იხილეთ წყარო გვერდისთვის თენგიზ ნოზაძე

'''თენგიზ ანდრიას ძე ნოზაძე''' (დ. [[14 ივლისი]], [[1927]], [[თბილისი]]) — [[ქართველები|ქართველი]] რეჟისორი-კინოდოკუმენტალისტი, ქართული პროფესიული ჯაზის ერთ-ერთი ფუძემდებელი ([[1945]]), საქართველოს ხელოვნების დამსახურებული მოღვაწე ([[1985]]).

==ბიოგრაფია==
თ. ნოზაძემ დაამთავრა [[თბილისის სახელმწიფო უნივერსიტეტი|თბილისის სახელმწიფო უნივერსიტეტის]]  იურიდიული ფაკულტეტი ([[1953]]). ერთხანს იქვე მუშაობდა. [[1958]] წლიდან მოღვაწეობდა საქართველოს ტელესტუდიაში. პირველი სრულმეტრაჟიანი დოკუმენტური ფილმი გადაიღო [[1959]] წელს. [[1960]]-იანი წლების დამდეგიდან მოღვაწეობს საქართველოს სამეცნიერო-პოპულარული და დოკუმენტური ფილმების სტუდიაში "მემატიანე" (იყო ერთ-ერთი შემოქმედებითი გაერთიანების სამხატვრო ხელმძღვანელი). გადაღებული აქვს არა ერთი მნიშვნელოვანი დოკუმენტური ფილმი (მათ შორის "გულშემატკივრები", "მიხეილ ხერგიანი", "ქართული ტიხრული მინანქარი", "რუსთაველი და მისი ეპოქა", "რუსთაველი 800", "გზა ოლიმპოსაკენ", "თასი - 76" და სხვ.).

[[1945]] წელს თსუ-ში ჩამოყალიბდა საქართველოში პირველი ჯაზორკესტრი, რომლის ორგანიზატორები იყვნენ ორკესტრის პირველი ხელმძღვანელი [[იოსებ ტუღუში]] და იმხანად იურიდიული ფაკულტეტის სტუდენტი თ. ნოზაძე (იგი ორკესტრში I ალტ-საქსოფონზე უკრავდა). რამდენიმე წლის შემდეგ ნოზაძე თავის ჯაზორკესტრში (პოლიტექნიკური ინსტიტუტის ცნობილი ორკესტრი) მიიწვია [[ირაკლი ბაგრატიონი|ჯანო ბაგრატიონმა]]. აქ იგი უკრავდა [[1956]] წლამდე.

თ. ნოზაძემ აღზარდა არა ერთი ქართველი კინოდოკუმენტალისტი. დაჯილდოებულია [[ღირსების ორდენი (საქართველო)|საქართველოს "ღირსების ორდენით"]] (1997). მისი მეუღლე — [[ლატავრა ღვალაძე]] არის მეცნიერი-აღმოსავლეთმცოდნე, ხოლო ქალიშვილი [[მანანა ნოზაძე]], რომელიც გარდაიცვალა 1997 წელს, იყო პირველი ქართველი ეგვიპტოლოგი.

==ლიტერატურა==
* ''თ. გომართელი.'' ბილიკები ხელოვნების მწვერვალებისკენ, თბილისი, 1981, გვ. 288-290.

{{DEFAULTSORT:ნოზაძე, თენგიზ}}

[[კატეგორია:ქართველი კინორეჟისორები]]
[[კატეგორია:დაბადებული  14 ივლისი]]
[[კატეგორია:დაბადებული 1927]]
[[კატეგორია:ნოზაძეები|თენგიზ]]