იხილეთ წყარო გვერდისთვის შახვეტილის ეკლესიები

'''შახვეტილის ეკლესიები''' — [[ეკლესია (ნაგებობა)|ეკლესიები]] [[ახმეტის მუნიციპალიტეტი]]ს სოფელ [[შახვეტილა]]ში.

==პირველი ეკლესია==
პირველი ეკლესია მდებარეობს სოფლის [[ჩრდილოეთი|ჩრდილო]]-[[დასავლეთი]]თ, ბორცვზე. განეკუთვნება [[შუა საუკუნეები|შუა საუკუნეებს]]. [[დარბაზული ეკლესია|ეკლესია დარბაზულია]] (4,5 X 3,5 მ), ნაგებია რიყის ქვითა და ნატეხი ქვით. წყობა ირეგულარულია. ძეგლი ძლიერ დაზიანებულია: ჩამონგრეულია სახურავი, დანგრეულია კედლების მნიშვნელოვანი ნაწილი. შესასვლელი [[სამხრეთი]]დან ჰქონია. [[აღმოსავლეთი]]თ ნახევარწრიული [[აფსიდა]]ა, რომელსაც შუა ნაწილი განგრეული აქვს. აფსიდში ორი მცირე ზომის სწორკუთხა [[ნიში (არქიტექტურა)|ნიშია]].

==მეორე ეკლესია==
მეორე ეკლესია მდებარეობს სოფლის [[აღმოსავლეთი]]თ, [[მთა]]ზე. განეკუთვნება VIII-IX საუკუნეებს. ძეგლი ძლიერ დაზიანებულია: შემორჩენილია ეკლესიის მხოლოდ [[აღმოსავლეთი|აღმოსავლეთ]] ნახევარი, [[დასავლეთი]]სა - მიწაშია ჩაფლული. ეკლესია ორნავიანია (6 X 6 მ), ნაგები ყოფილა ნატეხი ქვით. ნავები ერთმანეთს ორი ფართო თაღით უკავშირდებოდა (შემორჩენილია აღმოსავლეთ თაღის ორივე ქუსლის წყობის ნაწილი). ორივე ნავი აღმოსავლეთით ნახევარწრიული [[აფსიდა|აფსიდით]] იყო დასრულებული. ცენტრალური ნავის აფსიდის კედელი (სიმაღლე 1,2 მ) მთელ სიგრძეზეა შემორჩენილი. სამხრეთ ნავის აფსიდის კედლიდან კი - მხოლოდ ჩრდილოეთ ნაწილი, რომელშიც მცირე ზომის ერთი სწორკუთხა [[ნიში (არქიტექტურა)|ნიშია]]. შესასვლელი სამხრეთ ნავს [[სამხრეთი]]დან პქონია (შემორჩენილია [[წირთხლი]]ს კვალი).

==მესამე ეკლესია==
მესამე ეკლესია მდებარეობს სოფლის [[ჩრდილოეთი]]თ, განეკუთვნება [[შუა საუკუნეები|შუა საუკუნეებს]]. ძეგლი ძლიერ დაზიანებულია. კედლების შემორჩენილი ნაწილები ამჟამად 0,3-0,6 მეტრის სიმაღლეზეღა დგანან. [[დარბაზული ეკლესია|ეკლესია დარბაზულია]] (5,8 X 3,4 მ). ნაგები ყოფილა ნატეხი ქვით და კირის დუღაბით. [[აღმოსავლეთი]]თ ელიფსური ფორმის [[აფსიდა]]ა, რომელიც გრძივი კედლებიდან მხრებით არის გამოყოფილი.

==მეოთხე ეკლესია==
მეოთხე ეკლესია დგას სოფლის [[ჩრდილოეთი]]თ, ტყით დაფარულ ბორცვზე. განეკუთვნება [[შუა საუკუნეები|შუა საუკუნეებს]]. ეკლესია გეგმით სწორკუთხაა (6,6 X 4,8 მ), ნაგებია რიყის ქვისა და ნატეხი ქვის სწორხაზოვანი რიგებით. წყობაში გამოყენებული ყოფილა [[შირიმი]]ც. ძეგლი ძლიერ დაზიანებულია: შემორჩენილია [[აღმოსავლეთი]]ს, [[დასავლეთი]]ს და [[ჩრდილოეთი|ჩრდილოეთ]] კედლის მცირე ნაწილი. აღმოსავლეთით, ნახევარწრიული [[აფსიდა|აფსიდის]] ღერძზე გაჭრილი თაღოვანი სარკმლის ორივე მხარეს თითო სწორკუთხა [[ნიში (არქიტექტურა)|ნიშია]].

==ლიტერატურა==
{{სძა|2|154-155|კიკაჩეიშვილი პ.}}

{{ახმეტის მუნიციპალიტეტის ტაძრები}}

[[კატეგორია:ახმეტის მუნიციპალიტეტის ტაძრები]]