იხილეთ წყარო გვერდისთვის ჯონი ფირცხალაიშვილი

[[ფაილი:Richard B. Myers met upon his arrival in Tbilisi by General Lieutenant Joni Pirtskhalaishvili. 23 Nov 2002.jpeg|thumb|ჯონი ფირცხალაიშვილი ხვდება რიჩარდ მაიერსს თბილისში, 2002 წლის 23 ნოემბერი.]]
'''ჯონი მიხეილის ძე ფირცხალაიშვილი''' (დ. [[22 მაისი]], [[1947]], [[ლანჩხუთი]]) — [[ქართველი]] გენერალ-ლეიტენანტი, საქართველოს თავდაცვის მინისტრი (1991-1992), გენერალური შტაბის უფროსი (1998-2003).

==ბიოგრაფია==
დაამთავრა ლანჩხუთის პირველი საშუალო სკოლა. 1965-1970 წლებში სწავლობდა [[თბილისის სახელმწიფო უნივერსიტეტი]]ს მექანიკა-მათემატიკის ფაკულტეტზე. 
1970 წელს, როგორც თადარიგის ლეიტენანტი, გაიწვიეს [[საბჭოთა არმია]]ში. 1970-1972 წლებში მსახურობდა ოდესის სამხედრო ოლქში ოცმეთაურად. 1972-1973 წლებში მეთაურობდა მოტომსროლელ ასეულს. 1973-1974 წლებში იყო ბატალიონის შტაბის უფროსი. 1974 წელს დაამთავრა სამხედრო სასწავლებელი და დაინიშნა მოტომსროლელი ბატალიონის შტაბის უფროსად. 1974-1978 წლებში მსახურობდა მოტომსროლელი ბატალიონის მეთაურად. ფრუნზეს სახელობის სამხედრო აკადემიის დამთავრების შემდეგ დაინიშნა ურალის სამხედრო ოლქში სასწავლო მოტომსროლელი პოლკის შტაბის უფროსად. მსახურობდა სამხედრო მრჩევლად [[ეთიოპია]]ში. 1978-1981 წლებში მსახურობდა კარპატისპირეთის სამხედრო ოლქში სასწავლო მოტომსროლელი პოლკის შტაბის უფროსად. 1981-1982 წლებში იყო მოტომსროლელი პოლკის მეთაურის მოადგილე. 1982-1983 წლებში — მოტომსროლელი პოლკის მეთაური. 1983-1985 წლებში იყო მოტომსროლელი დივიზიის შტაბის უფროსი. 1985-1988 წლებში იყო მოტომსროლელი დივიზიის მეთაური. 1988-1990 წლებში მსახურობდა უკრაინის სსრ-ში, ვინიცის ოლქის სამხედრო კომისრად.

1990-1991 წლებში მსახურობდა [[საქართველო]]ს რესპუბლიკის სამხედრო კომისრად. 1991 წლის 15 აგვისტოდან 1992 წლის 6 იანვრამდე იყო დამოუკიდებელი საქართველოს პირველი [[საქართველოს თავდაცვის სამინისტრო|თავდაცვის მინისტრი]]. 1992-1993 წლებში მუშაობდა ეროვნული უშიშროებისა და თავდაცვის საბჭოს თავმჯდომარის, შეიარაღებული ძალების მთავარსარდლის სამხედრო კონსულტანტებისა და ინსპექტორების ჯგუფის უფროსის მოადგილედ – მთავარ სამხედრო კონსულტანტად. 1993-1996 წლებში იმყოფებოდა თადარიგში. 1996-2003 წლებში მსახურობდა ქართულ ჯარში სახმელეთო ჯარების სარდლად, თავდაცვის მინისტრის მოადგილედ, პირველ მოადგილედ. 1998 წლიდან 2003 წლის სექტემბრამდე იყო გენერალური შტაბის უფროსი.

2003 წელს გავიდა თადარიგში. ამჟამად ცხოვრობს [[ფეოდოსია]]ში.

==ჯილდოები==
დაჯილდოებულია „წითელი ვარსკვლავის“ ორდენით (1982). არის „ვახტანგ გორგასლის“ ორდენის III, II და I ხარისხის (2003) კავალერი.

==ლიტერატურა==
*{{წიგნი|ავტორი=გოგიტიძე, მ., ბეჟიტაშვილი, გ.|სათაური=„სამხედრო ფიცის ერთგულნი“|ბმული=http://dspace.nplg.gov.ge/handle/1234/82972 |ISBN=978-9941-0-7386-1|ადგილი=თბილისი|წელი=2015|გვერდები=118-119}}

==რესურსები ინტერნეტში==
{{Nplg ბიოგრაფია|00002850}}
*[http://www.radiotavisupleba.ge/content/article/1530795.html „ჩაუძირავი“ ჯონი ფირცხალაიშვილის ახალი ოდისეა]. „რადიო თავისუფლება“. 14.09.2003

{{დაიწყე ყუთი}}{{s-off}}
{{მემკვიდრეობის ყუთი | წინამორბედი= | ტიტული=[[საქართველოს თავდაცვის სამინისტრო|საქართველოს თავდაცვის მინისტრი]] | წლები=1991 – 1992 | შემდეგი=[[ლევან შარაშენიძე]]}}
{{მემკვიდრეობის ყუთი | წინამორბედი= | ტიტული=საქართველოს გენერალური შტაბის უფროსი | წლები=1998 – 2003 | შემდეგი=[[გივი იუკურიძე]]}}
{{დაასრულე ყუთი}}

{{DEFAULTSORT:ფირცხალაიშვილი, ჯონი}}
[[კატეგორია:ქართველი გენერლები]]
[[კატეგორია:საქართველოს თავდაცვის მინისტრები]]
[[კატეგორია:დაბადებული 22 მაისი]]
[[კატეგორია:დაბადებული 1947]]
[[კატეგორია:ლანჩხუთში დაბადებულები]]
[[კატეგორია:ფრუნზეს სამხედრო აკადემიის კურსდამთავრებულები]]
[[კატეგორია:თბილისის სახელმწიფო უნივერსიტეტის კურსდამთავრებულები]]
[[კატეგორია:საბჭოთა გენერალ-მაიორები]]