იხილეთ წყარო გვერდისთვის ბოდორნის სვეტი

{{ინფოდაფა დაცული ტერიტორია
| სახელი = ბოდორნის სვეტი
| მშობლიური სახელი = 
| IUCN-ის კატეგორია = III
| სურათი = Bodornis sveti.jpg
| წარწერა = 
| რუკა = Georgia location map.svg  
| locator_x = 
| locator_y = 
| სათაური = 
| მდებარეობა = [[დუშეთის მუნიციპალიტეტი]]
| ქვეყანა = {{დროშა|საქართველო}} 
| უახლოესი ქალაქი = [[ბოდორნა]]  
| კოორდინატები = {{coord|42|02|51|N|44|44|24|E|}}
| ფართობი = 0,176 კმ²
| დაარსდა = 2013 წელს  
| სტუმრების რაოდენობა =  
| სტუმრების წელი =  
| მმართველი ორგანო = დაცული ტერიტორიების სააგენტო
| მსოფლიო მემკვიდრეობა = 
| ოფიციალური საიტი = 
}}
'''ბოდორნის სვეტი''' —  კლდის სვეტი [[საქართველო]]ში, [[დუშეთის მუნიციპალიტეტი|დუშეთის მუნიციპალიტეტში]]. მდებარეობს მდინარე [[არაგვი]]ს ხეობის მარჯვენა მხარეს, სოფელ [[ბოდორნა]]სთან, გზიდან 70–80 მ-ზე, სიმაღლე 15 მ. მისი დიამეტრი 4 მ აღწევს.<ref>საქართველოს სსრ წითელი წიგნი, „საბჭოთა საქართველო“, 1982, გვ. 199</ref>

[[ბოდორნის ღვთისმშობლის ეკლესია|ბოდორნის ეკლესიის]] სამხრეთ-აღმოსავლეთით, 150 მეტრის დაშორებით, ფლატის შვერილზე აღმართულია „დუნუდაციური მოწმე“, რომელიც ლიტერატურაში ბოდორნის სვეტის სახელითაა ცნობილი, ხოლო ადგილობრივი მოსახლეობა „წოწოლა კლდეს“ უწოდებს („წოწოლა“ მაღალსა დაწაწვრილებულს ნიშნავს).<ref name="კხბ" />

ბოდორნის კლდის სვეტი [[ნეოგენური სისტემა|ნეოგენურ კონგლომერატებში]], ანუ ბუნებრივად შეცემენტებულ რიყნალებშია გამომუშავებული. აქ არსებული რელიეფის ფორმებისა და ქანების აგებულებით თუ ვიმსჯელებთ, მსგავსი სვეტების წარმოშობა შეიძლება მომავალშიც მოხდეს. შესაძლოა ბოდორნის სვეტი წარმართულ ხანაში ნაყოფიერების სიმბოლოდ ყოფილიყო მიჩნეული, ხოლო ქრისტიანულ პერიოდში (V-VI საუკუნეებში) კი მესვეტის საცხოვრისად გამოეყენებინათ. ამდენად, ბოდორნის სვეტი, კაცხის სვეტის მსგავსად, ერთდროულად ისტორიული ძეგლიცაა და ბუნებრივიც.<ref name="კხბ" />

ბოდორნის სვეტი ზღვის დონიდან 750 მეტრზეა, მეტად დამრეც, ტყით შემოსილ ფერდობზე. სვეტის სიმაღლე 15 მეტრზე მეტია. ქვედა ნაწილის დიამეტრი 4 მეტრია, ზემოთ კი თანდათან ვიწროვდება. თხემზე ბუჩქებია ამოსული. არ არის გამორიცხული, რომ ეს წესიერი ფორმა ადამიანის ჩარევითაც იყოს მიცემული. სვეტის თავისებურება ისიც არის, რომ მის ქვედა ნაწილში, აღმოსავლეთის მხრიდან — გაჭრილია ორთვლიანი გამოქვაბული, რომლის კედლებშიც თახჩებია დატანებული. მის თავზე დაუწყიათ მეორე სართულის კიდევ ერთი „ოთახის“ გამოჭრა, რაც ბოლომდე მიყვანილი არ არის.<ref name="კხბ">[[კობა ხარაძე]]., ბოდორნა, თბილისი, 2010, გვ. 21–33</ref>

ბოდორნის სვეტი გარეგნული ფორმითა და სიდიდით ძლიერ წააგავს კავკასიონის მთიანეთში მოდარაჯე კოშკებს. „კლდის კოშკები“, ანუ კლდის სვეტები, როგორც დაცვის ობიექტი, „საქართველოს წითელ წიგნშია“ შეტანილი. მიუხედავად იმისა, რომ ბუნების ძეგლთან მისვლა საკმაოდ რთულია. [[1979]] წელს ძეგლი შეისწავლა [[ვახუშტი ბაგრატიონის სახელობის გეოგრაფიის ინსტიტუტი]]ს ექსპედიციამ [[ლევან მარუაშვილი]]ს ხელმძღვანელობით. ბოდორნის სვეტი [[საქართველოს ბუნების ძეგლები|ბუნების ძეგლია]].<ref>[https://apa.gov.ge/ge/protected-areas/Naturalmonument/bodornis-kldis-sveti დაცული ტერიტორიების სააგენტო | ბოდორნის კლდის სვეტების ბუნების ძეგლი]</ref> 

==იხილეთ აგრეთვე==
* [[საქართველოს ბუნების ძეგლები]]

==სქოლიო==
{{სქოლიო}}

{{საქართველოს ბუნების ძეგლები}}

[[კატეგორია:საქართველოს ბუნების ძეგლები]]