იხილეთ წყარო გვერდისთვის გულანი (A-30)

'''გულანი''' (A-30) — [[XVII საუკუნე|XVII საუკუნის]] ქართული ხელნაწერი წიგნი, [[გულანი]] — ორიგინალური ქართული კრებული, რომელიც ყველა საღვთისმსახურო ხელნაწერს შეიცავს. ეკლესიაში იკითხებოდა მთელი წლის განმავლობაში. ეს ხელნაწერი გადაწერილია [[1681]] წელს, კათალიკოს ნიკოლოზ ამილახვრიშვილის დაკვეთით. გადამწერები არიან მიქაელი, საბა და აბელი. 

საწერ მასალად გამოყენებულია [[ქაღალდი]]. შეიცავს 345 ფურცელს, რომელთა ზომებია 35X24 [[სანტიმეტრი]]. ნაწერია [[ნუსხური]] დამწერლობით, ყავისფერი მელნით. საზედაო ასოები და სათაურები შესრულებულია მთავრულითა და სინგურით. 

ხელნაწერი მოხატულია, ტექსტისა და ხელნაწერის კიდეებზე უხვადაა წმინდათა გამოსახულებები, ასევე სცენები ცნობილი საუფლო დრესასწაულებიდან.

გულანის ეს ხელნაწერი დღეს საქართველოს [[ხელნაწერთა ეროვნული ცენტრი]]ს A ფონდშია დაცული (A-30).

== ლიტერატურა ==
* ქართული ხელნაწერი წიგნი, V-XIX საუკუნეები, თბილისი, 2012, გვ. 90

[[კატეგორია:ქართული სასულიერო ხელნაწერები]]
[[კატეგორია:ხელნაწერთა ეროვნული ცენტრის A ფონდი]]