იხილეთ წყარო გვერდისთვის ბენქსი

[[ფაილი:Banksy_lovers.jpg|thumb|ბენქსის "საყვარლები" ვენერიულ დაავადებათა კლინიკის კედელზე ბრისტოლში. საზოგადოების მხარდაჭერით ქალაქის საბჭომ ნახატი კედელზე არ წააშლევინა.]]
'''ბენქსი''' ({{lang-en|Banksy}}; დ. [[1974]], [[ბრისტოლი]]) — ფსევდო-ანონიმური [[ინგლისელები|ინგლისელი]] [[გრაფიტი]]ს მხატვარი. მისი ვინაობა და ბიოგრაფიული დეტალები უცნობია. სავარაუდოდ იგი ბრისტოლელია და წარსულში ხორცის გადამამუშავებელ კომბინატში მუშაობდა, თუმცა [[გრაფიტი|გრაფიტით]] დაინტერესდა ბრისტოლის [[აეროზოლი]]ს დიდი ბუმის პერიოდში — 1980-იანი წლების ბოლოს. მისი ნამუშევრები, ძირითადად, სატირაა [[პოლიტიკა|პოლიტიკურ]], [[კულტურა|კულტურულ]] და ეთიკურ თემებზე, გამოირჩევა ტრაფარეტული ტექნიკით და ამით მსგავსია 80-იან წლებში პარიზში მოღვაწე [[ბლეკ ლე რატი]]ს და [[ლონდონის მეტრო]]ში 70-80-იანი წლების მიჯნაზე ანარქო-პანკ ჯგუფ [[კრასი]]ს წევრების მიერ შექმნილი ნამუშევრებისა  სტილისა. შემდეგში ბენქსის ნამუშევრები მსოფლიოს მრავალ ქვეყანაში გამოჩნდა.

ბენქსი არ ყიდის ქუჩის გრაფიტის ფოტოსურათებს და არ აწყობს გამოფენებს კომერციულ გალერეებში. ამის მიუხედავად, ხელოვნების აუქციონერებს ბევრჯერ უცდიათ მისი ქუჩის ნამუშევრების გაყიდვა ადგილზე და მისი ადგილიდან მოხსნის პრობლემა მყიდველისთვის მიუნდიათ.

2018 წლის 5 ოქტომბერს ბენქსის ქმნილება "გოგონა წითელი ბუშტით" მოხვდა [[Sotheby|სოთბის]] აუქციონზე. აუქციონის მესვეურებს არ გაუხმაურებიათ იმ პიროვნების ვინაობა, ვინც ნამუშევარი გასაყიდად გაიტანა. მხოლოდ ის გახდა ცნობილი, რომ ნახატი ხელმოწერილი იყო და მფლობელმა, სავარაუდოდ, [[2006]] წელს მოიპოვა თავად მხატვრისაგან. საბოლოო გასაყიდმა ფასმა 1 042 000 [[Გირვანქა სტერლინგი|გირვანქა სტერლინგი]] შეადგინა. მყიდველმა ხმა სატელეფონო შეტყობინებით დააფიქსირა და მისი ვინაობა ასევე არ გასაჯაროებულა, თუმცა, იმავე წამს, როცა აუქციონის წამყვანმა ჩაქუჩი დაჰკრა გაყიდვის აღსანიშნავად, მოულოდნელად, ჩარჩოში წინაწარ განთავსებულმა უცნობმა მექანიზმმა ზოლებად დაჭრა და ამგვარად, გაანადგურა ნამუშევარი<ref>https://news.sky.com/story/banksy-painting-girl-with-red-balloon-self-destructs-after-1m-sale-at-sothebys-11518809</ref>. მხატვრის მიერ [[Instagram|ინსტაგრამის]] პირად გვერდზე განთავსებულმა განცხადებამ და ვიდეომ ნათელი გახადა, რომ ეს მის მიერ წინასწარვე იყო დაგეგმილი.<ref>https://www.bbc.com/news/uk-england-bristol-45770028</ref> 

== რესურსები ინტერნეტში ==
* {{Official website|banksy.co.uk}}
* [http://www.pestcontroloffice.com Pest Control] {{Webarchive|url=https://web.archive.org/web/20211225025821/https://pestcontroloffice.com/ |date=2021-12-25 }}
* [http://www.artofthestate.co.uk/Banksy/banksy.htm Banksy Street Art Photographs]
* [http://www.banksyunmasked.co.uk Gallery of Banksy photographs] {{Webarchive|url=https://web.archive.org/web/20120303120127/http://www.banksyunmasked.co.uk/ |date=2012-03-03 }}

[[კატეგორია:ბრიტანელი მხატვრები]]
[[კატეგორია:გრაფიტის მხატვრები]]
[[კატეგორია:დაბადებული 1974]]