იხილეთ წყარო გვერდისთვის ალექსანდრე დოროხოვი

{{ინფოდაფა ფეხბურთელის ბიოგრაფია
|სახელი = ალექსანდრე დოროხოვი
|სურათი = Aleksandr Antonovich Dorokhov (1911–1978) — FC Dinamo Tbilisi Goalkeeper (1928–1939).jpg
|სურათის ზომა = 
|წარწერა = 
|სრული სახელი = ალექსანდრე<br/>ანტონის ძე დოროხოვი
|დაბადების თარიღი = {{დაბადების თარიღი|1911|6|7|}}
|დაბადების ადგილი = [[სურამი]],<br/>[[რუსეთის იმპერია]]
|გარდაცვალების თარიღი = {{გარდაცვალების თარიღი და ასაკი|1978|10|30|1911|6|7}}
|გარდაცვალების ადგილი = [[თბილისი]],<br/>[[საქართველოს საბჭოთა სოციალისტური რესპუბლიკა|საქართველოს სსრ]]
|სიმაღლე = 
|პოზიცია = [[მეკარე (ფეხბურთი)|მეკარე]]
|ახალგაზრდული წელი1 = 1926
|ახალგაზრდული წელი2 = 1927
|ახალგაზრდული კლუბი1 = [[ნიტფაბრიკა თბილისი (საფეხბურთო კლუბი)|ნიტფაბრიკა თბილისი]]
|ახალგაზრდული კლუბი2 = [[მეტალისტი თბილისი (საფეხბურთო კლუბი)|მეტალისტი თბილისი]]
|წელი1 = 1928–1932
|წელი2 = 1933
|წელი3 = 1934–1939
|წელი4 = 1940
|წელი5 = 1941
|წელი6 = 1942–1943
|წელი7 = 1944–1945
|წელი8 = 1945–1946
|წელი9 = 1947
|კლუბი1 = [[დინამო თბილისი (საფეხბურთო კლუბი)|დინამო თბ.]]
|კლუბი2 = [[დინამო ივანოვო (საფეხბურთო კლუბი)|დინამო ივანოვო]]
|კლუბი3 = [[დინამო თბილისი (საფეხბურთო კლუბი)|დინამო თბ.]]
|კლუბი4 = [[სპარტაკი თბილისი (საფეხბურთო კლუბი)|სპარტაკი თბ.]]
|კლუბი5 = [[დინამო მინსკი (საფეხბურთო კლუბი)|დინამო მინსკი]]
|კლუბი6 = [[ლოკომოტივი თბილისი (საფეხბურთო კლუბი)|ლოკომოტივი]]
|კლუბი7 = [[დინამო ერევანი (საფეხბურთო კლუბი)|დინამო ერევანი]]
|კლუბი8 = [[სტახანოვეცი სტალინო (საფეხბურთო კლუბი)|სტახანოვეცი]]
|კლუბი9 = [[დინამო სოხუმი (საფეხბურთო კლუბი)|დინამო სოხუმი]]
|მატჩი1 = ?
|მატჩი2 = ?
|მატჩი3 = 62
|მატჩი4 = ?
|მატჩი5 = 9
|მატჩი6 = ?
|მატჩი7 = ?
|მატჩი8 = 16
|მატჩი9 = ?
|ეროვნული წელი1 =  
|ეროვნული ნაკრები1 =  
|ეროვნული მატჩი1 =  
|ეროვნული გოლი1 =  
|მედლის თარგები = 
}}

'''ალექსანდრე ანტონის ძე დოროხოვი''' ({{lang-ru|Александр Антонович Дорохов}}; დ. [[7 ივნისი]], [[1911]], [[სურამი]], [[რუსეთის იმპერია]] — გ. [[30 ოქტომბერი]], [[1978]], [[თბილისი]], [[საბჭოთა კავშირი]]) — [[ქართველები|ქართველი]] და [[საბჭოთა სოციალისტური რესპუბლიკების კავშირი|საბჭოთა]] [[ფეხბურთელი]], [[მეკარე (ფეხბურთი)|მეკარე]].{{sfn-2|Соскин, А.|1972|გვ=297}} 1928–1932 და 1934–1939 წლებში იცავდა [[დინამო თბილისი (საფეხბურთო კლუბი)|თბილისის „დინამოს“]] ღირსებას. [[საბჭოთა კავშირის საფეხბურთო ჩემპიონატი|საბჭოთა კავშირის]] ვიცე-ჩემპიონი (1939) და ბრინჯაოს პრიზიორი (1936) თბილისის „დინამოს“ შემადგენლობაში. [[დინამო თბილისი (საფეხბურთო კლუბი)|დინამოელთა]] მიერ [[საბჭოთა კავშირის საფეხბურთო ჩემპიონატი|საკავშირო პირველობის]] უმაღლესი ლიგის ფარგლებში ჩატარებული პირველი მატჩის მონაწილე.<ref>Динамо (Тбилиси) 2–2 Динамо (Киев) // [https://fc-dynamo.ru/champ/prot.php?id=2400 fc-dynamo.ru]</ref>

== საკლუბო კარიერა ==
დაიბადა [[1911]] წელს დაბა [[სურამი|სურამში]], ორი თვის შემდეგ მშობლები საცხოვრებლად გადავიდნენ [[თბილისი|თბილისში]], ფოთის ქუჩაზე. პირველად თბილისურ ეზოებში ეზიარა ფეხბურთის სიყვარულს.<ref name="Вратарь на месте">[https://web.archive.org/web/20160507215553/http://www.rcmagazine.ge/component/content/article/462.html?ed=22 Вратарь на месте] // ''rcmagazine.ge''</ref> შურა დოროხოვს მამა ადრე გარდაეცვალა და მანაც ლუკმა-პურის საშოვნელად თამბაქოს ქარხანაში ხარატის მოწაფედ დაიწყო მუშაობა, თუმცა ფეხბურთს მაინც არ ეშვებოდა და ზედიზედ ოთხ-ხუთ საათს შეეძლო თამაში ამხანაგებთან ერთად. შურა თავდაპირველად თავდამსხმელად, კერძოდ მარჯვენა გარემარბად თამაშობდა.<ref name="Lelo_1996_N14">''ნოზაძე, ოთარ.'' [https://dspace.nplg.gov.ge/bitstream/1234/218867/1/Lelo_1996_N14.pdf მწვანე სვიტრით რომ თამაშობდა მუდამ...] // [[ლელო (გაზეთი)|„ლელო“]], აპრილი, 1996, № 14 (10974), გვ. 3.</ref> 

===„ნიტ-ფაბრიკა“ და „მეტალისტი“ 1926–1927===
პირველ ოფიციალურ გუნდს დიდუბეში რომ ჩამოაყალიბეს — „ნიტ-ფაბრიკა“ ეწოდებოდა. ძაფის ფაბრიკის ხელმძღვანელობამ თავისი ფეხბურთელებისათვის ორი ნამდვილი ბურთი და მაისურები შეიძინა. გუნდში 15 წლის ალექსანდრე დოროხოვიც მიიღეს. „ნიტ-ფაბრიკის“ ფეხბურთელები თბილისის პირველობაზე მეოთხე ჯგუფში გამოვიდნენ და პირველობა მოიპოვეს. ორი წლის შემდეგ თითქმის მთელი გუნდით ბიჭები მელითონეთა კავშირის კოლექტივში გადავიდნენ და თბილისის „მეტალისტის“ მეორე გუნდი შექმნეს. მალევე ქალაქის პირველობაზე ერთმანეთს შეხვდნენ [[დინამო თბილისი (საფეხბურთო კლუბი)|„დინამოსა“]] და „მეტალისტის“ მეორე შემადგენლობები. ამ დღეს სათამაშოდ არ გამოცხადდა მეტალისტთა მეკარე მიხეილ ზუკაკიშვილი და მის მაგივრად თავდამსხმელ დოროხოვს მოუწია კარში ჩადგომა. ეს მატჩი ფრედ — 2–2 დამთავრდა და ახალბედა მეკარემ იმდენად კარგად გაართვა თავი ახალ ამპლუას, რომ შეხვედრის შემდეგ მეტოქეთა მწვრთნელმა ასირ გალპერინმა და კაპიტანმა [[შოთა შავგულიძე]]მ დოროხოვი თავიანთ გუნდში მიიწვიეს.<ref name="Lelo_1996_N14" /> 

===თბილისის „დინამო“ 1928–1932===
ამის შემდეგ შურა და იური კასრაძე მონაცვლეობით იცავდნენ [[დინამო თბილისი (საფეხბურთო კლუბი)|„დინამოს“]] მეორე გუნდის კარს. მოგვიანებით ეს გუნდი მოსკოვის „პიშჩევიკს“ შეხვდა, რომელშიც ძმები სტაროსტინები, პიოტრ ისაკოვი, სტანისლავ ლეუტა, ივან ფილიპოვი და სხვა იმ პერიოდის ცნობილი მოთამაშეები თამაშობდნენ. თბილისელებმა ანგარიშით 5–3 გაიმარჯვეს. ახალგაზრდა დოროხოვი თავის ოსტატობას ცნობილი თბილისელი მეკარეების — ნიკოლაი სოლონინისა და ალექსეი პაპკოვის ხელმძღვანელობით იმაღლებდა. სამეკარეო ხელოვნებასთან ერთად იმ პერიოდის საწვრთნელ პროგრამაში ფიზიკურ მომზადებასაც დიდი ადგილი ეთმობოდა — ტანვარჯიშს, კალათბურთს, მძლეოსნობას — ადვილად იღებდა 160–170 სანტიმეტრ სიმაღლეს.<ref name="Lelo_1996_N14" /> 

===ივანოვოს „დინამო“ 1933===
1932 წელს დოროხოვი დინამოელთა პირველ გუნდში მიიღეს, თუმცა 1933 წლის გაზაფხულზე [[ანდრო ჟორდანია]]ს მიწვევით ივანოვოს „დინამოში“ გადავიდა, რომელსაც იგი 1932 წლიდან მოთამაშე-მწვრთნელის რანგში ხელმძღვანელობდა.{{sfn-2|ქურდობაძე, ა.|2018|გვ=47}} იმავე პერიოდში ივანოველები შეხვდნენ მოსკოვის „დუკატს“ („სპარტაკის“ წინამორბედს), და დაამარცხეს ანგარიშით 3–1. ამას გარდა, 1933 წლის 3 აგვისტოს სტადიონზე შეკრებილი 30 ათასი გულშემატკივრის თვალწინ ივანოველებმა თურქეთის ნაკრებთან გამართულ მატჩშიც გაიმარჯვეს (7–3).<ref>«Динамо» Иваново 7–3 Турция // [https://footballfacts.ru/match/3760468-dinamoivanovoturciya73 ''Footballfacts.ru'']</ref><ref>[https://fc-textil.ru/klub/istoriya/ История. 3 августа 1933 года] // ''fc-textil.ru''</ref><ref>[https://rk37.ru/news/2023/08/04/kak_ivanovo_turok_gromilo Как Иваново турок громило]</ref> 

მალევე „დოროხოვის გუნდმა“ ფეხბურთისთვის უჩვეულოდ დიდი ანგარიშით — 17–1 მოუგო ესპანეთის მუშათა გუნდს. იმ პერიოდის ფეხბურთის მესვეურებისა და გულშემატკივართა მხრიდან გამოითქვა სურვილი, რომ ასეთი წარმატებული გამოსვლების შემდეგ ივანოველები მოსკოვის ნაკრებს შეხვედროდნენ. ამ მატჩმა დიდი ინტერესი გამოიწვია და მას 70 ათასი მაყურებელი დაესწრო. ეს დაპირისპირება, რომელშიც უპირობო ფავორიტებად მოსკოველი ფეხბურთელები ითვლებოდნენ, უშეღავათო ბრძოლაში წარიმართა. მასპინძელთა 3 გოლს ივანოველებმა ამდენივეთი უპასუხეს და შეხვედრაც ფრედ — 3–3 დამთავრდა.<ref name="Lelo_1996_N14" />

===თბილისის „დინამო“ 1934–1935===
ამ მატჩის შემდეგ, 1934 წლის სეზონში, დოროხოვი ყოფილ დინამოელ ნიკოლოზ ანიკინთან ერთად თბილისში დაბრუნდა და დინამოელთა გუნდში კვლავ ალექსეი პაპკოვთან ერთად განაგრძო თამაში.<ref name="sezon-komandy-1935-god">[https://www.dinamo-tbilisi.ru/sezon-za-sezonom/sezon-komandy-1935-god/ Сезон команды — 1935 год] // ''dinamo-tbilisi.ru''</ref>

1935 წლის 20 ივნისიდან 30 ივლისის ჩათვლით ჩატარდა საბჭოთა კავშირის მეხუთე ჩემპიონატი ქალაქთა ნაკრებ გუნდებს შორის.{{sfn-2|Шваб, Пaвел Гaвpилoвич.|1994|გვ=26}} ქვეყნის ჩემპიონის ვინაობა პირველი ჯგუფის მონაწილე ექვსი ქალაქის — კიევის, ხარკოვის, მოსკოვის, ლენინგრადის, ბაქოსა და თბილისის ნაკრებ გუნდებს შორის უნდა გარკვეულიყო. ტურნირი ტარდებოდა წრიული სისტემით ერთ წრეში ერთ-ერთი მოწინააღმდეგის ან ნეიტრალურ მოედანზე. თბილისელებმა 5 ჩატარებული მატჩიდან სამი დათმეს, ერთი ფრედ დაამთავრეს, ერთი მოიგეს და სატურნირო ცხრილში ბოლო ადგილი დაიკავეს, ბურთების შეფარდებით 6–21-თან.{{sfn-2|ქურდობაძე, ა.|2018|გვ=53}} ამ ხუთი შეხვედრიდან ოთხში დოროხოვმა ითამაშა, ხოლო ერთში თბილისელთა კარს ნიკოლაი სოლონინი იცავდა.<ref group="კომ.">საბჭოთა კავშირის მეხუთე ჩემპიონატზე ქალაქთა ნაკრებ გუნდებს შორის თბილისის ნაკრებმა ასეთი შემადგენლობით იასპარეზა: ალექსანდრე დოროხოვი (4), [[შოთა შავგულიძე]] (5), [[გიორგი ჭუმბურიძე (ფეხბურთელი)|გიორგი ჭუმბურიძე]] (5), მიხეილ მინაევი (5), ლევან აბაშიძე (4), ნიკოლოზ ანიკინი (4), ილია პანინი (5), [[მიხეილ ბერძენიშვილი]] (5), გიორგი ვაჩნაძე (4), აკაკი ყალიჩავა (4), ვახტანგ რამიშვილი (3), მიხეილ ბოლოტინი (3), ნიკოლაი სოლონინი (1), [[მიხეილ ასლამაზოვი]] (2), ა. ფოჩხუა (1), გ. ქებაძე (1), მიხეილ იამშანოვი (1). გუნდის წარმომადგენელი ი. კრემერი. ''შენიშვნა:'' ფრჩხილებში მოცემულია ჩატარებული მატჩების რაოდენობა.</ref>

==== გათამაშების საბოლოო შედეგები ====
{| width="680" style="background: #f9f9f9; border: 2px #aaa solid; border-collapse: collapse; border-color: white; color:black; font-size: 95%;" border="1" cellspacing="0"
|- bgcolor="#c2d2e5"
 ! scope=col | №
 ! scope=col | ნაკრები გუნდები
 ! scope=col | 1
 ! scope=col | 2
 ! scope=col | 3
 ! scope=col | 4
 ! scope=col | 5
 ! scope=col | 6
 ! scope=col | თ
 ! scope=col | მ
 ! scope=col | წ
 ! scope=col | ფ
 ! scope=col | ბ
 ! scope=col | ქ
|-bgcolor="#F7F6A8"
 ! scope=row |[[file:Gold medal icon.svg]]||align=left|[[მოსკოვი|მოსკოვის ნაკრები]]||[[file:Soccerball.svg|20px]] ||2:1 ||2:3 ||2:0 ||7:1 ||11:2 ||5 ||4 ||0 ||1 ||24–7 ||13
|-bgcolor="#DCE5E5"
 ! scope=row |[[file:Silver medal icon.svg]]||align=left|[[ლენინგრადი|ლენინგრადის ნაკრები]]||1:2 ||[[file:Soccerball.svg|20px]] ||4:1 ||3:1 ||0:2 ||6:1 ||5 ||3 ||0 ||2 ||14–7 ||11
|-bgcolor="#FFDAB9"
 ! scope=row |[[file:Bronze medal icon.svg]]||align=left|[[ხარკოვი|ხარკოვის ნაკრები]]||3:2 ||1:4 ||[[file:Soccerball.svg|20px]] ||1:2 ||2:0 ||2:2 ||5 ||2 ||1 ||2 ||9–10 ||10
|-
 ! scope=row |4 ||align=left|[[კიევი|კიევის ნაკრები]]||0:2 ||1:3 ||2:1 ||[[file:Soccerball.svg|20px]] ||1:1 ||2:0 ||5 ||2 ||1 ||2 ||6–7 ||10
|-
 ! scope=row |5 ||align=left|[[ბაქო|ბაქოს ნაკრები]]||1:7 ||2:0 ||0:2 ||1:1 ||[[file:Soccerball.svg|20px]] ||0:1 ||5 ||1 ||1 ||3 ||4–11 ||8
|-
 ! scope=row |6 ||align=left|[[თბილისი|თბილისის ნაკრები]]||2:11 ||1:6 ||2:2 ||0:2 ||1:0 ||[[file:Soccerball.svg|20px]] ||5 ||1 ||1 ||3 ||6–21 ||8
|}
* ქულათა დარიცხვის სისტემა: 3 ქულა გამარჯვებისთვის, 2 — ფრისთვის, 1 — წაგებისთვის, 0 — გამოუცხადებლობისთვის.

===ამიერკავკასიის ნაკრები 1935===
თბილისელმა ფეხბურთელებმა ამიერკავკასიის ნაკრების შემადგენლობაში, რომლის კარსაც დოროხოვი იცავდა, მონაწილეობა მიიღეს [[სკანდინავია|სკანდინავიის]] ქვეყნებში გამართულ საერთაშორისო ტურნეში.{{sfn-2|ქურდობაძე, ა.|2018|გვ=49}} პირველი შეხვედრა [[30 აგვისტო]]ს, [[გეტებორგი|გეტებორგში]], საფეხბურთო კლუბ „გორდასთან“ გაიმართა და ფრედ (3–3) დამთავრდა.<ref>«Горда» (Швеция) 3–3 Сб. Закавказья // [https://www.dinamo-tbilisi.ru/statistika/sbornye/sbornaya-zakavkazya/ 30 августа 1935 года. Гетеборг]</ref>

საერთო ჯამში ტურნეს ფარგლებში ჩატარებული შვიდი მატჩიდან ამიერკავკასიის ნაკრების ფეხბურთელებმა ოთხი მოიგეს, ერთი დათმეს და ორიც ფრედ დაამთავრეს. [[დინამო თბილისი (საფეხბურთო კლუბი)|თბილისის დინამოელთაგან]] ამიერკავკასიის ნაკრების შემადგენლობაში გამოდიოდნენ [[შოთა შავგულიძე]], [[მიხეილ ბერძენიშვილი]], [[მიხეილ ასლამაზოვი]], ნიკოლოზ ანიკინი, ილია პანინი და ლევან აბაშიძე.<ref>[https://www.dinamo-tbilisi.ru/statistika/sbornye/sbornaya-zakavkazya/ Турне Сборной Закавказья по Скандинавии]. ''dinamo-tbilisi.ru''</ref><ref name="sezon-komandy-1935-god" />

ტურნედან დაბრუნების შემდეგ 26 სექტემბერს, ამიერკავკასიელებმა ლენინგრადის ნაკრებთან [[სანქტ-პეტერბურგი|ლენინგრადშივე]] გამართეს შეხვედრა, რომელიც მასპინძელთა გამარჯვებით (2–0) დასრულდა.<ref>Сб. Ленинграда 2–0 Сб. Закавказья // [https://www.dinamo-tbilisi.ru/sezon-za-sezonom/sezon-komandy-1935-god/ 26 сентября 1935 года. Ленинград]</ref>

===თბილისის „დინამო“ 1936–1939===
მომდევნო სეზონში, 1936 წელს, „დიდი ფეხბურთის“ პირველ სეზონში [[დინამო თბილისი (საფეხბურთო კლუბი)|თბილისის „დინამომ“]] უფლება მოიპოვა შემოდგომაზე უძლიერესთა რიგებში ეასპარეზა. გუნდის უფროს მწვრთნელად [[ჟიულ ლიმბეკი]] დაინიშნა, რომელმაც მნიშვნელოვანი როლი შეასრულა თბილისის „დინამოს“ ახალგაზრდული გუნდის ფორმირებაში. მისი ხელმძღვანელობით გუნდი სსრ კავშირის თასის ფინალში გავიდა. 

დოროხოვი თავიდანვე ერთ-ერთ საუკეთესო მეკარედ ითვლებოდა საბჭოთა კავშირში. 1933 წელს იგი 33 საუკეთესო ფეხბურთელთა სიაში მესამე ნომრად დააახელეს — ხარკოველი ალექსანდრე ბაბკინისა და კიეველი ანტონ იძკოვსკის შემდეგ, ხოლო 1938 წელს უკვე მეორე იყო (სპარტაკელი ანატოლი აკიმოვის შემდეგ). 1937 წელს დოროხოვი კვლავ მესამე ნომრად დაასახელეს ანატოლი აკიმოვისა და კიეველი ნიკოლაი ტრუსევიჩის შემდეგ. ამასთან, აღსანიშნავია რომ თბილისელი მეკარე მთელ საჯარიმო მოედანში თამაშისა და მეკარის მოედნიდან გამოსვლის ნოვატორად ითვლებოდა.<ref>[https://web.archive.org/web/20160801053101/http://allfutbolist.ru/players/646 Дорохов Александр Антонович] // ''allfutbolist.ru''</ref> 

[[დინამო თბილისი (საფეხბურთო კლუბი)|თბილისის „დინამოს“]] ძირითად შემადგენლობაში [[საბჭოთა კავშირის საფეხბურთო ჩემპიონატი|საბჭოთა კავშირის ჩემპიონატის]] უმაღლესი ლიგის ფარგლებში პირველად 1936 წლის 7 სექტემბერს, [[საბჭოთა კავშირის საფეხბურთო ჩემპიონატი 1936 (შემოდგომა)|საბჭოთა კავშირის საშემოდგომო პირველობის]] პირველი ტურის კალენდარულ მატჩში, [[დინამო კიევი (საფეხბურთო კლუბი)|კიევის „დინამოს“]] წინააღმდეგ გამოვიდა მინდორზე. თბილისელთა შემადგენლობაში მასთან ერთად თამაშობდნენ: [[შოთა შავგულიძე]] (ედუარდ ნიკოლაიშვილი), ბუკა ბერძენიშვილი, ნიკოლოზ ანიკინი, [[ვლადიმერ ჯორბენაძე]], [[გრიგოლ გაგუა]], ილია პანინი, [[მიხეილ ბერძენიშვილი]], [[ბორის პაიჭაძე]], [[მიხეილ ასლამაზოვი]] და ნიკოლოზ სომოვი. თბილისის „დინამოს“ ისტორიაში ეს იყო საკავშირო პირველობის უმაღლესი ლიგის პირველი შეხვედრა. მატჩი, რომელსაც ათი ათასი მაყურებელი დაესწრო, თბილისის „დინამოს“ სტადიონზე გაიმართა და ფრედ, ანგარიშით 2–2 დასრულდა. თბილისელთაგან ბურთები სომოვმა და პაიჭაძემ გაიტანეს.<ref>Динамо (Тбилиси) 2–2 Динамо (Киев) // [https://footballfacts.ru/match/21014-dinamotbilisidinamokiev22 Footballfacts.ru]</ref>

[[დინამო თბილისი (საფეხბურთო კლუბი)|თბილისის „დინამოს“]] მაისურით [[საბჭოთა კავშირის საფეხბურთო ჩემპიონატი|საბჭოთა კავშირის ჩემპიონატის]] ფარგლებში ბოლოჯერ 1939 წლის 30 ნოემბერს, საკავშირო ჩემპიონატის 21-ე ტურის კალენდარულ მატჩში, ოდესის „დინამოს“ წინააღმდეგ ითამაშა. თბილისელთა შემადგენლობაში მასთან ერთად თამაშობდნენ: ალექსანდრე მინჯია, [[გრიგოლ გაგუა]], [[მიხეილ ბერძენიშვილი]], ბორის ფროლოვი, თენგიზ გავაშელი, [[გაიოზ ჯეჯელავა]], ტიტე ჯორჯიკია, [[ბორის პაიჭაძე]], ვიქტორ ბერეჟნოი და ასლან ხარბედია. მატჩი, რომელსაც 40 ათასი მაყურებელი დაესწრო, თბილისის „დინამოს“ სტადიონზე გაიმართა და თბილისელთა გამარჯვებით, ანგარიშით 1–0 დასრულდა. მატჩის 75-ე წუთზე ბურთი [[ბორის პაიჭაძე]]მ გაიტანა.<ref>«Динамо» Тбилиси 1–0 «Динамо» Одесса // [https://footballfacts.ru/match/6804-dinamotbilisidinamoodessa10 Footballfacts.ru]</ref>

== ფეხბურთის შემდეგ ==
სათამაშო კარიერის დასრულების შემდეგ სამწვრთნელო საქმიანობა განაგრძო და თბილისში გუნდებისა და მეკარეთა მწვრთნელად მუშაობდა. დოროხოვის უშუალო ხელმძღვანლობით დაოსტატდნენ ისეთი მეკარეები, როგორებიც იყვნენ ამირან ტყებუჩავა, [[ვლადიმერ მარღანია]], მიხეილ პირაევი, [[სერგო კოტრიკაძე]] და სხვ. მონაწილეობას იღებდა ვეტერანთა შეხვედრებში. 

== ოჯახი ==
დოროხოვი 1939 წელს დაქორწინდა. მისი ქალიშვილი ლილია ვაშაკიძე-დოროხოვა ინგლისური ენის მასწავლებელი იყო და სკოლაში ორმოცი წლის მუშაობის შემდეგ შრომის ვეტერანის წოდება მიიღო. 2010-იან წლებში დოროხოვის ოჯახიდან დარჩენილი იყო ქალიშვილი ლილია, მისი დისშვილი და ფეხბურთელის შვილიშვილი.

== თამაშის სტილი და შეფასებები ==
„თავდამსხმელები დაიმედებულნი ვიყავით, რომ ზურგს უკან დოროხოვის სახით საიმედო გუშაგი გვყავდა და საქმე ჩვენს საჯარიმოში მუდამ მოგვარებული გვეგულებოდა. პირადად მე მას თბილისის „დინამოს“ ყველა დროის საუკეთესო მეკარედ მივიჩნევ.“ — ასეთი შეფასება მისცა მას მისმა თანაგუნდელმა [[ბორის პაიჭაძე]]მ.<ref name="Lelo_1996_N14" />

„დოროხოვი თითქოს მეტოქეთა თავდამსხმელების გულში იჯდაო, ისეთი შეუდარებელი ალღოთი და ინტუიციით იყო დაჯილდოებული,რაც შეეხება მის რეაქციას, ნახტომს, ბურთის ხელში დამორჩილებას, ამაში მას ბადალი არ ჰყავდა.“ — [[გაიოზ ჯეჯელავა]].<ref name="Lelo_1996_N14" />

„საბჭოთა მეკარეებიდან ყველაზე მეტად დოროხოვი მომწონს, რომელმაც განსაკუთრებით კარგად ითამაშა პირველ თბილისურ მატჩში. ბურთის დამორჩილებისა და ბურთზე რეაქციის შესანიშნავი უნარი, კარიდან დროული გამოსვლა მეკარის საჯარიმოში თავისუფალ თამაშთან ერთად — ეს ყველაფერი მაღალი კლასის მეკარის თვისებებია.“ — გრეგორიო ბლასკო ({{lang-es|Gregorio Blasco Sánchez}}; 1909–1983) — [[ატლეტიკ ბილბაო (საფეხბურთო კლუბი)|ბილბაოს „ატლეტიკის“]] მეკარე (1928–1936), 1937 წელს საბჭოთა კავშირში გამართული მატჩების მონაწილე ბასკეთის ნაკრების შემადგენლობაში.<ref name="Вратарь на месте" />

„თბილისის „დინამოს“ კარში ბურთის გატანა უძნელეს საქმეს წარმოადგენდა იმდროინდელი პირველხარისხოვანი თავდამსხმელებისთვის. არაერთხელ მიუნდვიათ სსრ კავშირის, რსფსრ-ს, ამიერკავკასიის ნაკრები გუნდების სახელის დაცვა ა. დოროხოვისთვის და იგი მუდამ პირნათლად ამართლებდა ნდობას. მან შესანიშნავად ითამაშა თურქეთის ნაკრების წინააღმდეგ, თავი გამოიჩინა სკანდინავიის ქვეყნებში ამიერკავკასიის ნაკრების მგზავრობისას, ხოლო საბჭოთა ქვეყანაში 1937 წელს სტუმრად მყოფი ბასკონიის ნაკრების წინააღმდეგ ითამაშა ისე, რომ ევროპული სახელის მქონე განთქმული ესპანელი ფეხბურთელები ლანგარა, ალონსო, რეგეირო, ეჩებარია და სხვანი აღტაცებას ვერ მალავდნენ მინდორზევე თამაშის მსვლელობის დროს. ვინ მოთვლის, რამდენჯერ გაბრუნებულან უკან ხელმოცარული თბილისელთა მეკარესთან პირისპირ დარჩენილი გოლის გატანის დიდოსტატები მ. ბუტუსოვი, მ. იაკუშინი, ს. ილინი, ვ. პავლოვი, ვ. სმირნოვი, კ. შეგოცკი, ა. პონომარიოვი, გ. ფედოტოვი, პ. დემენტიევი, მ. სემიჩასტნი, ვ. სტეპანოვი, ვ. სემიონოვი, ს. სოლოვიოვი, კ. ბესკოვი, ვ. კაპელკინი და სხვ.“ — ამონარიდი რ. ქორიძის სტატიიდან [https://dspace.nplg.gov.ge/bitstream/1234/200680/1/Lelo_1971_N258.pdf „მეკარე, რომელიც მატჩებს იგებდა“] // [[ლელო (გაზეთი)|„ლელო“]], 28 დეკემბერი, 1971, № 258 (4508), გვ. 3.

== მიღწევები ==
=== საკლუბო ===
; {{დროშანიშანი|საქართველოს სსრ}} [[დინამო თბილისი (საფეხბურთო კლუბი)|დინამო თბილისი]]
; [[საბჭოთა კავშირის საფეხბურთო ჩემპიონატი|საბჭოთა კავშირის ჩემპიონატი]]
* {{Silver2}} ვიცე-ჩემპიონი: [[საბჭოთა კავშირის საფეხბურთო ჩემპიონატი 1939|1939]] 
* {{Bronze3}} ბრინჯაოს პრიზიორი: [[საბჭოთა კავშირის საფეხბურთო ჩემპიონატი 1936 (შემოდგომა)|1936 (შ.)]] 
; [[საბჭოთა კავშირის საფეხბურთო თასი|საბჭოთა კავშირის თასი]]
* [[File:Cup Finalist.png]] ფინალისტი: 1936, 1937

== ფაქტები ==
1933 წელს დასახელებული იყო საბჭოთა კავშირის წლის 33 საუკეთესო ფეხბურთელის სიაში.{{sfn-2|Соскин, А.|1972|გვ=297.}}{{sfn-2|ქურდობაძე, ა.|2018|გვ=47.}}<ref>[http://dic.academic.ru/dic.nsf/ruwiki/685003 საბჭოთა კავშირის წლის 33 საუკეთესო ფეხბურთელის სია]</ref><ref>[http://ru.unionpedia.org/Список_33_лучших_футболистов_сезона_в_СССР Список 33 лучших футболистов сезона в СССР]</ref>

[[1937]] წლის [[24 ივლისი|24 ივლისს]] მონაწილეობა მიიღო თბილისის „დინამოს“ პირველ საერთაშორისო შეხვედრაში ბასკეთის საფეხბურთო ნაკრების წინააღმდეგ.<ref>[https://archive.today/20220402132011/https://www.madatovi.com.ge/2020/08/Tbilisis-dinamos-pirveli-saerTaSoriso-matCi.html თბილისის „დინამოს“ პირველი საერთაშორისო მატჩი]</ref> ბასკებთან თამაშის ერთ ეპიზოდს ალექსანდრე დოროხოვი ასე იხსენებდა: „ბასკებთან თამაშის დეტალები ახლაც კარგად მახსოვს, — სტუმართა ერთ-ერთ იერიშში ჩვენი გუნდი დაჯარიმდა. ბასკების ყველაზე სახიფათო თავდამსხმელმა ლანგარამ შორიდან ძლიერად დაარტყა კარის კუთხეში. ბურთი ზედ კარის ხაზზე ავიღე, მაგრამ მკერდი მეტკინა და უცებ ვერ წამოვდექი. ავიხედე და დავინახე, რომ ჩემსკენ მთელი სისწრაფით მორბოდა ლანგარა. ვიფიქრე, კარში ბურთიანად უნდა გამიტანოს-მეთქი და წამომხტარმა ცრუ მოძრაობით ავიცილე იგი, მაგრამ ლანგარამ მოულოდნელად ხელი მომითათუნა მხარზე და ხმამაღლა თქვა: „სამორა, სამორა!“ ამ ლეგენდარულ ესპანელ გოლკიპერთან, „მეკარეთა მეკარედ“ წოდებულ [[რიკარდო სამორა]]სთან შედარება ჩემთვის, ახალგაზრდა ფეხბურთელისათვის, დიდი პატივი და სიხარული იყო.“<ref name="Lelo_1996_N14" /><ref>{{Cite web |url=https://www.vangogen.com.ge/2018/04/blog-post_13.html |title=ბასკეთის ნაკრები თბილისში და „დინამოს“ პირველი საერთაშორისო მატჩი |accessdate=2024-03-27 |archiveurl=https://archive.today/20220417211751/https://www.vangogen.com.ge/2018/04/blog-post_13.html |archivedate=2022-04-17 }}</ref>

== ლიტერატურა ==
{{Refbegin}}
* {{წიგნი
 |ავტორი = დოროხოვი, ალექსანდრე
 |სათაური = მეკარის ჩანაწერები
 |ბმული = https://opac.sciencelib.ge/bib/356320
 |ადგილი = თბ.
 |გამომცემლობა = ნაკადული
 |წელი = 1962
 |გვერდები =  
 |გვერდნი = 75
 |ref = დოროხოვი, ალექსანდრე.
}}
* {{წიგნი
 |ავტორი = მამულაშვილი, ვასილ
 |სათაური = დიდი ფეხბურთის მოედნებზე
 |ბმული = https://archive.today/20200105074619/http://www.nplg.gov.ge/ec/ka/cart/search.html?cmd=search&sf=simple&qs%5B0%5D%5Bf%5D=700&qs%5B0%5D%5Bq%5D=&qs%5B1%5D%5Bf%5D=200&qs%5B1%5D%5Bq%5D=%E1%83%93%E1%83%98%E1%83%93%E1%83%98+%E1%83%A4%E1%83%94%E1%83%AE%E1%83%91%E1%83%A3%E1%83%A0%E1%83%97%E1%83%98%E1%83%A1+%E1%83%9B%E1%83%9D%E1%83%94%E1%83%93%E1%83%9C%E1%83%94%E1%83%91%E1%83%96%E1%83%94&qs%5B2%5D%5Bf%5D=212&qs%5B2%5D%5Bq%5D=&qs%5B3%5D%5Bf%5D=213&qs%5B3%5D%5Bq%5D=&qs%5B4%5D%5Bf%5D=606&qs%5B4%5D%5Bq%5D=&pft=biblio&rnum=10&kbd=en&submit_btn=%E1%83%AB%E1%83%98%E1%83%94%E1%83%91%E1%83%90
 |ადგილი = თბ.
 |გამომცემლობა = საბლიტგამი
 |წელი = 1957
 |გვერდები = 9, 279–281
 |გვერდნი = 312
 |ref = მამულაშვილი, ვ.
}}
* {{წიგნი
 |ავტორი = ქურდობაძე, ალექსანდრე
 |ნაწილი =  
 |სათაური = ქართული ფეხბურთის ქრონიკები
 |ორიგინალი =  
 |ბმული = https://archive.today/20200101052047/https://evergreen.tsu.ge/eg/opac/record/211329?query=%E1%83%A4%E1%83%94%E1%83%AE%E1%83%91%E1%83%A3%E1%83%A0%E1%83%97%E1%83%98;qtype=subject;locg=1;detail_record_view=0
 |გამოცემა =  
 |პასუხისმგებელი = 
 |ადგილი = თბ.
 |გამომცემლობა = გ.გ.
 |წელი = 2018
 |ტომი =  
 |გვერდები = 47–50, 53
 |გვერდნი = 595
 |isbn =  
 |ref = ქურდობაძე, ა.
}}
* {{რუსული წიგნი
 |ავტორი = Соскин, Александр
 |სათაური = Всё о футболе
 |ბმული =https://archive.today/20191216124832/https://www.studmed.ru/soskin-am-sost-vse-o-futbole-strany-kluby-turniry-futbolisty-trenery-sudi_c4440939b4a.html
 |ადგილი = М.
 |გამომცემლობა = Физкультура и спорт
 |წელი = 1972
 |გვერდები = 297
 |გვერდნი = 448
 |ref = Соскин, А.
}}
* {{რუსული წიგნი
 |ავტორი = Шваб, П.Г.
 |სათაური = Энциклопедия советского футбола. Том 1
 |ბმული =https://www.studmed.ru/shvab-pg-enciklopediya-sovetskogo-futbola-tom-1_bb34f86ceb4.html
 |ადგილი = Черновцы
 |გამომცემლობა = Раенная типография
 |წელი = 1994
 |გვერდები = 27–28, 94, 104
 |გვერდნი = 128
 |ref = Шваб, Пaвел Гaвpилoвич.
}}
{{Refend}}

== პერიოდიკა ==  
{{Refbegin}}
* {{სტატია
 |ავტორი = ქორქია, რ.
 |სათაური = მეკარე, რომელიც მატჩებს იგებდა
 |ბმული = https://dspace.nplg.gov.ge/bitstream/1234/200680/1/Lelo_1971_N258.pdf
 |გამოცემა = [[ლელო (გაზეთი)|„ლელო“]] 
 |წელი = 28 დეკემბერი, 1971
 |ნომერი = 258 (4508)
 |გვერდები = 3
}}
* {{სტატია
 |ავტორი = ნოზაძე, ო.
 |სათაური = თვითონ იყო „მეკარეთა მეკარე“... 
 |ბმული = https://dspace.nplg.gov.ge/bitstream/1234/195532/1/Lelo_1978_N218.pdf
 |გამოცემა = [[ლელო (გაზეთი)|„ლელო“]] 
 |წელი = 5 ნოემბერი, 1978
 |ნომერი = 218 (6273)
 |გვერდები = 4
}}
* {{სტატია
 |ავტორი = ნოზაძე, ოთარ
 |სათაური = მწვანე სვიტრით რომ თამაშობდა მუდამ...
 |ბმული = https://dspace.nplg.gov.ge/bitstream/1234/218867/1/Lelo_1996_N14.pdf
 |გამოცემა = [[ლელო (გაზეთი)|„ლელო“]] 
 |წელი = აპრილი, 1996 
 |ნომერი = 14 (10974)
 |გვერდები = 3
}}
* {{სტატია
 |ავტორი = ჯაფარიძე, ოთარ
 |სათაური = დავუბრუნოთ ქართული ფეხბურთის ისტორიას დავიწყებული გუნდებისა და ფეხბურთელების სახელები
 |ბმული = 
 |ენა = 
 |გამოცემა = ჟურნ. „ათიანი“ 
 |სახეობა = 
 |წელი = იანვარი, 2015
 |ტომი = 
 |ნომერი = 70
 |გვერდები = 18–25
 |doi = 
 |issn =  
}}
{{Refend}}

== რესურსები ინტერნეტში ==
* [http://dspace.nplg.gov.ge/simple-search?location=%2F&query=ალექსანდრე+დოროხოვი ალექსანდრე დოროხოვი] — ციფრული ბიბლიოთეკა „ივერიელი“
* {{nplg ბიოგრაფია|00007026}} 
* {{nplg სპორტსმენი|1003}} 
* [https://www.dinamo-tbilisi.ru/personalii/igroki/doroxov-aleksandr-antonovich/ ალექსანდრე დოროხოვი] — dinamo-tbilisi.ru
* [http://footballfacts.ru/players/106088 ალექსანდრე დოროხოვი] — FootballFacts.ru

==კომენტარები==
{{Reflist|group=კომ.}}

==სქოლიო==
{{სქოლიო|2}}

{{DEFAULTSORT:დოროხოვი, ალექსანდრე}}

[[კატეგორია:დაბადებული 7 ივნისი]]
[[კატეგორია:დაბადებული 1911]]
[[კატეგორია:გარდაცვლილი 30 ოქტომბერი]]
[[კატეგორია:გარდაცვლილი 1978]]
[[კატეგორია:ხაშურის მუნიციპალიტეტში დაბადებულები]]
[[კატეგორია:ქართველი ფეხბურთელები]]
[[კატეგორია:საბჭოთა ფეხბურთელები]]
[[კატეგორია:საბჭოთა კავშირის საფეხბურთო ჩემპიონატის ფეხბურთელები]]
[[კატეგორია:თბილისის დინამოს ფეხბურთელები]]
[[კატეგორია:სოხუმის დინამოს ფეხბურთელები]]
[[კატეგორია:საბჭოთა კავშირის სპორტის ოსტატები]]