იხილეთ წყარო გვერდისთვის ალექსანდრე დონდუკოვ-კორსაკოვი

{{ინფოდაფა პოლიტიკოსი}}
'''ალექსანდრე დონდუკოვ-კორსაკოვი''' ({{lang-ru|Алекса́ндр Миха́йлович Дондуко́в-Корса́ков}}; დ. [[12 სექტემბერი]], [[1820]], [[სანქტ-პეტერბურგი]] — გ. [[15 აპრილი]], [[1893]], პოლონოიე, ახლანდ. [[ფსკოვის ოლქი]], [[რუსეთი]]) — თავადი, [[რუსები|რუსი]] კავალერიის გენერალი (1878) და სახელმწიფო მოღვაწე, [[შამილი|შამილთან]] და ოსმალეთთან ომების მონაწილე. კავკასიის მთავარმართებელი [[1882]]–[[1890]] წლებში. 

დაამთავრა [[სანქტ-პეტერბურგის სახელმწიფო უნივერსიტეტი|სანქტ-პეტერბურგის უნივერსიტეტის]] იურიდიული ფაკულტეტი (1840). 1841 წლიდან სამხედრო სამსახურში იყო. 1855 წელს მიიღო გენერალ-მაიორის, 1861 წელს — გენერალ-ლეიტენანტის, 1869 წელს — გენერალ-ადიუტანტის, ხოლო 1878 წელს კავალერიის გენერლის წოდება. მონაწილეობდა [[კავკასიის ომი|კავკასიის]] (1845–51), [[ყირიმის ომი|ყირიმის]] (1853–56), [[რუსეთ-ოსმალეთის ომი (1877-1878)|რუსეთ-ოსმალეთის]] (1877–78) ომებში. 1869–76 წლებში იყო კიევის, ვოლინის, პოდოლსკის გუბერნიების გენერალ-გუბერნატორი, 1878–79 წლებში — უზენაესი კომისარი ბულგარეთში, 1880–81 წლებში — ხარკოვის, ხოლო 1881 წელს — ოდესის გენერალ-გუბერნატორი.

1882 წლის 1 იანვარს, [[კავკასიის სამეფისნაცვლო|კავკასიის სამეფისნაცვლოს]] გაუქმების შემდეგ, დაინიშნა კავკასიის სამოქალაქო ნაწილის მთავარმართებლად და კავკასიის სამხედრო ოლქის ჯარების სარდლად. მისი ხელმძღვანელობით შემუშავდა კავკასიის მმართველობის ახალი დებულება, რომელიც 1883 წელს შევიდა ძალაში. 

დონდუკოვ-კორსაკოვი კავკასიაში ატარებდა რეაქციულ პოლიტიკას, კავკასიაში ფაქტობრივად გასამხედროებული მდგომარეობა შექმნა. კ. იანოვსკის ინიციატივით სკოლებში ჯერ შეიზღუდა, 1885 წლიდან კი საერთოდ აიკრძალა ქართული ენის სწავლება; ქართველი ერის დაშლა-დანაწილების მიზნით მეგრელები, სვანები, აჭარლები არაქართველებად გამოაცხადეს და შეუდგნენ მეგრული და სვანური უმწერლობო ენებისათვის რუსულ ანბანზე დაყრდნობით ანბანისა და სახელმძღვანელოების შედგენას; სდევნიდნენ და ავიწროებდნენ ქართულ ეკლესიას; მკაცრი ცენზურა დაუწესეს ქართულ პრესას; იდევნებოდნენ ქართველი ეროვნ. მოღვაწენი. დონდუკოვ-კორსაკოვის დასმენითა და მითითებით გადაასახლეს სტავროპოლში [[დიმიტრი ყიფიანი]]. 1890 წლის 2 ივნისს პირადი თხოვნის საფუძველზე კავკასიიდან გადაიყვანეს და სახელმწიფო საბჭოს წევრად დანიშნეს. 
==ბიბილიოგრაფია==
* Записки о положении Закаспийской области, СПб., 1887; 
* Мои воспоминания, ч. 1–2, СПб., 1902–03.
== ლიტერატურა ==
{{ქე|2|482}}
* ''საქართველოს ისტორია – XIX საუკუნე'' (რედაქტორები ვახტანგ გურული და ბონდო კუპატაძე), „არტანუჯი“,  გვ. 20, თბ., 2004
* [https://ru.wikisource.org/wiki/ЭСБЕ/Дондуков-Корсаков,_Александр_Михайлович Дондуков-Корсаков, Александр Михайлович] // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1893. — Т. XI. — С. 17.
* [https://ru.wikisource.org/wiki/ВЭ/ВТ/Дондуков-Корсаков,_Александр_Михайлович,_князь Дондуков-Корсаков, Александр Михайлович, князь] // [Двина Западная — Елец, Юлий Лукианович]. — СПб. ; [М.] : Тип. т-ва И. Д. Сытина, 1912. — С. 181—182. — (Военная энциклопедия : [в 18 т.] / под ред. К. И. Величко … [и др.] ; 1911—1915, т. 9).

==სქოლიო==
{{სქოლიო}}
{{დაიწყე ყუთი}}
{{მემკვიდრეობის ყუთი| წინამორბედი=მეფისნაცვალი<br />[[მიხეილ რომანოვი]] | ტიტული=საქართველოს მმართველი<br />[[კავკასიის მთავარმართებელი]]| წლები=[[1882]]-[[1890]]| შემდეგი =[[გრაფი შერემეტიევი]] }}
{{დაასრულე ყუთი}}

{{საქართველოს მთავარმართებლები}}

[[კატეგორია:საქართველოს მთავარმართებლები]]
[[კატეგორია:დაბადებული 12 სექტემბერი]]
[[კატეგორია:დაბადებული 1820]]
[[კატეგორია:გარდაცვლილი 15 აპრილი]]
[[კატეგორია:გარდაცვლილი 1893]]
[[კატეგორია:რუსეთის იმპერიის გენერლები]]