იხილეთ წყარო გვერდისთვის გაგრის საუბრები

'''„გაგრის საუბრები“''' — ქართველი აკადემიკოსის [[ივანე ბერიტაშვილი]]ს ინიციატივით დაარსებული [[ფიზიოლოგია|ფიზიოლოგიური]] (ნეიროფიზიოლოგიური) კონფერენციები [[საქართველო]]ს ქალაქ [[გაგრა]]ში. 

კონფერენცია დაარსდა [[1948]] წელს, რომელიც მიიზიდავდა სპეციალისტთა ვიწრო წრეს [[ნეიროფიზიოლოგია|ნეიროფიზიოლოგიის]]
ყველაზე მეტად აქტუალურ საკითხებზე მსჯელობისათვის. საბოლოოდ ამ კონფერენციებმა „გაგრის საუბრების“ სახელწოდება მიიღო. 
სპეციალისტების წრე მოიცავდა იმ დროისთვის მსოფლიოში ცნობილ ნეიროფიზიოლოგებს [[ევროპა|ევროპის]] სხვადასხვა ქვეყნებიდან, [[აშშ|ამერიკის შეერთებული შტატებიდან]], ყოფილი [[საბჭოთა კავშირი]]ს თითქმის ყველა წამყვანი სამეცნიერო დაწესებულებიდან.

[[1958]] წლის [[იანვარი|იანვარში]] მოეწყო III „გაგრის საუბრები“, საერთაშორისო მონაწილეობით. 

[[1969]] წელს ივანე ბერიტაშვილის თავჯდომარეობით ჩატარდა VI გაგრის საუბრები, რომელიც მეხსიერების პრობლემას მიეძღვნა. 
გაგრის საუბრებმა მნიშვნელოვანი როლი ითამაშა საბჭოთა ფიზიოლოგიის განვითარებაში, და მისი ეს სასიკეთო გავლენა, უთუოდ, როგორც აღნიშნა უკრაინის მეცნიერებათა აკადემიის აკადემიკოსმა [[დანიელ ვორონცოვი|დანიელ ვორონცოვმა]], ივანე ბერიტაშვილის მეცნიერული და ორგანიზატორული მოღვაწეობის შედეგია.<ref>Воронцов Даниил Семенович, Гагрские беседы, „Наука“, М., 1968, გვ. 10</ref>

1948–1972 წლებში საქართველოს მეცნიერებათა აკადემიის ეგიდით [[გაგრა]]ში სულ 6 ასეთი კონფერენცია ჩატარდა. ივანე ბერიტაშვილის გარდაცვალების შემდეგ კონფერენცია მხოლოდ ორჯერ ჩატარდა. [[1990]]-იანი წლებში აფხაზეთში განვითარებული მოვლენების შედეგად კონფერენცია აღარ ჩატარებულა.  

== გაგრის საუბრების აღორძინება ==
საყურადღებოა, რომ 2010 წელს შოთა რუსთაველის ეროვნული სამეცნიერო ფონდის დაფინანსებით ივანე ბერიტაშვილის სახელობის ფიზიოლოგიის ინსტიტუტში გაიმართა საერთაშორისო კონფერენცია IX „გაგრის საუბრები“, რომელიც უცვლელად მიეძღვნა ნეიროფიზიოლოგიის კარდინალურ საკითხებს. განახლებულ კონფერენციას ესწრებოდნენ აკადემიკოსი [[ვაჟა ოკუჯავა]], პროფესორი [[ნარგიზ ნაჭყებია]], აკადემიკოსი [[ფრიდონ თოდუა]] და სხვა. კონფერენციას ესწრებოდნენ ასევე უცხოელი მკვლევრებიც.<ref>{{cite web | url = http://www.rustaveli.org.ge/index.php?module=topic&page=detals&topic_id=18&id=517 | title = გაგრის საუბრების განახლება | work = www.rustaveli.org.ge | accessdate = [[19 ოქტომბერი|ოქტომბერი 19]], [[2010]] | archiveurl = https://web.archive.org/web/20111208201723/http://www.rustaveli.org.ge/index.php?module=topic&page=detals&topic_id=18&id=517 | archivedate = 2011-12-08 }}</ref>

== იხილეთ აგრეთვე ==
* [[ივანე ბერიტაშვილი ]]

== რესურსები ინტერნეტში ==
* [http://www.mgzt.ru/article/1104/ Медицинская газета - Страницы истории] {{Webarchive|url=https://web.archive.org/web/20110707115646/http://www.mgzt.ru/article/1104/ |date=2011-07-07 }}

== ლიტერატურა ==
* Д. С. Воронцов., Гагрские беседы, „Наука“, М., 1968;
* [[ივანე ბერიტაშვილი]], ბიობიბლიოგრაფია, „მეცნიერება“, თბ., 1977. 

== სქოლიო ==
{{სქოლიო}}

[[კატეგორია:ფიზიოლოგია]]