2020	საქართველოს დროშა დავით ქოქიაშვილი
2020	საქართველოს დროშა მერაბ კოჭლაშვილი
2019-2020 —	საქართველოს დროშა ვლადიმერ ხაჩიძე
2017 — 2019	საქართველოს დროშა ლაშა ფირცხალაიშვილი
2015 — 2017	საქართველოს დროშა თენგიზ კობიაშვილი
2013 — 2015	საქართველოს დროშა ზურაბ ბერიძე
2012 — 2013	საქართველოს დროშა მერაბ კოჭლაშვილი
2011 — 2012	საქართველოს დროშა ზურაბ ბერიძე
2010 — 2011	საქართველოს დროშა მერაბ კოჭლაშვილი
2009 — 2010	საქართველოს დროშა გელა გომელაური	1	დავით ყიფიანის თასი 2010
2009 — 2009	საქართველოს დროშა მერაბ კოჭლაშვილი	1	სუპერთასი 2009
2005 — 2009	საქართველოს დროშა ნესტორ მუმლაძე	1	უმაღლესი ლიგა 2009
2005 — 2006	იტალიის დროშა ჯანი კარნევალი
2004 — 2005	საქართველოს დროშა მერაბ კოჭლაშვილი	1	უმაღლესი ლიგა 2004
2001 — 2003	საქართველოს დროშა ზურაბ ბერიძე
2002 — 2003	იტალიის დროშა ჯანი კარნევალი
1999 — 2001	საქართველოს დროშა სერგო კოტრიკაძე
1997 — 1999	საქართველოს დროშა ელგუჯა გუგუშვილი

ცნობილი ფეხბურთელები

იხილეთ აგრეთვე

საქართველოს საფეხბურთო კლუბების სია

რესურსები ინტერნეტში