იხილეთ წყარო გვერდისთვის ანდრეა პირლო

{{ინფოდაფა ფეხბურთელის ბიოგრაფია
|სახელი = ანდრეა პირლო
|სურათი = Andrea Pirlo, Save the Dream at the Supercoppa (cropped).jpg
|სურათის ზომა = 
|წარწერა = 
|სრული სახელი = ანდრეა პირლო
|დაბადების თარიღი = {{დაბადების თარიღი და ასაკი|1979|5|19}}
|დაბადების ადგილი = [[ფლერო]], [[იტალია]]
|სიმაღლე = 177 [[სმ]]
|პოზიცია = [[ნახევარმცველი (ფეხბურთი)|ნახევარმცველი]]
|მიმდინარე კლუბი = ფატიჰ კარაგუმრუკი <br />(მთავარი მწვრთნელი)
|ახალგაზრდული წელი1 = 1994–1995
|ახალგაზრდული კლუბი1 = [[ბრეშა (საფეხბურთო კლუბი)|ბრეშა]]
|წელი1 = 1995–1998
|წელი2 = 1998–2001
|წელი3 = 1999–2000
|წელი4 = 2001
|წელი5 = 2001–2011
|წელი6 = 2011–2015
|წელი7 = 2015–2017
|კლუბი1 = [[ბრეშა (საფეხბურთო კლუბი)|ბრეშა]]
|კლუბი2 = [[ინტერი (საფეხბურთო კლუბი)|ინტერი]]
|კლუბი3 = {{იჯარა}} [[რეჯინა (საფეხბურთო კლუბი)|რეჯინა]] 
|კლუბი4 = {{იჯარა}} [[ბრეშა (საფეხბურთო კლუბი)|ბრეშა]] 
|კლუბი5 = [[მილანი (საფეხბურთო კლუბი)|მილანი]]
|კლუბი6 = [[იუვენტუსი (საფეხბურთო კლუბი)|იუვენტუსი]]
|კლუბი7 = [[ნიუ-იორკ სითი (საფეხბურთო კლუბი)|ნიუ-იორკ სითი]]
|მატჩი1 = 47
|მატჩი2 = 22
|მატჩი3 = 28
|მატჩი4 = 10
|მატჩი5 = 284
|მატჩი6 = 119
|მატჩი7 = 60
|გოლი1 = 6
|გოლი2 = 0
|გოლი3 = 6
|გოლი4 = 0
|გოლი5 = 32
|გოლი6 = 16
|გოლი7 = 1
|ეროვნული წელი1 = 1998–2002
|ეროვნული წელი2 = 2000–2004
|ეროვნული წელი3 = 2002–2015
|ეროვნული ნაკრები1 = [[იტალიის 21 წლამდელთა საფეხბურთო ნაკრები|იტალია 21 წლ.]]
|ეროვნული ნაკრები2 = {{Tooltip|იტალია (ოლ.)|იტალიის ოლიმპიური ნაკრები}}
|ეროვნული ნაკრები3 = [[იტალიის ეროვნული საფეხბურთო ნაკრები|იტალია]]
|ეროვნული მატჩი1 = 37
|ეროვნული მატჩი2 = 9
|ეროვნული მატჩი3 = 116
|ეროვნული გოლი1 = 15
|ეროვნული გოლი2 = 1
|ეროვნული გოლი3 = 13
|გაწვრთნის წელი1 = 2020
|გაწვრთნილი კლუბი1 = [[იუვენტუსი (საფეხბურთო კლუბი)|იუვენტუსი 23 წლ.]] 
|გაწვრთნის წელი2 = 2020–2021
|გაწვრთნილი კლუბი2 = [[იუვენტუსი (საფეხბურთო კლუბი)|იუვენტუსი]] 
|გაწვრთნის წელი3 = 2022–
|გაწვრთნილი კლუბი3 = ფატიჰ კარაგუმრუკი
|მედლის თარგები = 
|კლუბი-განახლება = 
|ეროვნული ნაკრები-განახლება = 
}}

'''ანდრეა პირლო''' ({{lang-it|Andrea Pirlo}}; დ. [[19 მაისი]], [[1979]]) — [[იტალიელი]] [[ფეხბურთელი]] და [[ფეხბურთი]]ს მწვრთნელი. საფეხბურთო კლუბ „ფატიჰ კარაგუმრუკის“ მთავარი მწვრთნელი 2022 წლის 12 ივნისიდან. თამაშობდა ნახევარმცველის პოზიციაზე. [[მსოფლიო საფეხბურთო ჩემპიონატი 2006|2006 წლის მსოფლიო ჩემპიონი]] [[იტალიის ეროვნული საფეხბურთო ნაკრები|იტალიის ეროვნული ნაკრების]] შემადგენლობაში. [[უეფა-ს ჩემპიონთა ლიგა|უეფა-ს ჩემპიონთა ლიგის]] ორგზის (2002–03, 2006–07) გამარჯვებული [[მილანი (საფეხბურთო კლუბი)|„მილანის“]] შემადგენლობაში.

==ბავშვობის წლები==

ანდრეა პირლომ ფეხბურთის თამაში უფროსი ძმის მიბაძვით დაიწყო. ივანი იმ პერიოდში სერია ც2-ის კლუბ [[ბრეშა (საფეხბურთო კლუბი)|„ბრეშაში“]] თამაშობდა და ეზოს ფეხბურთის მეფედ ითვლებოდა. ანდრეას ფეხბურთის დიდი ნიჭი არ ეტყობოდა, თუმცა ზუსტი დარტყმებითა და ბურთის ფლობით გამოირჩეოდა. [[ბრეშა]] პატარა ქალაქია და ფეხბურთელი ძმების შესახებ ყველამ იცოდა. კლუბის გულშემატკივრები იმ დროზე ოცნებობდნენ, როდესაც ძმები ერთად ითამაშებდნენ დიდ ფეხბურთს.

ივანის შემდეგ მშობლებმა ანდრეაც შეიყვანეს „ბრეშას“ ბავშვთა გუნდში. მაშინ უმცროსი პირლო 14 წლის იყო. პატარა ანდრეა ბევრს შრომობდა და ინდივიდუალურადაც ბევრს ვარჯიშობდა.

„ეზოში ჯოხს ვარჭობდი და ვცდილობდი, მისთვის ბურთი სამი მეტრის სიშორიდან მომერტყა. შემდეგ ეს მანძილი ნელ-ნელა გავზარდე და როდესაც 30 მეტრზე ავედი, იმავეს გაკეთება ჩემს კატას დავუპირე. მის კუდზე ქაღალდს ვაბამდი და ეზოში ვუშვებდი. საწყალი დახტოდა, დარბოდა, მე კი ვცდილობდი, მისთვის ბურთი მომერტყა. თავიდან ძალიან მიჭირდა, თუმცა შემდეგ ათიდან რვა უკვე მიზანში ხვდებოდა“ — იხსენებს პირლო. ამ თავდაუზოგავი შრომის შედეგია ის, რომ თანამედროვე ფეხბურთში ანდრეა პირლო ერთ-ერთი საუკეთესოა გრძელი პასების სიზუსტით, ჯარიმებისა და ჩაწოდებების შესრულებით.

==პირადი ცხოვრება==
„მილანში“ თამაშის გამო პირლოს მიმართ მედიის მხრიდანაც იმატა ყურადღებამ, მაგრამ ფეხბურთელი გაზეთის პირველ გვერდზე მოხვედრისაგან თავს იკავებდა და უმთავრეს კითხვას, ვინ არის თქვენი მეგობარი გოგონა, უპასუხოდ ტოვებდა.

ნავსი 2003 წელს გატყდა, როდესაც ანდრეა დასასვენებლად მალიორკაზე გაემგზავრა. მას თან ორი იტალიელი პაპარაცი გაჰყვა და ფეხბურთელი მაშინ გამოიჭირეს, როდესაც იგი ანასტასია მაცონის თავდავიწყებით კოცნიდა. ეს გოგონა ვინმე კი არა, იმ წლის „მის იტალია“ იყო. თუმცა უფრო საინტერესო რამ გულშემატკივრებს წინ ელოდათ. ფეხბურთელმა მალე ცოლი მოიყვანა, თუმცა მისი რჩეული ანასტასია არ აღმოჩნდა, ანუ ანდრეა „მის იტალიასთან“ უბრალოდ გაერთო.

==საკლუბო კარიერა==
1995 წლის 21 მაისს [[ბრეშა (საფეხბურთო კლუბი)|„ბრეშა“]] [[რეჯინა (საფეხბურთო კლუბი)|„რეჯინას“]] ხვდებოდა, 16 წლის ანდრეა კლუბის ძირითად შემადგენლობაში სწორედ ამ დროს გამოჩნდა. პირლო თავის ადრეულ დებიუტს რუმინელ [[მირჩა ლეჩესკუ]]ს უნდა უმადლოდეს. 90-იან წლებში ეს მწვრთნელი „ბრეშაში“ მუშაობდა. მან მალევე შენიშნა ტანთხელ ყმაწვილში დიდი ფეხბურთელი. ამბობენ, რომ ლეჩესკუ მუშტებითაც კი გაუმასპინძლდა ერთ მცველს, რომელმაც ვარჯიშის დროს ტრავმა მიაყენა პირლოს.
[[File:Andrea Pirlo Juventus.jpg|thumb|180px|ტურინის „იუვენტუსში“]]
1994-1995 პირლოს მეტჯერ აღარ უთამაშია. იმავე წელს „ბრეშა“ [[სერია ბ]]-ში აღზევდა და ახალგაზრდა ფეხბურთელისთვის არავის ეცლა, გუნდი უმაღლეს ლიგაში გადასასვლელად იბრძოდა, თუმცა ამ საქმიდან არაფერი გამოვიდა და პირლო კვლავ სერია ბ-ში დარჩა, მაგრამ მოედანზე 17-ჯერ გამოვიდა და ერთი გოლის გატანაც შეძლო. მწვრთენელების ნდობაც მოიპოვა და გულშემატკივრების სიყვარულიც დაიმსახურა. მას უკვე მეორე [[რობერტო ბაჯო|ბაჯოს]] უწოდებდნენ. (ბაჯომაც კარიერა „ბრეშაში“ დაიწყო).

1997-1998 წლების სეზონში „ბრეშა“ [[სერია A]]-ში გადავიდა. ანდრეა უკვე კლუბის ძირითადი შემადგენლობის ფეხბურთელი იყო, ამიტომ გრანდების ყურადღების ქვეშ ადვილად მოექცა.

1998 წელს „ბრეშამ“ ცდუნებას ვერ გაუძლო და პირლო [[ინტერი მილანი (საფეხბურთო კლუბი)|„ინტერს“]] მიჰყიდა. მისი ყიდვა “ნერაძურის” მაშინდელმა მწვრთნელმა [[ლუიჯი სიმონი|ლუიჯი სიმონიმ]] მოითხოვა. იმ დროისთვის [[რობერტო ბაჯო]] „ინტერში“ თმაშობდა, თუმცა უკვე მობერებული იყო და კლუბის მესვეურები მის შემცვლელს აქტიურად ეძებდნენ. სიმონი კი დარწმუნებული იყო, რომ პირლო ლეგენდარულ ბაჯოს სრულფასოვნად შეცვლიდა.

[[ინტერი მილანი (საფეხბურთო კლუბი)|„ინტერი“]] ამხანაგურ მატჩს ატარებდა [[ლივერპული (საფეხბურთო კლუბი)|„ლივერპულთან“]], იმ მატჩში ანდრეამ პირველად მოირგო შავ-ლურჯთა მაისური. იმ დროს ინგლისურ გუნდში [[მაიკლ ოუენი]] იწყებდა გაბრწყინებას. [[მასიმო მორატი]] დაინტერესდა, რა ღირდა „ლივერპულის“ ფორვარდი. 5 მილიონი მოსთხოვეს. მაშინ ჩვენი პირლო 10 მილიონი ღირებულაო, უპასუხა „ინტერის“ მფლობელმა.

თუმცა პირლო “ნერაძურიში” ვერ ათამაშდა. პირველ სეზონში ანდრეამ  მხოლოდ 18 შეხვედრაში მიიღო მონაწილეობა. ისიც იმიტომ რომ იმ დროისთვის საკმაოდ სოლიდურ ხელფასს, 2 მილიონ დოლლარს უხდიდნენ. მაგრამ მომდევნო სეზონის პირველი წრე ისე მიიწურა, სათადარიგოთა სკამიდან არ წამომდგარა. მწვრთნელების ხშირი ცვლა, მოთამაშეთა გაუთავებელი როტაცია ახალგაზრდა ფეხბურთელს ხელს უშლიდა საკუთარი შესაძლებლობების წარმოჩენაში.

1999 წელს „ინტერის“ სათავეში მოსულმა [[მარჩელო ლიპი|მარჩელო ლიპიმ]] კი საერთოდ დაიწუნა პირლო და „რეჯინაში“ გაანათხოვრა. იქ კი თავდამსხმელად ჩასული ფეხბურთელი ნახევარმცველად გაამწესეს. პოზიციის შეცვლამ მასზე კარგად იმოქმედა. გარდა ამისა, ანდრეამ თავი გამოიჩინა, როგორც საჯარიმოების კარგმა შემსრულებელმა. პირლო კვლავ „ინტერში“ დააბრუნეს. თუმცა ისევ იმედგაცრუება ელოდა. მთავარმა მწვრთნელმა [[მარკო ტარდელი|მარკო ტარდელიმ]] მასზე საერთოდ უარი თქვა.

ერთმა ჟურნალისტმა პირლოს უიღბლო უწოდა. ამ ეპითეტით ფეხბურთელს კიდევ დიდ ხანს მოიხსენიებდნენ. ანდრეა კვლავ „ბრეშაში“ დაბრუნდა, სადაც მთავარმა მწვრთნელმა [[კარლო მაცონე|კარლო მაცონემ]] საყრდენ ნახევარმცველად გაამწესა. პირლოს მიერ ჩაჭილი ყოველი გადაცემა ახალი შეტევის დაწყებას ნიშნავდა, იხსენებს მაცონე, რომელიც მოხიბლული იყო ფეხბურთელის პირადი თვისებებითაც - ის ზრდილობიანი მოთამაშეა, ნაკლებს ლაპარაკობს და ბევრს შრომობს, აღნიშნავდა მაცონე.

====მილანი====

მალე „ბრეშას“ ფული შემოაკლდა და პირლოს [[პარმა (საფეხბურთო კლუბი)|„პარმასთვის“]] მიყიდვა გადაწყვიტა.

ანდრეა ოჯახთან ერთად სეიშელის კუნძულებზე გაემგზავრა დასასვენებლად. სწორედ შვებულების დროს დარეკა „მილანის“ ვიცე პრეზიდენტმა [[ადრიანო გალიანი|ადრიანო გალიანიმ]] და იტალიაში დაბრუნების შემდეგ პირლო პირდაპირ „მილანში“ აღმოჩნდა.

ამ ამბავმა „ინტერის“ შეფები ძალიან გაახალისა, რადგან დარწმუნებულები იყვნენ, რომ მთავარმა მეტოქეებმა უნიჭო და უმაქნისი ფეხბურთელი იყიდეს. მაშინ „მილანს“ ნახევარცველის ყიდვა 35 მილიონი დოლარი დაუჯდა.

“როცა გავიგე რომ პირლოს ყიდულობდნენ, ვიხალისე. ვიცოდი, რომ მას ხალხი ყველაზე უიღბლოს ეძახდა და მეგონა, რომ კლუბის მესვეურები რაღაც ექსპერიმენტს ატარებდნენ. მაგრამ როდესაც ვარჯიშზე ანდრეა პირველად ვნახე ჩემს თავს ვკითხე, ამასაც ფეხბურთელი უნდა ერქვას და მეც? თუმცა ხმამაღლა არაფერი მითქვამს, უბრალოდ პირდაღებული ვუყურებდი რა სასწაულებს აკეთებდა ბურთით ახალწვეული. მე დღესაც ვერ ვაკეთებ მსგავს რაღაცებს.” იხენებს [[ჯენარო გატუზო]].

გაივლის დრო და ანდრეა პირლო სწორედ გატუზოსთან ერთად მოიგებს ყველაზე პრესტიჟულს ტიტულებს.

„მილანში“ [[კარლო ანჩელოტი|კარლო ანჩელოტის]] ექსპერიმენტები არ დაუწყია და პირლო ცენტრალური ნახევარმცველის პოზიციაზე ათამაშა. ანდრეამაც საუკეთესო თვისებები გამოავლინა და მსოფლიო დონის ფეხბურთელად იქცა. მეტსახელიც შეეცვალა და ახლა ყველა „ზანზალაკს“ ეძახდა.

[[მილანი (საფეხბურთო კლუბი)|„მილანში“]] მისვლიდან 2 წლის შემდეგ ანდრეა პირლომ [[ჩემპიონთა ლიგა]] პირველად მოიგო. 2004 წელს სკუდეტოც შეემატა მის რეგალიებს, სამი წლის შემდეგ უკვე ყველა საკლუბო ტიტული ჰქონდა მოგებული. 2007 წელს კი  საუკეთესო იყო ზუსტი პასებისა და საგოლე გადაცემების მიხედვით. ამავე წელს წარდგენილი იყო საუკეთესო ფეხბურთელის ნომინაციაზე ფიფას ყოველწლიურ გალა დაჯილდოებაზე. თუმცა იმ წელს მას თანაგუნდელმა [[კაკა|კაკამ]] აჯობა.

2009 წელს მილანიდან [[კარლო ანჩელოტი]] და [[კაკა]] წავიდნენ. საუბარი იყო იმაზეც რომ მწვრთნელთან ერთად [[ჩელსი (საფეხბურთო კლუბი)|„ჩელსიში“]] პირლოც წავიდოდა. თუმცა იტალიელმა ნახევარმცველმა კლუბში დარჩენა გადაწყვიტა და 2009-2010 წლის სეზონში 30 მეტრიდან [[მადრიდის რეალი|მადრიდის „რეალს“]] საოცარი გოლი გაუტანა. [[მილანი (საფეხბურთო კლუბი)|„მილანში“]] პირლომ კიდევ ერთი ტიტული მოიპოვა - 2011 წლის ბოლოს „მილანმა“ შვიდწლიანი შესვენების შემდეგ იტალიის ჩემპიონატი მოიგო და სკუდეტოს დაეუფლა. სეზონის ბოლოს კი კლუბი დატოვა და ტურინის „იუვენტუსში“ გადავიდა. წასვლის მიზეზად კი კლუბის ხელმძღვანელობასთან ფინანსური საკითხების შეუთავსებლობა გახდა. პირლო ახალ კლუბში როგორც თავისუფალი აგენტი ისე მივიდა და კონტრაქტი 2014 წლამდე გააფორმა.

==სანაკრებო კარიერა==

ეროვნულ ნაკრებში გამოძახებამდე ანდრეა პირლო [[იტალია|იტალიის]] ახალგაზრდულ გუნდში თამაშობდა. 2000 წელს [[ევროპის ჩემპიონატი|ევროპის ჩემპიონატზე]] პირლო 21 წლამდე ნაკრებს კაპიტნობდა. 2002 წელს კი ნახევარ ფინალისტი გახდა. 2004 წელს ჩატარებულ ზაფხულის ოლიმპიადაზე პირლომ სკუადრა აძუარასთან ერთად ბრინჯაოს მედალი მოიგო.

ისევე როგორც მთელი იტალიისთვის, ანდრეა პირლოსთვისაც შესანიშნავი აღმოჩნდა მსოფლიოს 2006 წლის ჩემპიონატი. სწორედ მისი გოლით დაიწყო ასპარეზობა [[სკუადრა აძურა|სკუადრა აძურამ]]. [[განა|განას]] წინააღმდეგ პირლომ გახსნა ანგარიში. ბოლო გოლი კი [[ვინჩენცო იაკინტა|ვიჩენცო იაკინტამ]] გაიტანა და თამაში 2:0 დასრულდა. იმ ჩემპიონატზე დაცვის ცენტრში შესანიშნავად მოქმედებდა პირლო-[[გატუზო|გატუზოს]] დუეტი.

ანდრეა პირლომ [[გერმანიის ეროვნული ნაკრები|გერმანიის ეროვნული ნაკრების]] წინააღმდეგ მუნდიალზე საუკეთესო მატჩი ჩაატარა. იმ დრამატულ შეხვედრაში 119-ე წუთზე მეტოქის საჯარიმოში მიიღო ბურთი და შესანიშნავი გადაცემა გაუკეთა თანაგუნდელ [[ფაბიო გროსო|ფაბიო გროსოს]], რომელსაც ანგარიშის გახსნა არ გასჭირვებია. მატჩის საბოლოო წერტილი [[დელ პიერო|დელ პიერომ]] დასვა, [[იტალია|იტალიამ]] 2:0 მოიგო, ანდრეა პირლო კი თამაშის გმირი გახდა.

ფინალში [[საფრანგეთი|საფრანგეთის]] წინააღმდეგაც მაღალ დონეზე ითამაშა. [[პენალტების სერია|პენალტების სერიაში]] კი უზადოდ შეასრულა თერთმეტრიანი.

მუნდიალის დასრულების შემდეგ ჩემპიონატის მესამე საუკეთესო ფეხბურთელის ტიტულიც მიიღო. მას მხოლოდ დიდებულად მოთამაშე [[ზინედინ ზიდანი|ზინედინ ზიდანმა]] და თანაგუნდელმა [[ფაბიო კანავარო|ფაბიო კანავარომ]] აჯობა.

იმდროინდელი სპორტული პრესა აღიარებდა რომ იტალიის გამარჯვებაში ლომის წილი ანდრეა პირლომ შეიტანა - ჩემპიონის ტიტული მის მიერ სწორად განაწილებული პასების წყალობით მოიგო და ის, რომ მოედნის ცენტრში “სკუადრა აძურა”  ბატონობდა, მისი დამსახურებაა.

==სანაკრებო გოლები==
''2013 წლის 17 ივნისის მდგომარეობით.''
{| class="wikitable"
! # !! თარიღი !! ადგილი !! მეტოქე !! ანგარიში !! შედეგი !! ტურნირი
|-
| 1. ||  30 მაისი, 2004 || [[რადესი]], [[ტუნისი]] || {{fb|TUN}} || 4&ndash;0 || მოგება || [[ამხანაგური]]
|-
| 2. || 26 მარტი, 2005 || [[მილანი]], [[იტალია]] || {{fb|SCO}} || 2&ndash;0 || მოგება || [[მსოფლიოს 2006 წლის ჩემპიონატის შესარჩევი]]
|-
| 3. || 26 მარტი, 2005 || [[მილანი]], [[იტალია]] || {{fb|SCO}} || 2&ndash;0 || მოგება || [[მსოფლიოს 2006 წლის ჩემპიონატის შესარჩევი]]
|-
| 4. || 17 აგვისტო, 2005 || [[დუბლინი]], [[ირლანდია]] || {{fb|Republic of Ireland}} || 2&ndash;1 || მოგება || [[ამხანაგური შეხვედრა|ამხანაგური]]
|-
| 5. || 12 ივნისი, 2006 || [[ჰანოვერი]], [[გერმანია]] || {{fb|Ghana}} || 2&ndash;0 || მოგება || [[მსოფლიოს 2006 წლის ჩემპიონატი]]
|-
| 6. || 13 ოქტომბერი, 2007 || [[გენუა]], [[იტალია]] || {{fb|Georgia}} || 2&ndash;0 || მოგება || [[ევრო 2008-ის შესარჩევი]]
|-
| 7. || 17 ივნისი, 2008 || [[ციურიხი]], [[შვეიცარია]] || {{fb|France}} || 2&ndash;0 || მოგება || [[ევრო 2008]]
|-
| 8. || 28 მარტი, 2009 || [[პოდგორიცა]], [[ჩერნოგორია]] || {{fb|Montenegro}} || 2&ndash;0 || მოგება || [[მსოფლიოს 2010 წლის ჩემპიონატის შესარჩევი]]
|-
| 9. || 7 სექტემბერი, 2010 || [[ფლორენცია]], [[იტალია]] || {{fb|Faroe Islands}} || 5–0 || მოგება || [[ევრო 2012-ის შესარჩევი]]
|-
| 10. || 14 ივნისი, 2012 || [[პოზნანი]], [[პოლონეთი]] || {{fb|Croatia}} || 1–1 || ფრე || [[ევრო 2012]]
|-
| 11. || 12 ოქტომბერი, 2012 || [[ერევანი]], [[სომხეთი]] || {{fb|Armenia}} || 1–0 || მოგება || [[მსოფლიოს 2014 წლის ჩემპიონატის შესარჩევი]]
|-
| 12. || 31 მაისი, 2013 || [[ბოლონია]], [[იტალია]] || {{fb|SMR}} || '''3'''–0 || 4–0 || [[ამხანაგური შეხვედრა|ამხანაგური]]
|-
| 13. || 16 ივნისი, 2013 || [[რიო-დე-ჟანეირო]], [[ბრაზილია]] || {{fb|MEX}} || '''1'''–0 || 2–1 || [[ფიფა-ს კონფედერაციის თასი 2013|2013 წლის ფიფას კონფედერაციის თასი]]
|}

==ტიტულები==
===საკლუბო===
;ბრეშა
* '''[[სერია B]]''': 1996-97

;მილანი
* '''[[სერია A]]''' (2): 2003-04, 2010-11
* '''[[იტალიის თასი]]''': 2002-03
* '''[[იტალიის სუპერთასი]]''': 2004
* '''[[უეფას ჩემპიონთა ლიგა]]''' (2): 2002-03, 2006-07
* '''[[უეფა-ს სუპერთასი|უეფას სუპერთასი]]''' (2): 2003, 2007
* '''[[ფიფა-ს მსოფლიო საკლუბო ჩემპიონატი|მსოფლიოს საკლუბო ჩემპიონატი]]''': 2007

;იუვენტუსი
* '''[[სერია A]]''' (4): 2011-12, 2012-13, 2013-14, 2014-15
* '''[[იტალიის სუპერთასი]]''' (2): 2012, 2013
* '''[[იტალიის თასი]]''': 2014-15

===სანაკრებო===
* '''უეფას 21 წლამდელთა ევროპის ჩემპიონატი''': 2000
* ოლიმპიური თამაშები: 2004 <small>ბრინჯაოს პრიზიორი</small>
* '''[[მსოფლიოს საფეხბურთო ჩემპიონატი|მსოფლიოს ჩემპიონატი]]''': 2006
* [[ევროპის საფეხბურთო ჩემპიონატი|ევროპის ჩემპიონატი]]: 2012 <small>(ვერცხლის პრიზიორი)</small>

===სამწვრთნელო===
;იუვენტუსი
* '''[[იტალიის საფეხბურთო თასი|იტალიის თასი]]''' (1): 2020–21

===ინდივიდუალური===
* უეფას 21 წლამდელთა ევროპის ჩემპიონატის საუკეთესო მოთამაშე: 2000
* უეფას 21 წლამდელთა ევროპის ჩემპიონატის ბომბარდირი: 2000
* 2006 წლის მსოფლიო ჩემპიონატის მატჩის გმირი (3): [[განის ეროვნული საფეხბურთო ნაკრები|განის]], [[გერმანიის ეროვნული საფეხბურთო ნაკრები|გერმანიისა]] და [[საფრანგეთის ეროვნული საფეხბურთო ნაკრები|საფრანგეთის]] წინააღმდეგ
* 2006 წლის მსოფლიო ჩემპიონატის საუკეთესოთა ნაკრები
* 2006 წლის მსოფლიო ჩემპიონატის საგოლე პასების ლიდერი
* ფეხბურთის ისტორიის და სტატისტიკის საერთაშორისო ფედერაციის ვერსიით, მსოფლიოს საუკეთესო ნახევარმცველი: 2006 <small>(მესამე ადგილი)</small>, 2007 <small>(მეორე ადგილი)</small>, 2009 <small>(მეცხრე ადგილი)</small>, 2012 <small>(მეოთხე ადგილი)</small>
* პროფესიონალ ფეხბურთელთა საერთაშორისო ფედერაცია (FIFPro World XI): 2006
* ოქროს ბურთი: 2006 <small>(მეცხრე ადგილი)</small>, 2007 <small>(მეხუთე ადგილი)</small>, 2012 <small>(მეშვიდე ადგილი)</small>
* 2008 წლის ევროპის ჩემპიონატის მატჩის გმირი: [[რუმინეთის ეროვნული საფეხბურთო ნაკრები|რუმინეთის]] წინააღმდეგ
* 2012 წლის ევროპის ჩემპიონატის მატჩის გმირი (3): [[ხორვატიის ეროვნული საფეხბურთო ნაკრები|ხორვატიის]], [[ინგლისის ეროვნული საფეხბურთო ნაკრები|ინგლისისა]] და [[გერმანიის ეროვნული საფეხბურთო ნაკრები|გერმანიის]] წინააღმდეგ
* 2012 წლის ევროპის ჩემპიონატის საუკეთესოთა ნაკრები
* უეფას ევროპის საუკეთესო ფეხბურთელი: 2012 <small>(მეოთხე ადგილი)</small>
* იუვენტუსის წლის საუკეთესო ფეხბურთელი: 2011-12
* უეფას წლის საუკეთესოთა გუნდი: 2012
* სერია A-ს 2011-12 სეზონის საგოლე პასების ლიდერი
* სერია A-ს წლის საუკეთესოთა გუნდი: 2012
* სერია A-ს საუკეთესო ნახევარმცველი: 2012
* სერია A-ს საუკეთესო იტალიელი ფეხბურთელი: 2012
* სერია A-ს წლის საუკეთესო ფეხბურთელი: 2012

==პირლოზე ამბობენ==

[[პაოლო მალდინი]]: პირლო სტანდარტულების შესრულების დიდოსტატია

[[კაკა]]: მილანში საუკეთესო მაინც პირლოა

[[ჯოვანი ტრაპატონი]]: დღევანდელ ფეხბურთს ნამდვილი ათი ნომერი მხოლოდ ერთი შემორჩა — ანდრეა პირლო

მაცონე: ანდრეა შესანიშნავად თამაშობდა ბურთის ართმევის დროს. სისწრაფემ და ფორვარდის აზროვნებამ გაუადვილა მეტოქის მოქმედების გამოცნობა.

[[ზლატან იბრაჰიმოვიჩი]]: პირლო ჯარიმების შესრულების ნამდვილი ოსტატია

[[რობერტო ბაჯო]]: მინდორზე პირლო შეუდარებელია. მას ყველაფრის გაკეთება შეუძლია,  მეტოქის მოტყუება, დიდებული პასი, საჯარიმოების შესრულება და ლამაზი გოლების გატანა. ის ნამდვილად შეუცვლელია როგორც მილანის ასევე იტალიის ეროვნული ნაკრებისთვის. პირლო მსოფლიო დონის ფეხბურთელია. მე კი ყველაზე მეტად მისი მოედნის ჩინებული ხედვა მომწონს, ამაში ცოტა მეც მგავს.

[[ჟოზე მოურინიო]]: პირლო იდეალური ნახევარმცველია, დიდი ოსტატია და კარგი ხედვა აქვს. მისი სტილის ფეხბურთელისთვის „მილანი“ ზედგამოჭრილია. რომც ვუთხრა, ის ნამდვილად არ გაცვლის „მილანს“ სხვა გუნდზე.

== რესურსები ინტერნეტში ==
{{commonscat|Andrea Pirlo}}
*[http://www.footballdatabase.com/site/players/index.php?dumpPlayer=3 FootballDatabase.com provides პირლოს სტატისტიკა] {{en|icon}}

==სქოლიო==
{{სქოლიო}}

{{იუვენტუსის შემადგენლობა}}
{{იტალიის შემადგენლობა 2004 წლის ევროპის საფეხბურთო ჩემპიონატზე}}
{{იტალიის შემადგენლობა 2006 წლის მსოფლიო საფეხბურთო ჩემპიონატზე}}
{{იტალიის შემადგენლობა 2008 წლის ევროპის საფეხბურთო ჩემპიონატზე}}
{{იტალიის შემადგენლობა 2010 წლის მსოფლიო საფეხბურთო ჩემპიონატზე}}
{{იტალიის შემადგენლობა 2012 წლის ევროპის საფეხბურთო ჩემპიონატზე}}
{{იტალიის შემადგენლობა 2014 წლის მსოფლიო საფეხბურთო ჩემპიონატზე}}
{{2006 წლის მსოფლიო ჩემპიონატის სიმბოლური ნაკრები}}
{{იტალიის წლის ფეხბურთელი}}

{{DEFAULTSORT:პირლო, ანდრეა}}

[[კატეგორია:დაბადებული 19 მაისი]]
[[კატეგორია:დაბადებული 1979]]
[[კატეგორია:სერია A-ს ფეხბურთელები]]
[[კატეგორია:იტალიელი ფეხბურთელები]]
[[კატეგორია:მილანის ინტერის ფეხბურთელები]]
[[კატეგორია:მილანის ფეხბურთელები]]
[[კატეგორია:იუვენტუსის ფეხბურთელები]]
[[კატეგორია:ნიუ-იორკ სითის ფეხბურთელები]]
[[კატეგორია:2006 წლის მსოფლიო საფეხბურთო ჩემპიონატის ფეხბურთელები]]
[[კატეგორია:2010 წლის მსოფლიო საფეხბურთო ჩემპიონატის ფეხბურთელები]]
[[კატეგორია:2013 წლის ფიფა-ს კონფედერაციის თასის ფეხბურთელები]]
[[კატეგორია:მსოფლიო ჩემპიონები ფეხბურთში]]
[[კატეგორია:2014 წლის მსოფლიო საფეხბურთო ჩემპიონატის ფეხბურთელები]]
[[კატეგორია:ბრეშის ფეხბურთელები]]
[[კატეგორია:რეჯიანას ფეხბურთელები]]
[[კატეგორია:იუვენტუსის მწვრთნელები]]
[[კატეგორია:უეფა-ს ჩემპიონთა ლიგის გამარჯვებული მოთამაშეები]]