იხილეთ წყარო გვერდისთვის დიეგოს თმის სალონი

[[ფაილი:Diego's Hair Salon.jpg|thumb|300px|დიეგოს თმის სალონი]]
'''დიეგოს თმის სალონი''' (ინგლ. Diego's Hair Salon), მცირე საპარიკმახერო სალონი [[ვაშინგტონი (ქალაქი)|ვაშინგტონის]] [[დიუპონ-სირკლი]]ს უბანში, დაარსებული 1960-იან წლებში იტალიელი-ამერიკელი დიეგო დ'ამბროზიოს მიერ. სალონი მცირე ხანში უბნის გამოჩენილ ადამიანთა თავშეყრის ადგილი გახდა, ვინაიდან მას ხშირად სტუმრობდნენ პოლიტიკოსები, რელიგიური ლიდერები, დიპლომატები და უზენაესი სასამართლოს იურისტები. ადგილობრივი საზოგადოების ცხოვრებაში შეტანილი წვლილის აღსანიშნავად დ'ამბროზიოს სახელი ჰქვია ამ უბნის ერთ-ერთ ქუჩას.

== ისტორია ==
1961 წელს [[იტალია|იტალიიდან]] აშშ-ში ემიგრირებიდან ორ წელიწადში დ'ამბროზიომ თმის სალონში დაიწყო მუშაობა. 1965 წელს მან უკვე საკუთარი "დეგოს თმის სალონი" გახსნა. 1980 წლისთვის მან სალონი მის ამჟამინდელ ადგილას Q სტრიტის 1901-ში გადაიტანა დიუპონ-სირკლზე. მამაკაცის თმის შეჭრის ფასი დ'ამბროზიომ გადასვლისთანავე $20-ზე დააწესა და იგივე ფასი აქვს დღესაც. [[ინდიპენდენსი]]ს მესვეტე [[რუპერტ კორნუელი]] დიეგოს სალონს ამგვარად აღწერდა: "მოკრძალებული და თავაზიანი დაწესებულება... ფოტოები მის კედლებზე აღწერს ვაშინგტონს: არცთუ თვალწარმტაცს, მაგრამ ლამაზს, რომელშიც ძალაუფლება სჭვივის, თუმცა უჩვეულოდ შინაურულია, ისტორიით ყოველ კუთხეში და დიდ ადამიანთა აჩრდილით ყოველ კედელზე".

2009 წელს დ'ამბროზიოს იტალიის საელჩოში იტალიური სოლიდარობის ვარსკვლავის ორდენი მიანიჭეს, მის მიერ იტალიური წარმომავლობის პოპულარიზაციაში გაწეული ღვაწლისთვის. 2010 წლის 23 აპრილს ვაშინგტონის მერმა [[ადრიან ფენტი]]მ სხვა ადგილობრივ მმართველებთან ერთად Q სტრიტის 1900 ბლოკს დ'ამბროზიოს გზა დაარქვა (ქუჩის ალტერნატიული სახელი).

== კლიენტები ==
დიეგოს კლიენტთა შორის იყვნენ უზენაესი მოსამართლეები [[უორენ ბურგერი]] და [[უილიამ რენქისტი]], [[ისრაელი]]ს პრემიერ-მინისტრი [[ბენჯამინ ნეთანიაჰუ]], [[ბრიტანეთი]]ს ყოფილი პრემიერ-მინისტრი [[ჯონ მეიჯორი]], ვაშინგტონის არქიეპისკოპოსი დონალდ ვიუერლი, იტალიის ყოფილი ელჩი ჯიოვანი კატელანეტა, მერი ადრიან ფენტი და ვაშინგტონის ქალაქის საბჭოს წევრები. თვით ამბროზიოს თქმით ის 135 ქვეყნის 75 ელჩს, 17 პრეზიდენტსა და პრემიერ-მინისტრს და სხვა მაღალი რანგის სახელმწიფო მოხელეებს მომსახურებია.

[[კატეგორია:ვაშინგტონის ღირსშესანიშნაობები]]
[[კატეგორია:1965 წელს დაარსებული კომპანიები]]