იხილეთ წყარო გვერდისთვის აზორის ანტიციკლონი

[[ფაილი:Azorenhoog.png|მინი|აზორის ანტიციკლონი]]
'''აზორის ანტიციკლონი''' ({{lang-pt|Anticiclone dos Açores}}) — მაღალი ატმოსფერული წნევის არე [[ჩრდილოეთი ნახევარსფერო|ჩრდილოეთ ნახევარსფეროში]], [[ატლანტის ოკეანე|ატლანტის ოკეანის]] სუბტროპიკულ ნაწილში. აისახება წნევათა მრავალწლიური საშუალოების რუკებზე. ატმოსფეროს მოქმედების უმნიშვნელოვანესი ცენტრი; განსაკუთრებით კარგადაა გამოხატული [[ზაფხული|ზაფხულში]]. მისი ცენტრი [[აზორის კუნძულები|აზორის კუნძულებთან]], 35-ე პარალელის მახლობლადაა. [[ზამთარი|ზამთარში]] აზორის ანტიციკლონის განშტოება [[საჰარა]]ზე ვრცელდება, ზაფხულში — [[ხმელთაშუა ზღვა]]სა და [[სამხრეთი ევროპა|სამხრეთ ევროპაზე]]. იანვარში წნევა ცენტრში 1022 მბ-ზე მაღალია, [[ივლისი|ივლისში]] — 1025 მბ აღემატება. 

მთელი წლის განმავლობაში ოკეანის ამ ნაწილში [[ანტიციკლონი|ანტიციკლონები]] მკვეთრად სჭარბობს [[ციკლონი|ციკლონებს]]. აზორის ანტიციკლონი ზღვის ტროპიკული ჰაერის მასების კერაა; ამ მასების ურთიერთმოქმედება ჰაერის პოლარულ მასებთან ატლანტიკის პოლარულ ფრონტზე განაპირობებს ოკეანეზე ინტენსიურ ციკლონურ მოქმედებას. ეს გარემოება ძლიერ გავლენას ახდენს ევროპის ამინდსა და კლიმატზე; აზორის ანტიციკლონის შიდა ნაწილებში გაბატონებულია წყნარი, მცირეღრუბლიანი და მშრალი [[ამინდი]]. 

უფრო დაბალ განედებში აზორის ანტიციკლონის ეკვატორულ პერიფერიებზე ქრის ჩრდილო ატლანტიკური პასატები. [[წყნარი ოკეანე|წყნარ ოკენეაში]] აზორის ანტიციკლონის ანალოგიაა [[ჰავაის ანტიციკლონი]].

== ლიტერატურა ==
{{ქსე|1|216|}}

[[კატეგორია:ატლანტის ოკეანე]]
[[კატეგორია:კლიმატოლოგია]]
[[კატეგორია:მეტეოროლოგია]]