იხილეთ წყარო გვერდისთვის ამფიოქსუსი

[[ფაილი:Branchiostoma_lanceolatum.jpg|მინი|250პქ|ამფიოქსუსი]]
'''ამფიოქსუსი''' (Branchiostoma lanceolatum) — ცხოველი [[უქალოები|უქალოების]] ქვეტიპისა. ნახევრად გამჭვირვალე, 5-8 სმ-მდე სიგრძის სხეული აქვს. თავის ნაწილი სხეულისაგან არ არის გამოყოფილი. მუცლის მხარეზე ორი მეტაპლევრული ნაოჭი აქვს, საღერძე ჩონჩხად - [[ქორდა]]. ცენტრალური ნერვული სისტემა პრიმიტიული აგებულებისაა. ნერვული მილის წინა ნაწილში სინათლის შემგრძნობი უჯრედები - ჰესეს თვალუკებია განლაგებული. პირის ხვრელი ძაფისებრი მორჩილებით შემოვლებულ ძაბრის ფსკერზე აქვს. წაგრძელებული ნაწლავი დიფერენცირებული არ არის. სისხლის მიმოქცევის სისტემა წარმოდგენილია არტერიებითა და ვენებით. გული არ აქვს. სისხლი უფერულია. გამომყოფი ორგანოები [[ნეფრიდიები|ნეფრიდიებია]]. ამფიოქსუსი განსხვავებულსქესიანია. სასქესო ჯირკვლები - გონადები 26 წყვილამდე აქვს. ვითარდება მეტამორზით. იკვებება მიკროსკოპული ორგანიზმებით. გვხვდება ზომიერი და თბილი სარტყლების ზღვებში, შავ ზღვაში (სევასტოპოლსა და ნოვოროსიისკთან). ამფიოქსუსის ემბრიონული განვითარება ადასტურებს ნათესაურ კავშირს, ერთი მხრით, [[გარსიანები|გარსიანებთან]], მეორე მხრით, [[ხერხემლიანები|ხერხემლიანებთან]].

== ლიტერატურა ==

* ქსე, ტ. 1, გვ. 414, თბ., 1975

[[კატეგორია:უქალოები]]