იხილეთ წყარო გვერდისთვის დენდროლოგია

'''დენდროლოგია''' ({{lang-grc|δένδρον}}, დენდრონ — „ხე“ და {{lang-grc|-λογία}}, ლოგია — „მოძღვრება“) — [[მეცნიერება]] და სწავლება [[მერქნიანი ჯიშები|მერქნიანი მცენარეები]]ს შესახებ, მათ [[მორფოლოგია]]ს, [[ფიზიოლოგია]]ს, [[გეოგრაფია]]ს და ა. შ.<ref>[http://www.nplg.gov.ge/gwdict/index.php?a=term&d=12&t=14993 დენდროლოგია – განმარტება.საქართველოს პარლამენტის ეროვნული ბიბლიოთეკა]</ref> მკვეთრი ზღვარი მცენარეთა [[ტაქსონომია]]სა და დენდროლოგიას შორის არ იკვეთება. ამასთან, მერქნიან მცენარეებს მიეკუთვნებიან არა მხოლოდ მცენარეთა სხვადასხვა [[ოჯახი (ბიოლოგია)|ოჯახები]], არამედ ეს ოჯახები შეიძლება შედგებოდნენ როგორც მერქნიანი, ასევე არამერქნიანი წევრებისგან. ზოგიერთი ოჯახი მოიცავს ხე-მცენარეთა მხოლოდ რამდენიმე სახეობას. ეს მნიშვნელოვნად ზღუდავს დენდროლოგიური მიდგომის სარგებლიანობას. დენდროლოგია ყურადღებას ამახვილებს ეკონომიკურად სასარგებლო ხე-მცენარეებზე, მათ იდენტიფიკაციაზე, [[მებაღეობა|სამებაღეო]] და [[მეტყევეობა|სამეტყევეო]] თვისებებზე.
== დენდროლოგია და ბოტანიკა ==
დენდროლოგიას ხშირად [[ბოტანიკა]]სთან აიგივებენ, თუმცა ბოტანიკა შეისწავლის ძირითად მცენარეთა ყველა სახეობას, დენდროლოგია კი, მხოლოდ მერქნიან მცენარეებს. ამგვარად, დენდროლოგია არის ბოტანიკის ერთ-ერთი კარი, რომლის კვლევის საგანია მერქნიანი მცენარეები.

== ცნობილი დენდროლოგები ==
* [[ჰემფრი მარშალ]]ი, „ამერიკული დენდროლოგიის მამა“
* [[ალან მიტჩელი]]
* [[ლუდვიგ ბაისნერი]]
==დენდროლოგია საქართველოში==
საქართველოში მერქნიან მცენარეთა მეცნიერულ შესწავლას საფუძველი XIX საუკუნის ბოლოს და XX საუკუნის დასაწყისში ჩაეყარა (ა. გამრეკელი, [[სოლომონ ქურდიანი|სოლომონ ქურდიანი]]). 1921 წელს ს. ქურდიანის თაოსნობით [[თბილისის სახელმწიფო უნივერსიტეტი]]ს აგრონომიულ ფაკულტეტთან შეიქმნა  სატყეო განყოფილება, სადაც პირველად იქნა შემოღებული დენდროლოგიის ქართულ ენაზე სწავლება, ხოლო 1922 წელს ქურდიანის ავტორობით გამოიცა დენდროლოგიის პირველი სახელმძღვანელო ქართულ ენაზე. სატყეო განყოფილების ბაზაზე დაარსდა სასოფლო-სამეურნეო და სატყეო-ტექნიკური ინსტიტუტები, სადაც დენდროლოგიის კათედრებს 1937 წლამდე განაგებდა ს. ქურდიანი (დახვრიტეს სტალინური რეპრესიების დროს). 

დენდროლოგიის განვითარებას დიდად შეუწყო ხელი საქართველოში დენდროლოგიური პარკების გაშენებამ. 1930-იან წლებში ქურდიანმა თბილისში, ვ. ბარნოვის ქუჩაზე, საფუძველი ჩაუყარა დენდრარიუმს, სადაც მიმდინარეობდა კვლევითი მუშაობა მერქნიან მცენარეთა აკლიმატიზაციასა და სელექციაში. თბილისის სამთო-მეტყევეობის ინსტიტუტის თაოსნობით დენდროლოგიური პარკები გაშენდა [[ოჩამჩირე|ოჩამჩირის]] სატყეო-საცდელ სადგურში და [[თბილისის ზღვა|თბილისის ზღვასთან]]. დენდროლოგიური კვლევა საქართველოში განსაკუთრებით ფართოდ გაიშალა თბილისის სატყეო ინსტიტუტის დაარსების (1945) შემდეგ.

== იხილეთ აგრეთვე ==
* [[დენდროქრონოლოგია]]
* [[დენდრომეტრია]]
==ლიტერატურა==
{{ქე|2|?|სარაჯიშვილი დ., ლორია მ.}}
== რესურსები ინტერნეტში ==
* [http://www.tree-identification.com/dendrology.html Dendrology information and other tree identification resources] {{en}}

== სქოლიო ==
{{სქოლიო}}

{{ესკიზი-ბოტანიკა}}
[[კატეგორია:დენდროლოგია]]
[[კატეგორია:ბოტანიკა]]