იხილეთ წყარო გვერდისთვის დოლი

{{მმ*|დოლი (მრავალმნიშვნელოვანი)}}
[[ფაილი:Doli,Tbilisi2.jpg|მინი|დოლი]]
'''დოლი''' — ქართული [[დასარტყმელი საკრავები|დასარტყმელი საკრავი]]. დოლი გავრცელებულია [[საქართველო]]ს ბარის კუთხეებში. 

დოლი წარმოადგენს ხის პატარა ცილინდრულ კორპუსს, რომლის ორივე მხარეზე გადაკრულია ტყავი. ტყავი დამაგრებულია თასმებით და მასში გაყრილია რკინის რგოლები, რომლებითაც იჭიმება ტყავი. დოლის სიმაღლე ისე შეეფარდება ჟღერადი ზედაპირის დიამეტრს, როგორც 3:1. დოლზე (უფრო მეტად) უკრავენ ხელებით ან ჯოხებით. ზოგჯერ ჯოხს გაგანიერებული ბოლო აქვს. დოლი უჭირავთ მარცხენა იღლიის ქვეშ ან ჩამოკიდებული აქვთ. უკრავენ მჯდომარე მდგომარეობაში. ზოგჯერ [[მედოლე]] თვითონაც ცეკვავს. დოლზე ჯოხებით დაკვრისას, ერთი ჯოხით ურტყამენ ცალ მხარეს (ტყავზე), მეორეთი — მეორე მხარეს. ჯოხებს აქვთ ყულფები, რომლებითაც ჯოხები შემსრულებელს ხელებზე აქვს მიმაგრებული. დოლზე მიიღწევა ტრელები, ტრემოლო, ფორშლაკები. როდესაც  ფორტეს ეფექტის მიღწევა სურთ, უკრავენ შუა ადგილას, ხოლო პიანოს დროს — დოლის ნაპირებზე. დოლის კორპუსი კეთდება ხისაგან. მისცემენ ცილინდრის ფორმას და გადააკრავენ ტყავს, რომელსაც ამაგრებენ თოკით ან თასმით. 

დოლზე უკრავენ ძირითადად მამაკაცები; ცეკვის დროს დოლი ხაზს უსვამს ცეკვის რიტმს. დოლთან ერთად ხშირად ხდება სხვა ერთი რომელიმე საკრავის გაერთიანება ანსამბლად, მაგალითად [[ჩონგური]]ს ან [[ჭიბონი]]ს, [[ზურნა|ზურნის]], [[დუდუკი|დუდუკების]] და იშვიათად [[სალამური]]ს.
==ლიტერატურა==
{{ქე|2|472|ჩხიკვაძე გ.}}
==რესურსები ინტერნეტში==
* [http://dspace.tsc.edu.ge/handle/8001/68 მ. შილაკაძე, „ქართული ხალხური საკრავები და საკრავიერი მუსიკა“, თბ., 1970]

{{ქართული მუსიკალური საკრავები}}

[[კატეგორია:მუსიკალური ინსტრუმენტები ანბანის მიხედვით]]
[[კატეგორია:ქართული ხალხური საკრავები]]
[[კატეგორია:დასარტყმელი საკრავები]]