იხილეთ წყარო გვერდისთვის გარდატენის წმინდა ნინოს ეკლესია

[[ფაილი:Gardatnis wminda ninos eklesia.jpg|300px|მინი|გარდატნის წმინდა ნინოს ეკლესია]]
'''გარდატენის წმინდა ნინოს ეკლესია''' – ეკლესია [[გორის მუნიციპალიტეტი]]ს სოფელ [[გარდატენი]]ს მახაანთ უბანში, თარიღდება გვიანდელი ფეოდალური ხანით. 

[[დარბაზული ეკლესია|ეკლესია დარბაზულია]] (7,65 X 5,6 მ), ნაგებია ქვიშაქვის კვადრებით (წყობა ირეგულარულია). ეკლესიას ორი შესასვლელი აქვს: სამხრეთ კედლის დასავლეთ ნაწილში და ჩრდილოეთ კედლის აღმოსავლეთ ნაწილში. ორივე შესასვლელი სწორკუთხაა, გარედან გადახურულია [[არქიტრავი]]თ. ნახევარწრიული [[აფსიდი]] დარბაზისგან გამოყოფილია მცირე შვერილი მხრებითა და ქვის [[კანკელი]]თ. აფსიდის ღერძზე სწორკუთხა სარკმელია, რომლის ქვემოთ, კედელთან, ქვით ნაწყობი სატრაპეზო დგას. სარკმლის ორივე მხარეს მცირე სწორკუთხა ნიშებია. ეკლესიის სამხრეთ კედელში კიდევ ერთი სარკმელია, რომელიც ორივე მხრიდან დახურულია ბრტყელი ქვის ფილით. ეკლესიას სამხრეთით და ჩრდილოეთით მინაშენები ჰქონია.

==ლიტერატურა==
* საქართველოს ისტორიისა და კულტურის ძეგლთა აღწერილობა, ტ.5, თბ., 1990.

{{გორის მუნიციპალიტეტის ტაძრები}}

[[კატეგორია:გორის მუნიციპალიტეტის ტაძრები]]
[[კატეგორია:წმინდა ნინოს სახელობის ეკლესიები]]