იხილეთ წყარო გვერდისთვის ბერიძეები

{{მმ*|ბერიძე}}
[[ფაილი:ბერიძენი.jpg|მინი|ბერიძეების გერბი]]

[[ფაილი:Gouria, Atchara and Ischaneti. M. Joseph Nicolas Del'Isle. Carte générale de la Georgie et de l'Arménie. 1766.jpg|მინი|1766 წლის რუკა. რუკაზე აღნიშნულია ჯუმათი, საბერიძეო, ბაილეთი, ასკანა, ოზურგეთი, ლიხაური, ალამბარი, აჭი, ხინო, ქობულეთი, ქაჯეთის ციხე, ბათუმი, ხინო, ერგე]]
[[ფაილი:მამია გურიელი, გიორგი შერვაშიძე, ბესარიონ ბერიძე.jpg|ალტ=გურიის მთავარი მამია გურიელი, აფხაზეთის მთავარი გიორგი შერვაშიძე და ტახტის აზნაური ბესარიონ ბერიძე|მინი|[[მამია გურიელი]], [[გიორგი შარვაშიძე]] და  ბესარიონ ბერიძე]]
[[ფაილი:Ciala Sharashidze-003.jpg|მინი|აზნაური იაგორ ბერიძე დედასთან ეკატერინე ჭალაკანიძესთან ერთად]]
[[ფაილი:Beridze Venera.jpg|ალტ=ბერიძე ვენერა წერეთლისა|მინი|ბერიძე ვენერა წერეთლისა]]
[[ფაილი:Sio Beridze.jpg|მინი|აზნაური სიო ბერიძე]]
[[ფაილი:Sserif.jpg|მინი|გენერალ შერიფ ხიმშიაშვილის თანამებრძოლები: აბდულ ლორთქიფანიძე, მუსტაფ გაბაიძე და იუსუფ ბერიძე]]
'''ბერიძეები''' — ფეოდალური საგვარეულო [[საქართველო]]ში. 

==წარმოშობა==
[[მესხეთი|მესხეთში]] არსებული გადმოცემით სოფელ ერკოტის უმრავლესობა გვარად ბერიძეები ყოფილან, რომლებიც ერთი ბერისაგან მოშენებულან. ჟამიანობის დროს ზარზმელი ბერებისათვის უბრძანებიათ, რომ თქვენი ბერმსახურება აღარ შეიძლება, უნდა გამრავლდეთო. ბერები სამი ძმები ყოფილა. ერთი ძმა წასულა აჭარაში, მეორე მესხეთში და მესამე — გურიაში, გვარად კი დაწერილან ბერიძეები. ბერიძის გვარს სხვადასხვა დროს გამოეყვნენ კახაბერიძეები და გულაბერიძეები. ბერიძეებისგან გამოყოფილი გვარი კახაბერიძეები ასევე ფიქსირდება გურიაში. ქველი ჩხატარაიშვილის ცნობით, საქართველოს მეფის [[გიორგი III (საქართველოს მეფე)|გიორგი III]]-ს ერთ-ერთი ბერიძისათვის უბოძებია კახაბერიძეობა.

==ბერიძეები დასავლეთ საქართველოში==
===გურიაში===
{{ციტატა|ხოლო გურიას გურიელი, იგიცა თვით ჰფლობს და იტყვის ვარდანის ძეობასა, და სხუანი მის ქუეშენი არიან: თადგირიძე და ამილახორი ჩავიდნენ სამცხიდამ, შარვაშისძე მოვიდა აფხაზეთიდამ, ბერიძე, კვერღელიძე, ბერეჟიანი, ნაკაშიძე და სხუანი, ეგრეთვე აზნაურნიცა|[[ვახუშტი ბატონიშვილი]]}}

ვახუშტი ბატონიშვილი ბერიძეს ახსენებს [[გურიის სამთავრო]]ს თავადების ჩამოთვლისას გურიელთან, [[თავდგირიძეები|თავდგირიძესთან]], შარვაშიძესთან, კვერღელიძესთან, ბერეჟიანთან და [[ნაკაშიძეები|ნაკაშიძესთან]] ერთად. ვახუშტი ბერიძეებს ასახელებს გურიის მკვიდრ თავადებად. პირთა ანოტირებული ლექსიკონი ბერიძის გვარს იხსენიებს XIII საუკუნის მეორე ნახევარში, ვახუშტი ბატონიშვილი კი ბერიძეებს XII საუკუნის მეორე ნახევარში არსებულ თავადთა რიგში ასახელებს. [[ოქონის მონასტერი|ოქონის მონასტრის]] წარწერებში სხვა გვარებთან ერთად (ჭანუყვაძე, ურატაძე) ნახსენებია ბერიძეები.  

იმერთა მეფე [[ალექსანდრე II (იმერეთის მეფე)|ალექსანდრე II]]-ს მიერ, 1488 წელს ფალავანდიშვილებისადმი გადაცემულ სასისხლო სიგელში იმერეთის დარბაზისერთა შორის იხსენიებიან [[გიორგი I გურიელი]] და გურიის სხვათავადები: მაჭუტაძე, ბერიძე, მახაძე.<ref>{{წიგნი  | first=| ავტორი=ჩხატარაიშვილი ქ.| series=| სათაური=„გურიის სამთავრო“| გამომცემლობა=|ადგილი=თბ.|წელი=1959| origyear=| isbn=| edition=|გვერდები=74|ბმული=|}}</ref> 

XVII საუკუნის დასაწყისში [[ქრისტეფორე კასტელი|ქრისტეფორე კასტელს]] ჰყავს მოხსენიებული პოეტი ვომინიჯა ბერიძე, რომელიც კასტელს გურიაში ყოფნის დროს ბევრ დახმარებას უწევდა. 1664-1667 წლის [[გიორგი III გურიელი]]ს მიერ ბოქაულთუხუცესს მირზაბეგ თავდგირიძისათვის მიცემულ ყმა-მამულის წყალობის წიგნში მოწმეებად დასახელებული არიან გიორგი ბერიძე მესტუმრეთუხუცესი და ოთარ ბერიძე - სახლთუხუცესი. 1687-1705 წლებში [[ჯუმათის საეპისკოპოსო]]ს მართავდა ეპისკოპოსი იოანე ბერიძე. გურიის სამთავროში ბერიძის სათავადო მოიცავდა 6 სოფელსა და ოთხმოცამდე ყმას. თავადი ბერიძის ყმები იყვნენ [[ბოლქვაძეები]], ჩხარტიშვილები, დოლიძეები,  კუნჭულიები. ბერიძეებს გააჩნდათ საგვარეულო ციხე, რომელიც, სავარაუდოდ, [[ძიმითი|ძიმითში]] იდგა. 

{{ციტატა|„ბახვის წყლის შესართავს ზეით არს ციხე ბერიძისა, სამხრითკენ მას ზეით ხეობა სურები, ვენახ-ხილიანი, მოსავლიანი|ვახუშტი ბატონიშვილი)|}}<ref>ქართლის ცხოვრება ც 4: 790,19</ref>

XVII საუკუნეში იხსენიება თავადი ბეჟან ბერიძე. <ref>ჩხატარაიშვილი ქ. "გურიის სამთავრო, პოლიტიკური და სოციალურ-ეკონომიკური ისტორიის ნარკვევი" გვ. 386.</ref> XVIII საუკუნეში თავადმა შერვაშიძემ სოფელ [[ინტაბუეთი|ინტაბუეთში]] მცხოვრები აზნაური ჩიგოგიძეები გადასცა თავად ბერიძეებს <ref>იქვე გვ.483.</ref> XVII-XVIII საუკუნეების მიჯნაზე მოხდა ბერიძეების თავადური გვარის დამცრობა. მათ დაკარგეს გურიელის კარზე თანამდებობები, რომლებიც ნაკაშიძეების ხელში გადავიდა და ბერიძეებიც აზნაურები გახდენენ.  XVIII საუკუნეში [[დვაბზუ]]ში მცხოვრებმა აზნაურმა მამუკა ბერიძემ უშვილობის გამო საკუთარი მამული საყვარელ ნაკაშიძეს დაუტოვა.<ref>{{წიგნი | first=| ავტორი= სოსელია ო.| სათაური=ნარკვევები ფეოდალური ხანის დასავლეთ საქართველოს სოციალურ-პოლიტიკური ისტორიიდან| chapter=| გამომცემლობა=მეცნიერება |ტომი=II|ადგილი=თბილისი |წელი=1981| origyear=| isbn=| edition=|გვერდები=167|ბმული=http://dspace.nplg.gov.ge/handle/1234/229693}}</ref> XVIII საუკუნის პირველ ნახევარში ბერიძე იხსენიება, როგორც „ერისთავის უხუცესი და [[ერკეთი]]ს სახატო მამულის მოურავი“. 1766 წლის რუკაზე, რომელის შედგენილია ჟოზეფ ნიკოლა დელილის მიერ, გურიის სამთავროში აღნიშნულია საბერიძეო. 1790 წლის ერთ თავდებობის წიგნში იხსენიება [[გურიის უდაბნოს მონასტერი|გურიის უდაბნოს]] მოურავი როსტომ ბერიძე.

XIX საუკუნის დასაწყისში - აზნაურმა ბეჟან ბერიძემ მიიღო მოურავობა, რადგან მან მამია გურიელს გაუწია დახმარება ასკანის ციხის აღებისათვის და ურჩი ასათიანების დამორჩილებისათვის. იგივე სამსახურისათვის მამია V-მ საჯავახოსა და საკათალიკოსოს მოურავობა ორ კაცს გაუყო ერთი ერისთავს და მეორე ბერიძეს.<ref>ჩხატარაიშვილი ქ. "გურიის სამთავრო, პოლიტიკური და სოციალურ-ეკონომიკური ისტორიის ნარკვევი" გვ. 396.</ref>

დიმიტრი ბაქრაძე ასახელებს გურიის ერისთავ-შარვაშიძეთა აზნაურებს - ბერიძეებს, რომელთაც გააჩნდათ ერკეთის მოურავების სახელო. დიმიტრი ბაქრაძე აცანის მონასტრის ტაძრის წარწერებში ასახელებს  გურიის სამთავროს მესტუმრეთ-უხუცეს გიორგი ბერიძეს.{{sfn-2|ბაქრაძე 1878|გვ=199}}

1841 წელს [[გურიის აჯანყება]]ში მონაწილეობას ღებულობდა ჯვარცხმელი აზნაური ყარსუმ ბერიძე, რომელმაც გრიგოლეთის ბრძოლაში დადიანების კუთვნილი [[ერეკლე II]]-ის ხმალი  ჩაიგდო ხელში <ref>[http://aboutguria.blogspot.com/2017/02/ii.html ერეკლე II-ის ხმალი გურიაში]</ref> XIX საუკუნის მეორე ნახევარში აზნაურ სიო ბერიძის ასული ნინუცა ბერიძე იყო ტელემაქ გურიელის, პოეტ [[მამია გურიელი]]ს ძმის, მეუღლე. ნინუცა ბერიძის დის, ვენერა ბერიძის ცოლად შერთვა სურდა [[ოლივერ უორდროპი|ოლივერ უორდროპს]], თუმცა მისი მცდელობა წარუმატებლად დასრულდა.<ref>{{სტატია|სათაური=მამია გურიელი და მისი ძმები |გამოცემა=[[საქართველოს ქალი]]|ნომერი=1|წელი=1973| სახეობა=ჟურნალი|გვერდები=17-18|ბმული=https://dspace.nplg.gov.ge/handle/1234/277735|ავტორი=წერეთელი, პ.}}</ref>

1904 წლის მონაცემებით აზნაური ბერიძეები გურიის შემდეგ სოფლებში ცხოვრობდნენ ოცხანა (ცხრა კომლი), ამაღლება (ხუთი კომლი), ფარცხმა (ხუთი კომლი), ვანი (სამი კომლი), ზომლეთი (სამი კომლი), ახალშენი (ორი კომლი), ბერეჟოული, ერკეთი, ბუკისციხე, ინტაბუეთი, იანეული, დვაბზუ, სურები, ზენობანი. XX საუკუნის დასაწყისში ქალაქ ოზურგეთის თავი იყო ვექილი პლატონ ალმასხანის ძე ბერიძე.

===აჭარაში===
ამჟამად აჭარაში ცხოვრობს ბერიძეთა ყველაზე დიდი რაოდენობა, მაგრამ აჭარაში მცხოვრები ბერიძეების გენეალოგია შეუსწაველია, ვინაიდან [[ოსმალეთის იმპერია|ოსმალეთის იმპერიის]] ბატონობის დროს განადგურდა წერილობითი დოკუმენტები. ზეპირი გადმოცემებით ბერიძეებს (განსაკუთრებით ქვემო აჭარის ბერიძეებს) იხსენიებდნენ ბეგებად და აღებად, რაც ქართული თავადის და აზნაურის ანალოგი იყო. აჭარაში ბერიძეების არსებობას ადასტურებს დიმიტრი ბაქრაძის მიერ მიერ აღმოჩენილი საბუთები. მისი მტკიცებით ეს საბუთი აჭარაში მაჰმადიანობის გავრცელებამდეა შედგენილი, სავარაუდოდ XV საუკუნის მეორე ნახევარში. ეს საბუთი ცნობილია როგორც იასე ცინცაძის სიგელი, რომელშიც ნახსენებია აზნაური ბეჟიტა ბერიძე. {{sfn-2|ბაქრაძე 1878|გვ=33}}

ოსმალთა ბატონობისგან სამხრეთ-დასავლეთ საქართველოს სახალხო განმათავისუფლებელ მოძრაობაში ბერიძეთა საგვარეულოს მონაწილეობაზე მეტყველებს XIX საუკუნის პირველი ნახვერის გამოსვლებიც, რომელთაგან ერთ-ერთს ორგანიზებას უწევდა მემედ-ბეგ ჩახალოღლი-ბერიძე, რომელიც სოფელ ზესოფლიდან იყო და  ჭროღა და წვრილი თვალების გამოვა ეწოდა ჩახალი. ის იყო [[სელიმ ხიმშიაშვილი]]ს თანამებრძოლი და თანამედროვე. მემედ-ბეგ ჩახალოღლი-ბერიძე მემედ ბაირახტარის სახელითაა ცნობილი. ყოფილა არა ერთი, არამედ სამი ძმა ჩახალოღლი<ref>ა.ახვლედიანი, "აჭარის საგმირო-საისტორიო ზეპირსიტყვიერება", ბათუმი, 1970, გვ.160,163</ref>. ჩახალოღლის 100 კაციანი რაზმი ჰყოლია. კავშირი ჰქონდა თავისუფლებისათვის მებრძოლებთან არა მარტო აჭარაში, არამედ სამცხე-ჯავახეთში, გურიაში, სამეგრელოში, ლაზეთში. ჰქონდა სპეციალური დაკვეთით დამზადებული დიდი ყალიბის კაჟიანი თოფი, რასაც აჭარაში „ჩახალოზას" ეძახდნენ.<ref>იხ.ახვლედიანი, "სახალხო განმათავისუფლებელი ბრძოლის ისტორიიდან სამხრეთ საქართველოში", ბათუმი, 1956.</ref>  მემედ-ბეგ ჩახალოღლი ოსმალებთან ბრძოლაში დაეცა, მისი საფლავი მიუკვლეველია. მემედ-ბეგ ჩახალოღლის ნამოსახლარი -ქედის მუნიციპალიტეტის სოფელ ზესოფელის ტერიტორიაზე დღემდე შენარჩუნებულია.

[[თედო სახოკია]] აჭარაში ბერიძეებს პირვანდელ სახით შემორჩენილ გვარებს შორის ასახელებს. აჭარაში სახოკიას გამცილებლობა წმინდა ქართულით მოსაუბრე, თავისი მხარის ისტორიისა და ადგილთა სახელების მცოდნე და განსწავლულ, ამ საგვარეულოს ოთხმა წარმომადგენელმა გაუწია. ზოტიყელიდან ღორჯომამდე მას სულეიმან ბერიძე დამგზავრია, რომელიც ბრძენ წინაკაცად ითქვლებოდა ზემო აჭარაში. ხულოდან ფურტიოსკენ სახოკიას ჩაფრად განწესებული იუსუფ ბერიძე აცილებდა. ფურტიოში სტუმარს გულუხვად ხულოს მეჯლისის წევრმა, ყადიმ, ნური ბერიძემ უმასპინძლა. აქედან ოლადაურში და სარიჩაირის საზაფხულო საძოვრებზე კი მკვლევარს თან ხულოს ნაწილის უფროსი ალექსანდრე ბერიძე ახლდა<ref>''[[თედო სახოკია|სახოკია, თ.]]'', მოგზაურობანი: გურია აჭარა სამურზაყანო აფხაზეთი,  გვ. 209-210 — ბათუმი, "საბჭოთა აჭარა", 1985.</ref>

ზაქარია ჭიჭინაძის ცნობით 1890-1898 წლებში [[ბათუმის ოლქი]]ს ზემო აჭარის ნაწილის უფროსი იყო გიორგი ალექსანდრეს ძე ბერიძე.

1917 წელს სამხრეთ საქართველოში მოგზაურობისას [[ექვთიმე თაყაიშვილი]] გაოცებული დარჩა ოლთისელი  ხიმშიაშვილების დედის, ასი წლის ბერიძეთა გვარის წარმომადგენლის მეხსიერებითა და განსწავლულობით. მას ზეპირად სცოდნია ვეფხისტყაოსანი და შვილებსაც ზედმიწევნით შეასწავლა<ref>ბექირიშვილი ი., აჭარის ისტორია გვარ-სახელებში, ბათუმი</ref>1921 წელს აჭარის თურქთა ბატონობისაგან გათავისუფლებისათვის ადგილობრივ მოხალისეთა მებრძოლთა შორის იყო ვინმე შერიფა ბერიძე.

===იმერეთში, და სამეგრელოსა და ლეჩხუმში===
ბერიძეები [[იმერეთი|იმერეთში]] იხსენიებიან, როგორც წერეთლის აზნაურები და [[სვერის ციხე|სვერის ციხის]] მეციხოვნეები, სათავადო აზნაურებად ჩანან ბერიძეები აგრეთვე ლეჩხუმსა და [[სამეგრელო]]ში. არსებობს სამეგრელოს მთავრის ლევან დადიანის მიერ 1824 წელს გაცემული მოწმობა, რის თანახმადაც ხონის მკვიდრმა ბერიძეებმა დაიბრუნეს აზნაურობა და ძველი გვარიც. მასში ვკითხულობთ: {{ციტატა|„გიორგი ბერიძე შემოწირულ არს ხონის მინდა გიორგის ეკლესიისადმი, მის პაპიჩემისაგან მისვე სახითა აზნაურობისათა, უჭეშმარიტესად წარმოებს გვარნი ამათნი ბერიძეებად, რომელთაც მონათესავე ამათი ცხოვრობენ ჟამსა ამას  შინა სამთავროსა შინა ჩემსა ლეჩხუმს“}}<ref>ე. ბერიძე, „მოგონებები“, თბ. 1987, გვ. 136.</ref>

ბერიძეები იხსენიებიან [[ქუთაისის გუბერნია|ქუთაისის გუბერნიის]] აზნაურების სიაში.<ref>[http://goldarms.narod.ru/imeretia.htm Список дворянских родов Кутаисской губернии.] {{ru icon}}</ref>“. XIX საუკუნის მიწურულს ქუთაისის თავადაზნაურთა საკრებულოში ხმის უფლებით მონაწილეობდნენ აზნაური ბერიძეები. 1904 წლის მონაცემებით აზნაურ ბერიძეების ოთხი კომლი ცხოვრობდა ლეჩხუმის სოფელ ცაგერ-გვესოში, ხოლო სამეგრელოს სოფლებში აბასთუმანსა და გურძენში (ორი კომლი). 1924 წელს [[აგვისტოს აჯანყება]]ში მონაწილეობდა ანტონ მაქსიმეს ძე ბერიძე [[შორაპნის მაზრა|შორაპნის მაზრიდან]].

==ბერიძეები ქართლში==
ბერიძეები [[საციციანო]]ში ციციშვილების აზნაურები იყვნენ. 1411 წლის დოკუმენტში [[ქართლი|ქართლში]] იხსენიება დავით ბერიძე, რომელსაც ჰყავს სახლიკაცი ციხელი და მეუღლე მითა. მას სვეტიცხოვლისათვის ვენახი მიუყიდია. 1448 წელს ალექსანდრე მეფის მიერ სიაოშ ფალავანდიშვილისათვის მიცემულ ქონების ბოძების წიგნში, სხვებთან ერთად, მოწმედ ბერიძეცაა დასახელებული. დემეტრე ბერიძე მოწმედ გვხდება იმავე ალექსანდრე მეფის მიერ 1484-1510 წლებში კაციბერ თოფურიძისათვის მიცემულ სასისხლო სიგელში. დაუთა ბერიძე არის მოწმე გიორგი სააკაძის მიერ ფარსადან ჯავახიშვილისგან ყმა მამულის ნასყიდობის წიგნში. წყალწითელას მცხოვრები გოგიტა ბერიძე გვხვდება 1570 წლის ბეგრის ნუსხაში. ქართლში ციციშვილის აზნაურ ბერიძეს 1578-1675 წლებში ჰყოლია სამი კომლი ყმა მაწლეთსა და ხამლეთში. ბერიძეები ქართლში მხოლოდ ციციშვილების აზნაურები არ იყვნენ, ისინი ირიცხებოდნენ საამილახვროს აზნაურებშიც. საამილახვროს დავთრის მიხედვით ანდორეთს მცხოვრები ბერიძის კომლიდან ოთხ კაცს ევალებოდა თოფით ლაშქრობა. სახლთუხუცეს პაატა ციციშვილის ყმების ნუსხის მიხედვით იხსენიება ბერიძე ბახუტა. 1654 წელს ჩანს ბერიძე ელია - დამწერი და მოწმე წინამძღვარ მელქისედეკ ყანჩელის მიერ ძაბახიძეებისათვის მიცემული სამწირველოს ბოძების წიგნისა.

==იხილეთ აგრეთვე==
*[[ბერიძე]]

==ლიტერატურა==
{{commonscat|Beridze (surname)}}
*''ახუაშვილი ი.'', „ქართულ გვარ-სახელთა საიდუმლოებანი“, თბ., 1997, გვ.48
*პირთა ანოტირებული ლექსიკონი 1991, გვ. 524
*{{წიგნი| ავტორი= [[დიმიტრი ბაქრაძე|ბაქრაძე დ .]]| series=| სათაური=„არქეოლოგიური მოგზაურობა გურიასა და აჭარაში“| გამომცემლობა=„საბჭოთა აჭარა“ |ადგილი=ბათუმი|წელი=1987 [1878]| origyear=1878| isbn=| edition=|page=|ref=ბაქრაძე|ref=ბაქრაძე}}

==სქოლიო==
{{სქოლიო}}

[[კატეგორია:საქართველოს ფეოდალური საგვარეულოები]]