იხილეთ წყარო გვერდისთვის პეტრას ციხე

{{მმ*|პეტრა}}
{{ინფოდაფა სამხედრო ნაგებობა
| სახელი         =პეტრა. ციხე-ქალაქის ნაშთი
| infobox_width         = 250px
| სურათი                 =Petra-cixisdziri.JPG
| სურათი_ზომა            =
| წარწერა               =
| პოზრუკა              = საქართველო
| პოზრუკა2              = 
| რუკა_ზომა              =250
| მდებარეობა             ={{დროშა|საქართველო}}
|lat_dir = N  |lat_deg =41  |lat_min =46  |lat_sec = 6
|lon_dir = E  |lon_deg =41  |lon_min =45  |lon_sec =11
| პროვინცია              =
| რაიონი              =
| აშენების _წელი     =
| აღდგენის წელი   =
| სტატუსი                =დანგრეული
| ფუნქციური სტატუსი     =
| მმართველი  = 
| ვებ-გვერდი               =
| ხუროთმოძღვრება         =დიახ
| ხუროთმოძღვარი             =
| ხუროთმოძღვრული_ტიპი     =
| ხუროთმოძღვრული_სტილი    =
| ფასადის_მიმართულება      =
| ნოვატორული        =
| თარიღდება      =  [[535]] წლით
| მშენებლობის_ფასი     =
| დეტალები        =დიახ
| ტევადობა              =
| სიგრძე                =
| მასალა            =
| გეგმა=
| გეგმის ზომა=
| გეგმის წარწერა=
}}

'''პეტრა''' ({{lang-gr|Πέτρα}} — ქვა, კლდე) — ისტორიული ციხე-ქალაქი [[ეგრისის სამეფო]]ში, თანამედროვე სოფელ [[ციხისძირი (ქობულეთის მუნიციპალიტეტი)|ციხისძირის]] ტერიტორიაზე<ref>[https://matsne.gov.ge/ka/document/view/99220 საქართველოს პრეზიდენტის ბრძანებულება № 665, 2006 წლის 7 ნოემბერი, ქ. თბილისი, კულტურის ზოგიერთი უძრავი ძეგლისათვის ეროვნული მნიშვნელობის კატეგორიის მინიჭების შესახებ]</ref>.

==ძეგლის აღწერა==
პეტრის აკროპოლისი ზღვისპირა კლდოვან ბორცვზე მდებარეობდა, ხმელეთის მხრიდან მას გალავნის გარდა კლდოვანი რელიეფი იცავდა (აქედანაა მისი ბერძნული სახელწოდება „პეტრა“ — ქვა, კლდე). პეტრა მიუვალ ციხედ ითვლებოდა.

მისი ნანგრევები დღემდეა შემორჩენილი. არქეოლოგიური კომპლექსი მოიცავს ციტადელს, გარექალაქსა და ნასახლარს. ციტადელში შემორჩენილია სასახლის, ანტიკური აბანოს, სამეურნეო და ჯარისკაცთა საცხოვრებლების ნანგრევები, აგრეთვე მათ შორის VI-VII საუკუნეების ბაზილიკის საძირკველი, რომელიც [[პეტრის საეპისკოპოსო]]ს კათედრალის ნაშთია.

პეტრის ლოკალიზაციის შესახებ არსებობს სხვადასხვა მოსაზრებაც.

პეტრამ დიდი ხანია მიიპყრო მკვლევართა ყურადღება. XIX საუკუნის 30-იანი წლებიდან მოყოლებული (ამ დროს მას შეეხო შვეიცარიელი არქეოლოგი ფრედერიკ დიუბუა დე მონპერე) დღემდე ამ ციხე-ქალაქის თავგადასავალი ისტორიკოსთა განხილვის საგანია. აქ რამდენიმე სადაზვერვო გათხრა ჩატარდა პირველი 1934 წელს ს. ჯანაშიას მიერ, ხოლო მეორე 1953 წელს ნ. ხოშტარიას ხელმძღვანელობით. [[1908]] წელს აქ აღმოჩინეს მდიდარი სამარხი (ნაპოვნია ოქროს ჩარჩოში ჩასმული დიდი ბროლი, რომელიც ერმიტაჟში ინახება.). ნ. ხოშტარიას აზრით გათხრებისას აღმოჩენილი განძის კვლევამ დაადგინა რომ პეტრას ციხე ახალი წელთაღრიცხვის პირველ საუკუნეებში ერისთავის სარეზიდენციო პუნქტი ყოფილა.

===პეტრას კათედრალი===
{{მთავარი|პეტრას კათედრალი}}
'''პეტრას კათედრალი''' — [[ლაზიკის ეპარქია|ლაზიკის ეპარქიის]] ერთ-ერთი საეპისკოპოსო ცენტრი, პეტრას ციხეში არსებული კვადრატული ნაგებობა, მდებარეობს შიდაციხის ჩრდილო-აღმოსავლეთ კედლის სიახლოვეს (3-4 მეტრის მოშორებით). მოღწეული კედლების სიმაღლეა 2,5 მ. ამ ნაგებობაში პეტრელი მვდელთმთავრის საკათედრო ტაძარი უნდა ყოფილიყო. საეპისკოპოსო კათედრა VI საუკუნეში დაარსდა და კარგა ხანს არსებობდა (ერთიანდებოდა [[ფაზისის მიტროპოლია]]ში), ექვემდებარებოდა [[კონსტანტინოპოლის საპატრიარქო]]ს. IX საუკუნეში პეტრას კათედრის გაუქმების შემდეგ საეპისკოპოსო ცენტრმა [[ხინოწმინდა]]ში გადაინაცვლა.

პეტრელ მღვდელთმთავრებიდან ცნობილია [[იოანე პეტრელი]] ეპისკოპოსი, რომელიც 692 წლის საეკლესიო კრებას დასწრებია.

პეტრელი ეპისკოპოსის იურისდიქცია საკმაოდ დიდ ტერიტორიაზე ვრცელდებოდა. ქვემო გურიის, აჭარისა და რიზეს მხარეც ერთ დროს მისი სამწყსო ყოფილა. მოგვიანებით, ერთიანი ფეოდალური მონარქიის პოლიტიკური დაშლის ხანაში, როცა საეკლესიო პარტიკულარიზმაც მტკიცედ მოიკიდა ფეხი შეიცვალა საეკლესიო ცენტრების ისტორიული გეოგრაფია და საეპისკოპოსო კათედრამ პეტრა-ქჯეთიდან ხინოწმინდაში გადაინაცვლა.

==ისტორია==
ბიზანტიელთა მიერ დიდი ციხე-ქალაქის აგებამდე აქ ლაზთა მცირე სიმაგრე (პროკოფი კესარიელის სიტყვით „უმნიშვნელო“) ყოფილა, მაგრამ მისი კვალი აღარ შეინიშნება.

ხელსაყრელი  სამხედრო-სტრატეგიული და სავაჭრო-ეკონომიკური მდებარეობის გამო ლაზების ამ უძველეს სამოსახლო ადგილზე [[VI საუკუნე]]ში ბიზანტიის იმპერატორ [[იუსტინიანე I (ბიზანტია)|იუსტინიანე]]ს ბრძანებით ციხე ააშენა იოანე სტრატეგოსმა 535 წელს, რომელსაც ამ იმპერატორის პატივსაცემად „იუსტინიანეს ქალაქი“ უწოდეს (535 წლის ნოველა).

პეტრამ ბიზანტიურ ხანაში დიდი როლი ითამაშა დასავლეთ საქართველოს პოლიტიკურ ცხოვრებაში. ს. ჯანაშია ამ ციხე-ქალაქის როლს თბილისის როლთან აიგივებდა.

ქალაქის ტერიტორიაზე გადიოდა ზღვისპირა ვიწრო გზა, რომელიც დასავლეთ საქართველოს ბიზანტიის პროვინციებთან, ირანთან და სომხეთთან აკავშირებდა. პეტრა კონტროლს უწევდა ბიზანტიიდან [[შავი ზღვა|შავი ზღვის]] აღმოსავლეთ სანაპიროსაკენ მიმავალ საზღვაო-საკაბოტაჟო ნაოსნობას. ბიზანტია და ირანი დაინტერესებული იყვნენ, რომ პეტრა მათ მდლობელობაში ყოფილიყო, რადგან  მათი პოლიტიკური და ეკონომიკური ექსპანსია ამ რეგიონში პეტრის კონტროლზე იყო დამოკიდებული. სწორედ ეს იყო ერთ-ერთი მიზეზი VI საუკუნის შუაწლებში [[ეგრისის დიდი ომი]]სა. ომის განმავლობაში პეტრასთან რამდენიმე მნიშვნელოვანი [[პეტრის ბრძოლები|ბრძოლა]] გაიმართა.

საქართველოს ერთიანი სამეფოს პერიოდში, როგორც ჩანს, აქ ქალაქი აღარ არსებობდა, X საუკუნიდან უნდა გაუქმებულიყო საეპისკოპოსოც, თუმცა ციხემ შემდგომშიც შეინარჩუნა თავისი მნიშვნელობა. შუა საუკუნეებში მას ქაჯისციხეს უწოდებდნენ.

ვენეციელი დესპანის ამბროზიო კონტარინის ცნობით XV საუკუნის 70-იან წლებში აქ კიდევ ყოფილა პატარა ქალაქი, რომელსაც იგი დამახინჯებული ფორმით „კალტიხეა“-ს (ქაჯეთის ციხე) უწოდებს.

1760-იან წლებში ციხისძირი ოსმალებმა დაიპყრეს და გაამაგრეს. [[ყირიმის ომი]]ს დროს აქ მათ 25 ზარბაზანი ედგათ. რუსეთ-თურქეთის ომებისას (XIX ს.) ციხისძირთან რამდენიმე მნიშვნელოვანი ბრძოლა გაიმართა, მაგრამ მისი აღება ვერ მოხერხდა. [[1878]] წელს ციხისძირი საქართველოს დაუბრუნდა [[ბერლინის ტრაქტატი]]თ. ციხის დასავლეთი ნაწილი ბაქო-ბათუმის რკინიგზის გაყვანის დროს მე-19 საუკუნეში ააფეთქეს.

==მუზეუმი==
{{ინფოდაფა მუზეუმი
| სახელი        = პეტრა-ციხის არქეოლოგიურ-არქიტექტურული მუზეუმ-ნაკრძალი
| სურათი        = 
| სურათისზომა   = 
| წარწერა        = 
| დაარსდა       = 1989
| დამაარსებლები  = 
| დაიხურა       = 
| მდებარეობა    = [[ციხისძირი (ქობულეთის მუნიციპალიტეტი)|ციხისძირი]]
| სტატუსი       = ისტორიული
| ექსპონატი      =7 678
| კლასიფიკაცია   = 
| ვიზიტორები   = 
| დირექტორი    = 
| პრეზიდენტი   =
| კურატორი     =
| ვებსაიტი      = 
}}

ციხეზე არქეოლოგიური სამუშაოები 1987 წლიდან მიმდინარეობს. 1989 წლიდან ფუნქციონირებს პეტრას ციხის მუზეუმ-ნაკრძალი. მუზეუმში დაცულია კომპლექსის ტერიტორიაზე ჩატარებული არქეოლოგიური გათხრების შედეგად აღმოჩენილი მასალა, რომელიც მოიცავს პერიოდს [[ბრინჯაოს ხანა|ბრინჯაოს ხანიდან]] ადრეული შუა საუკუნეების ჩათვლით: არქიტექტორული დეტალები, მოზაიკის ფრაგმენტები, VIII-VI საუკუნეების სადგომელების მასალები, სამსხვეპრლოსა და IV-V საუკუნეების ნაგებობის (ე. წ. „ვილის“) ნაშთები, კერამიკული, ნუმიზმატიკური მასალა და სხვა. ნაკრძალის ტერიტორია მოიცავს დაახლოებით 7 ჰექტარს.
 
==გალერეა==
<gallery>
ფაილი:Petra-cixisdziri (3).JPG|პეტრა. ციხე-ქალაქის ნაშთი
ფაილი:Petra-cixisdziri (4).JPG|პეტრა. ციხე-ქალაქის ნაშთი
ფაილი:Petra-cixisdziri (1).JPG|პეტრა. ციხე-ქალაქის ნაშთი
</gallery>

== იხილეთ აგრეთვე ==
*[[ეგრისის დიდი ომი]]
*[[პეტრის ბრძოლები]]

== ლიტერატურა ==
{{ქსე|8|42|მუსხელიშვილი დ.}}
* ი. სიხარულიძე, „აჭარის მატერიალური კულტურის ძეგლები“, თბ., 1962

==რესურსები ინტერნეტში==
{{commonscat|Petra, Georgia|პეტრა}}
*[http://www.saunje.ge/index.php?id=1152&lang=ka სტატიები პეტრას შესახებ]
*[http://www.saunje.ge/index.php?id=1142&lang=ka რელიეფურჯვრიანი კრამიტები პეტრა - ციხისძირიდან]
==სქოლიო==
{{სქოლიო}}

[[კატეგორია:ეგრისის სამეფო]]
[[კატეგორია:საქართველოს ისტორიული ქალაქები]]
[[კატეგორია:კულტურული მემკვიდრეობის ძეგლები აჭარის ავტონომიურ რესპუბლიკაში‎]]
[[კატეგორია:ქობულეთის მუნიციპალიტეტის ციხესიმაგრეები]]
[[კატეგორია:ეროვნული მნიშვნელობის კატეგორიის კულტურის უძრავი ძეგლები]]
[[კატეგორია:ქობულეთის მუნიციპალიტეტის მუზეუმები]]