იხილეთ წყარო გვერდისთვის საქართველოს საერთო სასამართლოები

'''საქართველოს საერთო სასამართლოები''' — [[საქართველოს სასამართლო ხელისუფლება]]ში შემავალი სასამართლოების ერთობლიობა, რომელიც [[საქართველო]]ში უზრუნველყოფს [[მართლმსაჯულება|მართლმსაჯულების]] განხორციელებას<ref>[[#კონსტიტუცია|საქართველოს კონსტიტუციის]] 83-ე მუხლის მე-2 პუნქტი</ref>. საქართველოს საერთო სასამართლოების სისტემა და ორგანიზაცია განისაზღვრება „საერთო სასამართლოების შესახებ“ საქართველოს ორგანული კანონით. ეს კანონი აგრეთვე, განსაზღვრავს [[მოსამართლე]]თა სამართლებრივ სტატუსს, მათი შერჩევის, თანამდებობაზე დანიშვნის (არჩევის) და თანამდებობიდან გათავისუფლების წესს, სოციალური და სამართლებრივი დაცვის გარანტიებს<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს პირველი მუხლის მე-3 პუნქტი</ref>.

==საერთო სასამართლოების სისტემის განვითარება==
საერთო სასამართლოების სისტემა საქართველოში პირველად მოწესრიგდა „საერთო სასამართლოების შესახებ“ საქართველოს [[1997|1997 წლის]] [[13 ივნისი]]ს [[საქართველოს ორგანული კანონი|ორგანული კანონით]], რომელიც დღეს ჩანაცვლებულია „საერთო სასამართლოების შესახებ“ საქართველოს [[2009|2009 წლის]] [[4 დეკემბერი|4 დეკემბრის]] ორგანული კანონით. ძველი კანონით, საქართველოს საერთო სასამართლოებს წარმოადგენდნენ რაიონული (საქალაქო) სასამართლოები, საოლქო სასამართლოები, ავტონომიური რესპუბლიკების უმაღლესი სასამართლოები და საქართველოს უზენაესი სასამართლო<ref name="ძველი კანონი_2">„საერთო სასამართლოების შესახებ“ საქართველოს 1997 წლის 13 ივნისის ორგანული კანონის მე-2 მუხლი</ref>.

რაიონული (საქალაქო) სასამართლო იყო პირველი ინსტანციის სასამართლო, სადაც ყველა საქმე მოსამართლის მიერ განიხილება ერთპიროვნულად, კანონით დადგენილი წესით<ref name="ძველი კანონი_2"/>.

საოლქო სასამართლოები თავდაპირველად წარმოადგენდნენ პირველი ინსტანციის სასამართლოებს, რომელშიც საპროცესო კანონით განსაზღვრული საქმეები განიხილებოდა კოლეგიურად, სამი მოსამართლის შემადგენლობით. [[1999|1999 წლის]] [[5 მაისი|5 მაისს]] „საერთო სასამართლოების შესახებ“ საქართველოს [[1997|1997 წლის]] [[13 ივნისი]]ს ორგანულ კანონში შევიდა ცვლილება, რომლის თანახმადაც, საოლქო სასამართლოებმა სააპელაციო წესითაც დაიწყეს საქმეთა განხილვა, კერძოდ,  საოლქო სასამართლოები სააპელაციო წესით განიხილავდნენ საჩივრებს რაიონული (საქალაქო) სასამართლოების გადაწყვეტილებებზე და საქმეებს პირველი ინსტანციით საპროცესო კანონმდებლობით დადგენილი წესით, აგრეთვე იღებდნენ გადაწყვეტილებებს საქართველოს სისხლის სამართლის საპროცესო კანონმდებლობით გათვალისწინებულ სხვა საკითხებზე<ref name="1999-5-5">{{cite web |url=https://matsne.gov.ge/index.php?option=com_ldmssearch&view=docView&id=11530 |title=საქართველოს ორგანული კანონი „საერთო სასამართლოების შესახებ“ საქართველოს ორგანულ კანონში ცვლილებებისა და დამატებების შეტანის თაობაზე |accessdate= |date=1999-5-5 |publisher=საქართველოს საკანონმდებლო მაცნე}}</ref>.

[[1999|1999 წლის]] [[5 მაისი|5 მაისს]] „საერთო სასამართლოების შესახებ“ საქართველოს [[1997|1997 წლის]] [[13 ივნისი]]ს ორგანულ კანონში ცვლილების შეტანამდე, სააპელაციო სასამართლოების უფლებამოსილებებს ახორციელებდნენ [[აფხაზეთის ავტონომიური რესპუბლიკა|აფხაზეთისა]] და [[აჭარის ავტონომიური რესპუბლიკა|აჭარის ავტონომიური რესპუბლიკების]] უმაღლესი სასამართლოები, თბილისისა და ქუთაისის სააპელაციო სასამართლოები, ხოლო როდესაც კანონში აღნიშნული ცვლილება შევიდა, სააპელაციო სასამართლოთა ფუნქცია შეითავსეს საოლქო სასამართლოებმა, რომლების აპელაციას იხილავდნენ სააპელაციო პალატების მეშვეობით. საქართველოს საოლქო სასამართლოებს წარმოადგენდნენ თბილისისა და ქუთაისის საოლქო სასამართლოები<ref name="1999-5-5" />.

აფხაზეთისა და აჭარის ავტონომიურ რესპუბლიკებში შექმნილი იყო აფხაზეთისა და აჭარის ავტონომიური რესპუბლიკების უმაღლესი სასამართლოები. ისინი ზედამხედველობდნენ მართლმსაჯულების განხორციელებას აფხაზეთისა და აჭარის ავტონომიური რესპუბლიკების ტერიტორიებზე მოქმედ რაიონულ (საქალაქო) და საოლქო სასამართლოებში. [[1999|1999 წლის]] [[5 მაისი|5 მაისს]] „საერთო სასამართლოების შესახებ“ საქართველოს [[1997|1997 წლის]] [[13 ივნისი]]ს ორგანულ კანონში ცვლილების შეტანის შემდეგ, აფხაზეთისა და აჭარის ავტონომიური რესპუბლიკების უმაღლესი სასამართლოები ზედამხედველობენ მართლმსაჯულების განხორციელებას აფხაზეთისა და აჭარის ავტონომიური რესპუბლიკების ტერიტორიებზე მოქმედ რაიონულ (საქალაქო) სასამართლოებში, საქმეებს იხილავდნენ პირველი ინსტანციით, აგრეთვე იღებდნენ გადაწყვეტილებებს საქართველოს სისხლის სამართლის საპროცესო კანონმდებლობით გათვალისწინებულ სხვა საკითხებზე<ref name="1999-5-5" />.

[[2005|2005 წლის]] [[23 ივნისი|23 ივნისს]] „საერთო სასამართლოების შესახებ“ საქართველოს [[1997|1997 წლის]] [[13 ივნისი]]ს ორგანულ კანონში შევიდა ცვლილება, რომლითაც [[საქართველოს პრეზიდენტი|საქართველოს პრეზიდენტსა]] და [[საქართველოს იუსტიციის უმაღლესი საბჭო|საქართველოს იუსტიციის უმაღლეს საბჭოს]] დაევალათ, საოლქო და ავტონომიური რესპუბლიკების უმაღლესი სასამართლოების ლიკვიდაციასთან, ასევე სააპელაციო და ავტონომიური რესპუბლიკების უმაღლესი სააპელაციო სასამართლოების შექმნასთან დაკავშირებული სამართლებრივი, საკადრო, ორგანიზაციული და სხვა საკითხების გადაწყვეტა.
[[2005|2005 წლის]] [[27 ოქტომბერი|27 ოქტომბერს]] საქართველოს პრეზიდენტმა გამოსცა №856 ბრძანებულება, რომლითაც ლიკვიდირებულ იქნა აფხაზეთისა და აჭარის ავტონომიური რესპუბლიკების უმაღლესი სასამართლოები და შეიქმნა აფხაზეთისა და აჭარის ავტონომიური რესპუბლიკების უმაღლესი სააპელაციო სასამართლოები<ref>{{cite web |url=https://matsne.gov.ge/index.php?option=com_ldmssearch&view=docView&id=1258676&publication=1 |title=საქართველოს პრეზიდენტის №856 ბრძანებულება |accessdate= |date=2005-10-27 |publisher=საქართველოს საკანონმდებლო მაცნე}}</ref>. აგრეთვე, [[2005|2005 წლის]] [[27 ოქტომბერი|27 ოქტომბერს]] საქართველოს პრეზიდენტმა გამოსცა №857 ბრძანებულება, რომლის თანახმადაც, შეიქმნა თბილისისა და ქუთაისის სააპელაციო სასამართლოები, ხოლო თბილისისა და ქუთაისის საოლქო სასამართლოები ლიკვიდირებული იქნა<ref>{{cite web |url=https://matsne.gov.ge/index.php?option=com_ldmssearch&view=docView&id=1255552 |title=საქართველოს პრეზიდენტის №857 ბრძანებულება |accessdate= |date=2005-10-27 |publisher=საქართველოს საკანონმდებლო მაცნე}}</ref>.

[[2005|2005 წლის]] [[25 ნოემბერი|25 ნოემბერს]] „საერთო სასამართლოების შესახებ“ საქართველოს [[1997|1997 წლის]] [[13 ივნისი]]ს ორგანულ კანონში შევიდა ცვლილება, რომელმაც საქართველოს პრეზიდენტსა და იუსტიციის უმაღლეს საბჭოს დაავალა აფხაზეთის ავტონომიური რესპუბლიკის უმაღლესი სააპელაციო სასამართლოსა და აჭარის ავტონომიური რესპუბლიკის უმაღლესი სააპელაციო სასამართლოს ლიკვიდაცია. ამავე კანონით, აფხაზეთის ავტონომიური რესპუბლიკის უმაღლესი სააპელაციო სასამართლოს წარმოებაში არსებული საქმეები ლიკვიდაციის შემდეგ გადაეცა თბილისის სააპელაციო სასამართლოს, ხოლო აჭარის ავტონომიური რესპუბლიკის უმაღლესი სააპელაციო სასამართლოს წარმოებაში არსებული საქმეები ლიკვიდაციის შემდეგ გადაეცა ქუთაისის სააპელაციო სასამართლოს<ref>{{cite web |url=https://matsne.gov.ge/index.php?option=com_ldmssearch&view=docView&id=27424 |title=საქართველოს ორგანული კანონი „საერთო სასამართლოების შესახებ“ საქართველოს ორგანულ კანონში ცვლილებებისა და დამატებების შეტანის თაობაზე |accessdate= |date=2005-11-25 |publisher=საქართველოს საკანონმდებლო მაცნე}}</ref>.

==საერთო სასამართლოების სისტემა==
საქართველოს საერთო სასამართლოები შედგება რაიონული (საქალაქო) სასამართლოებისგან, სააპელაციო სასამართლოებისგან და [[საქართველოს უზენაესი სასამართლო]]სგან. საქართველოს საერთო სასამართლოების სისტემა ერთიანია. [[საქართველოს კონსტიტუცია]] და „საერთო სასამართლოების შესახებ“ საქართველოს ორგანული კანონი კრძალავს საგანგებო ან სპეციალური სასამართლოების შექმნას. დაშვებულია ერთადერთი გამონაკლისი — სამხედრო სასამართლოები შეიძლება შეიქმნას მხოლოდ საომარი მდგომარეობის დროს და ისიც მხოლოდ საერთო სასამართლოების სისტემაში<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-2 მუხლი</ref><ref>[[#კონსტიტუცია|საქართველოს კონსტიტუციის]] 83-ე მუხლის მე-3 და მე-4 პუნქტები</ref>.

===საქართველოს უზენაესი სასამართლო===
{{მთავარი|საქართველოს უზენაესი სასამართლო}}
საქართველოს უზენაესი სასამართლო საქართველოს მთელ ტერიტორიაზე მართლმსაჯულების განხორციელების უმაღლესი და საბოლოო ინსტანციის საკასაციო სასამართლოა<ref name="სასამართლოები_მ14">[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-14 მუხლი</ref><ref>[[#კონსტიტუცია|საქართველოს კონსტიტუციის]] 90-ე მუხლის პირველი პუნქტი</ref>. იგი დადგენილი საპროცესო ფორმით ზედამხედველობს მართლმსაჯულების განხორციელებას საქართველოს საერთო სასამართლოებში<ref name="სასამართლოები_მ14" />.

საქართველოს უზენაესი სასამართლო საპროცესო კანონით დადგენილი წესით განიხილავს საკასაციო საჩივრებს სააპელაციო სასამართლოების გადაწყვეტილებებზე, კანონით განსაზღვრულ შემთხვევებში და დადგენილი წესით განიხილავს მისი განსჯადობისათვის მიკუთვნებულ სხვა საქმეებს, ასევე განიხილავს საჩივრებს რესტიტუციისა და კომპენსაციის კომისიის<ref group="შენიშვნა">რესტიტუციისა და კომპენსაციის კომისია არის [[საჯარო სამართლის იურიდიული პირი]], რომლის მიზანია კონფლიქტის შედეგად საქართველოს ტერიტორიაზე დაზარალებულ პირთათვის ქონების დაბრუნება, ადეკვატური (სანაცვლო) საცხოვრებლით უზრუნველყოფა და ქონებრივი ზიანის კომპენსაცია.</ref> გადაწყვეტილებებთან დაკავშირებით „ყოფილ სამხრეთ ოსეთის ავტონომიურ ოლქში კონფლიქტის შედეგად საქართველოს ტერიტორიაზე დაზარალებულთა ქონებრივი რესტიტუციისა და კომპენსაციის შესახებ“ საქართველოს კანონით დადგენილი პროცედურების დარღვევის შემთხვევაში<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-16 მუხლის პირველი პუნქტი</ref>.

===საქართველოს სააპელაციო სასამართლოები===
{{მთავარი|საქართველოს სააპელაციო სასამართლოები}}
სააპელაციო სასამართლოები მეორე ინსტანციის რგოლს წარმოადგენენ საერთო სასამართოების სისტემაში. სააპელაციო სასამართლოები საპროცესო კანონმდებლობით დადგენილი წესით განიხილავენ სააპელაციო საჩივრებს რაიონული (საქალაქო) სასამართლოების გადაწყვეტილებებზე<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-24 მუხლის პირველი პუნქტი</ref>.

საქართველოში დღეს მოქმედებს ორი სააპელაციო სასამართლო — [[თბილისის სააპელაციო სასამართლო|ქალაქ თბილისსა]]<ref>[http://www.tbappeal.court.ge/ თბილისის სააპელაციო სასამართლო]</ref> და [[ქუთაისის სააპელაციო სასამართლო|ქალაქ ქუთაისში]]<ref>[http://www.kutaisiappeal.court.gov.ge/ ქუთაისის სააპელაციო სასამართლო]</ref>.

===საქართველოს რაიონული (საქალაქო) სასამართლოები===
{{მთავარი|საქართველოს რაიონული (საქალაქო) სასამართლოები}}
რაიონული (საქალაქო) სასამართლოები პირველი ინსტანციით განიხილავენ სასამართლოსადმი უწყებრივად დაქვემდებარებულ საქმეებს. მათი სამოქმედო ტერიტორია განისაზღვრება [[საქართველოს იუსტიციის უმაღლესი საბჭო]]ს გადაწყვეტილებით. რაიონული (საქალაქო) სასამართლოს შემადგენლობაში შეიძლება შედიოდნენ მაგისტრატი მოსამართლეები. მაგისტრატი მოსამართლე არის რაიონული (საქალაქო) სასამართლოს მოსამართლე, რომელიც თავის უფლებამოსილებას ახორციელებს რაიონული (საქალაქო) სასამართლოს სამოქმედო ტერიტორიაზე არსებულ ადმინისტრაციულ-ტერიტორიულ ერთეულში<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს 28-ე მუხლი</ref>.

სასამართლოს „რაიონული“ ერქმევა, თუ „საქალაქო“, დამოკიდებულია იმაზე, თუ სად არის მისი სამოქმედო ადმინისტრაციულ-ტერიტორიული ერთეული — თუ სასამართლო იქმნება თვითმმართველ ქალაქში, იგი საქალაქო სასამართლოა (მაგალითად, [[თბილისის საქალაქო სასამართლო]]), ხოლო თუ სასამართლო იქმნება [[მუნიციპალიტეტი|მუნიციპალიტეტში]], იგი რაიონული სასამართლოა (მაგალითად, თელავის რაიონული სასამართლო)<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს 27-ე მუხლი</ref>.

ამჟამად საქართველოში მოქმედებს ხუთი საქალაქო და თოთხმეტი რაიუნული სასამართლო, ოცდაათი მაგისტრატი მოსამართლე<ref>{{Cite web |url=http://hcoj.gov.ge/ge/common-courts/organization-charter/raionuli-saqalaqo-sasamartlo |title=საქართველოს რაიონული (საქალაქო) სასამართლოები |accessdate=2012-08-31 |archiveurl=https://web.archive.org/web/20200815193039/http://hcoj.gov.ge/ge/common-courts/organization-charter/raionuli-saqalaqo-sasamartlo |archivedate=2020-08-15 }}</ref>.

==მოსამართლე==
მოსამართლე არის სახელმწიფო მოსამსახურე, საერთო სასამართლოების თანამდებობის პირი, რომელიც თანამდებობაზე ინიშნება კანონით დადგენილი წესით და რომელიც ერთპიროვნულად ან კოლეგიის შემადგენლობაში აღასრულებს მართლმსაჯულებას. მოსამართლედ შეიძლება დაინიშნოს საქართველოს ქმედუნარიანი მოქალაქე 30 წლის ასაკიდან, თუ მას აქვს უმაღლესი იურიდიული განათლება, სპეციალობით მუშაობის სულ ცოტა 5 წლის გამოცდილება, ფლობს სახელმწიფო ენას, ჩაბარებული აქვს მოსამართლეობის საკვალიფიკაციო გამოცდა, გავლილი აქვს [[იუსტიციის უმაღლესი სკოლა|იუსტიციის უმაღლესი სკოლის]] სრული სასწავლო კურსი და შეყვანილია იუსტიციის მსმენელთა საკვალიფიკაციო სიაში<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს 34-ე მუხლის პირველი პუნქტი</ref><ref>[[#კონსტიტუცია|საქართველოს კონსტიტუციის]] 86-ე მუხლის პირველი პუნქტი</ref>.

მოსამართლე თავის საქმიანობაში დამოუკიდებელია. იგი ფაქტობრივ გარემოებებს აფასებს და გადაწყვეტილებებს იღებს მხოლოდ საქართველოს კონსტიტუციის, საერთაშორისო სამართლის საყოველთაოდ აღიარებული პრინციპებისა და ნორმების, სხვა კანონების შესაბამისად და თავისი შინაგანი რწმენის საფუძველზე. არავის არ აქვს უფლება, მოსთხოვოს მოსამართლეს ანგარიში კონკრეტულ საქმეზე<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-7 მუხლის პირველი პუნქტი</ref>. რაიმე ზემოქმედება მოსამართლეზე ან ჩარევა მის საქმიანობაში გადაწყვეტილების მიღებაზე ზეგავლენის მიზნით აკრძალულია და ისჯება კანონით<ref>[[#კონსტიტუცია|საქართველოს კონსტიტუციის]] 84-ე მუხლის პირველი პუნქტი</ref><ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-8 მუხლის მე-2 პუნქტი</ref>.

==საქმეთა განხილვა==
საერთო სასამართლოებში საქმეთა განხილვა დაინტერესებული მხარის განცხადებით იწყება. ყოველ ადამიანს აქვს უფლება, თავის [[ადამიანის უფლებები|უფლებათა და თავისუფლებათა]] დასაცავად პირადად ან წარმომადგენლის მეშვეობით პირდაპირ მიმართოს სასამართლოს<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-3 მუხლის პირველი პუნქტი</ref>.

სამართალწარმოება ხორციელდება სახელმწიფო ენაზე. პირს, რომელმაც სახელმწიფო ენა არ იცის, მიეჩინება თარჯიმანი. თარჯიმნის მომსახურება კი ანაზღაურდება საქართველოს სახელმწიფო ბიუჯეტიდან<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-10 მუხლი</ref>.

სასამართლოში ყველა საქმე განიხილება ღია სხდომაზე. დახურულ სხდომაზე საქმის განხილვა დასაშვებია მხოლოდ კანონით პირდაპირ გათვალისწინებულ შემთხვევებში. სასამართლოში, ასევე სასამართლო სხდომის დარბაზში, საქმის განხილვის ფოტო-, კინო-, ვიდეოგადაღება და ტრანსლაცია დაუშვებელია, გარდა იმ შემთხვევისა, როდესაც ამას ახორციელებს სასამართლო ან სასამართლოს მიერ უფლებამოსილი პირი. სასამართლოს შეუძლია გაავრცელოს თავის ხელთ არსებული სასამართლო პროცესის ფოტო-, კინო- და ვიდეოგადაღების მასალები, თუ ეს არ ეწინააღმდეგება კანონს. სასამართლო სხდომის სტენოგრაფირება და აუდიოჩაწერა დაიშვება სასამართლოს (მოსამართლის) მიერ დადგენილი წესით. ეს უფლება შეიძლება შეიზღუდოს სასამართლოს (მოსამართლის) მოტივირებული გადაწყვეტილებით<ref name="სასამართლოები_მ13">[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-13 მუხლი</ref>.

მოსამართლე გადაწყვეტილებას იღებს ერთპიროვნულად, ხოლო მოსამართლეები — კოლეგიურად. სასამართლოს კოლეგიურ შემადგენლობას გადაწყვეტილება გამოაქვს ხმების უმრავლესობით<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-11 მუხლი</ref>. არც ერთ მოსამართლეს არ აქვს უფლება, თავი შეიკავოს ხმის მიცემისაგან. სასამართლო გადაწყვეტილება ყველა შემთხვევაში ცხადდება საქვეყნოდ<ref name="სასამართლოები_მ13" />.

მხარეების, საქმეში მონაწილე სხვა პირების, აგრეთვე სასამართლო სხდომაზე დამსწრე და სასამართლოში მყოფ სხვა პირთა ისეთი ქმედება, რომელიც სასამართლოსადმი უპატივცემულობას გამოხატავს, იწვევს კანონით გათვალისწინებულ პასუხისმგებლობას<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-9 მუხლი</ref>. [[სახელმწიფო]] თუ [[ადგილობრივი თვითმმართველობა|ადგილობრივი თვითმმართველობის]] ორგანოს, დაწესებულებას, საზოგადოებრივ თუ [[პოლიტიკური პარტია|პოლიტიკურ გაერთიანებას]], თანამდებობის პირს, [[იურიდიული პირი|იურიდიულ]] თუ [[ფიზიკური პირი|ფიზიკურ პირს]] ეკრძალებათ სასამართლოს დამოუკიდებლობის შელახვა<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს მე-8 მუხლი</ref>.

==საქართველოს იუსტიციის უმაღლესი საბჭო==
{{მთავარი|საქართველოს იუსტიციის უმაღლესი საბჭო}}
საქართველოს იუსტიციის უმაღლესი საბჭო არის ორგანო, რომელიც იქნება სასამართლოს (მოსამართლის) დამოუკიდებლობის, მართლმსაჯულების ხარისხისა და ეფექტიანობის უზრუნველყოფის, მოსამართლეთა თანამდებობაზე დანიშვნისა და თანამდებობიდან განთავისუფლების, მოსამართლეობის საკვალიფიკაციო გამოცდების ორგანიზების, სასამართლო რეფორმის გასატარებლად წინადადებების შემუშავებისა და კანონით დადგენილი სხვა ამოცანების შესრულების მიზნით<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს 47-ე მუხლის პირველი პუნქტი</ref><ref>[[#კონსტიტუცია|საქართველოს კონსტიტუციის]] 86¹-ე მუხლის პირველი პუნქტი</ref>.

==საერთო სასამართლოების დეპარტამენტი==
{{მთავარი|საერთო სასამართლოების დეპარტამენტი}}
საერთო სასამართლოების დეპარტამენტი არის საქართველოს იურსიტიიც უმაღლეს საბჭოსთან არსებული [[საჯარო სამართლის იურიდიული პირი]], რომელიც პასუხისმგებელია საქართველოს საერთო სასამართლოების მატერიალურ და ტექნიკურ უზრუნველყოფაზე<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს 54-ე მუხლის პირველი ნაწილი</ref>.

საერთო სასამართლოების დეპარტამენტი<ref>[[#სასამართლოები|„საერთო სასამართლოების შესახებ“ საქართველოს ორგანული კანონი]]ს 55-ე მუხლი</ref>:
* განკარგავს ფინანსებს სასამართლოების საქმიანობისა და მათი მატერიალურ-ტექნიკური ბაზის უზრუნველსაყოფად;
* უზრუნველყოფს სასამართლოებს სათანადო შენობა-ნაგებობებით;
* უზრუნველყოფს სასამართლოებს მათი საქმიანობისათვის აუცილებელი ნორმატიული აქტებითა და სხვა მასალებით;
* ამოწმებს სასამართლოების მიერ ფინანსური და მატერიალური რესურსების ხარჯვას;
* ახორციელებს სხვა ღონისძიებებს სასამართლოების საქმიანობის მატერიალურ-ტექნიკური უზრუნველყოფისათვის.

==იხილეთ აგრეთვე==
* [[საქართველოს სასამართლო ხელისუფლება]]
* [[საქართველოს საკონსტიტუციო სასამართლო]]

==რესურსები ინტერნეტში==
* [http://court.gov.ge/ საქართველოს საერთო სასამართლოების საიტი] {{Webarchive|url=https://web.archive.org/web/20140216125315/http://court.gov.ge/ |date=2014-02-16 }}

==ლიტერატურა==
* {{cite book | title=საქართველოს კონსტიტუცია |url=http://www.supremecourt.ge/files/upload-file/pdf/konstitucia.pdf |ref=კონსტიტუცია }}
* {{cite book | title=„საერთო სასამართლოების შესახებ“ საქართველოს ორგანული კანონი |url=http://www.supremecourt.ge/files/upload-file/pdf/saertosasamart.pdf |ref=სასამართლოები }}

== სქოლიო ==
=== შენიშვნა ===
{{სქოლიო|group=შენიშვნა}}
=== წყარო ===
{{სქოლიო|2}}

{{საქართველოს საერთო სასამართლოები}}

[[კატეგორია:საქართველოს საერთო სასამართლოები]]