იხილეთ წყარო გვერდისთვის გეოფიზიკა

[[ფაილი:Magnetosphere rendition.jpg|right|მინი|270პქ|მაგნიტოსფეროდან მზისმიერი ქარის გადახრა]]
[[ფაილი:Thorium decay chain from lead-212 to lead-208.svg|მინი|270პქ|რადიოაქტიური ჯაჭვის დაშლის მაგალითი]]
'''გეოფიზიკა''' — [[მეცნიერება]]თა კომპლექსი, რომელიც შეისწავლის მთლიანად [[დედამიწა|დედამიწის]] ფიზიკურ თვისებებსა და მის მყარ, თხევად და აირის გარსებში მიმდინარე ფიზიკურ პროცესებს. გეოფიზიკა განეკუთვნება დედამიწის შემსწავლელ მეცნიერებათა ჯგუფს და ფართოდ სარგებლობს კვლევის ფიზიკური და მათემატიკური მეთოდებით. გეოფიზიკა იყოფა სამ დიდ ნაწილად: დედამიწის ფიზიკა (იგულისხმება დედამიწის მყარი ნაწილი), ჰიდროფიზიკა, ატმოსფეროს ფიზიკა, რომლებიც თავის მხრივ, მოიცავენ ცალკეულ გეოფიზიკურ დისციპლინებს; გამოყენებით გეოფიზიკას განეკუთვნება ძიების გეოფიზიკური მეთოდები, რომლებითაც ბუნებრივ და ხელოვნურ ფიზიკურ ველებზე დაკვირვების გზით იკვლევენ [[დედამიწის ქერქი]]სა და მისი შიგნეთის აგებულებას, [[სასარგებლო წიაღისეული]]ს საბადოებს და საინჟინრო გეოლოგიის საკითხებს. 

თანამედროვე გეოფიზიკა დიდი როლს თამაშობს [[დედამიწა|დედამიწის]] შინაგანი აგებულებისა და ფიზიკური თვისებების შესწავლის საქმეში. დედამიწის შედარებით დიდი სიღრმეები უშუალო დაკვირვებისათვის (სამთო გამონამუშევრებით, [[ბურღვა|ბურღვით]]) პრაქტიკულად მიუწვდომელია. გეოფიზიკური დაკვირვებები კი ისეთ მასალას გვაწვდის, რომლის ანალიზი საშუალებას იძლევა საკმაოდ სარწმუნო წარმოდგენა ვიქონიოთ დედამიწის შინაგან აგებულებასა და მასში მიმდინარე ფიზიკურ პროცესებზე.

დედამიწის ფიზიკის ძირითადი დარგებია: [[დედამიწის მაგნეტიზმი]], რომელიც შეისწავლის [[დედამიწა|დედამიწის]] მაგნიტურ ველს, მის სივრცობრივ განაწილებას და დროში ვარიაციებს; [[სეისმოლოგია]] სწავლობს [[მიწისძვრა|მიწისძვრების]] წარმოქმნის მიზეზებსა და პირობებს, მათ გამოვლინებას დედამიწის ზედაპირზე, სეისმური (დრეკადი) ტალღების ბუნებასა და დედამიწის წიაღში მათ გავრცელებას, მიწისძვრის კერებში მიმდინარე პროცესებს, [[დედამიწის ქერქი]]ს სუსტ რყევებს, ანუ მიკროსეისმებს. 

მიწისძვრების თანამგზავრ მოვლენებს, სეისმოლოგიური დაკვირვებები ძირითადად სტაციონარულ სეისმურ სადგურებში მიმდინარეობს, ხოლო ცალკეულ მძლავრ მიწისძვრებს, მათ ნგრევით მოქმედებას და [[დედამიწის ქერქი|დედამიწის ქერქში]] მომხდარ დეფორმაციებს საგანგებოდ სწავლობენ. 

[[დედამიწა|დედამიწის]] სეისმურობის შესწავლას დიდი სახალხო-სამეურნეო მნიშვნელობა აქვს მშენებლობის რაციონალურად წარმართვისათვის (სეისმომედეგი ანუ ანტისეისმური მშენებლობა). სეისმური დაკვირვებები საშუალებას იძლევა წარმოდგენა ვიქონიოთ [[დედამიწის ქერქი]]სა და მისი შიგნეთის აგებულებაზე. 

==რესურსები ინტერნეტში== 
* [http://www.britannica.com/EBchecked/topic/229918/geophysics გეოფიზიკა – ენციკლოპედია ბრიტანიკა] {{en}}

==ლიტერატურა==
{{ქსე|3|89-90|}}

{{გეოლოგია}}
{{დედამიწის მეცნიერებები}}

[[კატეგორია:გეოფიზიკა]]
[[კატეგორია:გეოლოგია]]