იხილეთ წყარო გვერდისთვის ალექსანდრე მაჭავარიანი

{{ინფოდაფა მეცნიერი}}
'''ალექსანდრე გიორგის ძე მაჭავარიანი''' (დ. {{OldStyleDate|16|თებერვალი|1884|4||}}, [[ბათუმი]], [[ბათუმის ოლქი]], [[რუსეთის იმპერია]] — გ. [[21 აპრილი]], [[1941]], [[თბილისი]], [[საქართველოს სსრ]]) — [[ქართველები|ქართველი]] ექიმი, მეცნიერი.

==ბიოგრაფია==
ალქექსანდრე მაჭავარიანი დაიბადა 1884 წელს ქალაქ ბათუმში. პირველდაწყებითი განათლება სახლში მიიღო. 1902 წელს დაამთავრა [[ქუთაისის კლასიკური გიმნაზია]]. გიმნაზიის დამთავრების შემდეგ შევიდა [[ნოვოროსიისკის უნივერსიტეტი]]ს სამედიცინო ფაკულტეტზე. [[1907]] წელს სამედიცინო ფაკულტეტის მეოთხე კურსიდან გადავიდა პეტერბურგის სამხედრო–სამედიცინო აკადემიაში, რომელიც [[1910]] წელს წარჩინებით დაამთავრა.

ა. მაჭავარიანი სამხედრო აკადემიის დამთავრების შემდეგ პრაქტიკის მისაღებად მივლინებულ იქნა აკადემიის ქირურგიულ კლინიკაში. 1911 წლის ზაფხულში კათედრის დავალებით გაემგზავრა [[სვანეთი|სვანეთში]] ჩიყვის ეპიდემიის შესასწავლად და ამ მასალაზე დაყრდნობით, 1914 წელს პეტერბურგის სამხედრო–სამედიცინო აკადემიაში დაიცვა სადოქტორო დისერტაცია. იმავე წლის ზაფხულში დანიშნეს ქ. ვარშავის ჰოსპიტალში ორდინატორად. [[1914]]–[[1918]] წლებში ფრონტზე იყო და სამხედრო ჰოსპიტალში მუშაობდა ქირურგად. 

[[1917]] წლის ოქტომბრიდან ა. მაჭავარიანი კავკასიაში ჩამოვიდა. 1918 წლიდან მუშაობდა თბილისის სამხედრო ჰოსპიტალში და საავადმყოფოებში ქირურგ-კონსულტანტის თანამდებობაზე. 1919 წელს არჩეულ იქნა ტოპოგრაფიული ანატომიისა და ოპერატიული ქირურგიის კათედრის გამგედ. ა. მაჭავარიანი ამავე დროს მუშაობდა ქ. თბილისის მეორე საავადმყოფოს ქირურგიულ განყოფილების გამგედ. იყო საქართველოში ჯანდაცვის ორგანიზატორი, თბილისის უნივერსიტეტის სამკურნალო ფაკულტეტის ერთ–ერთი დამაარსებელი. მისი თაოსნობით დაარსდა თბილისის სამედიცინო ინსტიტუტის საფაკულტეტო კლინიკა. საქართველოში კლინიკური ქირურგიის ერთ–ერთი ფუძემდებელია. შეისწავლა ფარისებრი ჯირკვლის, ჭიანაწლავის, სწორი ნაწლავის კიბოს, კუჭისა და თორმეტგოჯა ნაწლავის წყლულოვანი დაავადების, სახსრების ქირურგიის პათოლოგიისა და სხვა საკითხები. გამოცემული აქვს სახელმძღვანელოები სამედიცინო ქირურგიის სხვადასხვა სფეროში.

[[1927]] წელს იყო [[თბილისის სახელმწიფო უნივერსიტეტი]]ს სამედიცინო ფაკულტეტის დეკანი. ამასთანავე [[1929]]-[[1930]] წლებში მუშაობდა უნივერსიტეტის რექტორის მოადგილედაც. 

[[1934]]-[[1935]] წლებში იყო საქართველოს ექიმთა საზოგადოების ქირურგიული სექციის თავმჯდომარე. 1936 წელს დაინიშნა საქართველოს მედინსტიტუტის პოლიტექნიკური ფაკულტეტის დეკანად. ამავდროულად ის იყო ჯანსახკომთან არსებული სამეცნიერო საბჭოს წევრი. იყო ამიერკავკასიის ქირურგთა ორივე ყრილობის საორგანიზაციო კომიტეტის წევრი.

1929 წლიდან იყო საქართველოს ცაკის წევრობის კანდიდატი, ხოლო 1931 წლიდან მისი წევრი. 1937 წელს ა. მაჭავარიანი დანიშნულ იქნა საქართველოს ჯანმრთელობის დაცვის სახალხო კომისრის მოადგილედ.

[[1937]] წლის 12 დეკემბერს არჩეულ იქნა [[სსრკ-ის I მოწვევის უმაღლესი საბჭოს დეპუტატების სია|სსრ კავშირის უმაღლესი საბჭოს I მოწვევის დეპუტატად ეროვნებათა საბჭოში]] (აჭარის ასსრ-ის ჩაქვის №292 საარჩევნო ოლქიდან).

==ჯილდოები, პრემიები და პრიზები==
* 1939 — საქართველოს სსრ მეცნიერების დამსახურებული მოღვაწე
* შრომის წითელი დროშის ორდენი

==ლიტერატურა==
*[https://iverieli.nplg.gov.ge/bitstream/1234/284969/1/Komunisti_1937_N260.pdf გაზ. „კომუნისტი“, №260 (5061), 15 ნოემბერი, 1937]

==რესურსები ინტერნეტში==
* [http://www.nplg.gov.ge/bios/ka/00001191/ ბიოგრაფიული ლექსიკონი — ალექსანდრე მაჭავარიანი] — ''საქართველოს პარლამენტის ეროვნული ბიბლიოთეკა''

{{DEFAULTSORT:მაჭავარიანი, ალექსანდრე}}
[[კატეგორია:დაბადებული 4  თებერვალი]]
[[კატეგორია:დაბადებული 1884]]
[[კატეგორია:გარდაცვლილი  21 აპრილი]]
[[კატეგორია:გარდაცვლილი 1941]]
[[კატეგორია:ქართველი ექიმები]]
[[კატეგორია:მაჭავარიანები|ალექსანდრე]]
[[კატეგორია:ქართველი ქირურგები]]
[[კატეგორია:ქართველები პირველ მსოფლიო ომში]]
[[კატეგორია:სსრკ-ის I მოწვევის უმაღლესი საბჭოს დეპუტატები]]