იხილეთ წყარო გვერდისთვის დაგლას ბეიდერი

{{გასწორება}}
[[სურათი:Douglas-Bader-on-wingLG.jpg|thumb|right|Douglas Bader, 1940]]
'''დაგლას რობერტ სტიუარტ ბეიდერი''' ([[1910]]–[[1982]]) — [[მეორე მსოფლიო ომი]]ს გმირი.

== ადრეული წლები ==
დაგლას ბეიდერი დაიბადა [[ლონდონი|ლონდონში]] [[1910]] წელს. ბიძამისი სირილ ბერჯი [[პირველი მსოფლიო ომი]]ს დროს ბრიტანეთის სამეფო–საჰაერო კორპუსის [[პილოტი]] იყო. ახალგაზრდა ბეიდერი [[კრენუელის სამეფო–საჰაერო სკოლა]]ში შევიდა. გულდასმით სწავლასთან ერთად კარგი სპორტსმენიც იყო — [[კრიკეტი|კრიკეტსა]] და რაგბიში სამხედრო–საჰაერო ძალების ნაკრებში თამაშობდა.

[[1930]] წელს, სკოლის წარმატებით დამთავრების შემდეგ, დაგლასი კენლის 23–ე ესკადრილიაში გაგზავნეს, სადაც ძალიან მალე უმაღლესი პილოტაჟის ოსტატის წოდება მოიპოვა. მას განსაკუთრებით კარგად გამოსდიოდა უმაღლესი საპილოტაჟო ფიგურა ,,კასრის" შესრულება, თანაც წარმოუდგენლად დაბალ 15 [[მ|მეტრ]] სიმაღლეზე. მისი ეს მიღწევა დღესაც დაუძლეველია მსოფლიოს სხვადასხვა ქვეყნის ექსტრაკლასის პილოტებისათვის.

== უბედური შემთხვევა ==
ესკადრილიაში ჩარიცხვიდან ერთი წლის შემდეგ, სავარჯიშო ფრენისას ბეიდერის [[ბიპლანი]]ს ფრთა მიწას წამოედო. თვითმფრინავი მიწაზე დაენარცხა და ნამსხვრევებად იქცა. მფრინავი გადაარჩინეს, ექიმებს მისთვის სიცოცხლის შესანარჩუნებლად ორივე [[ფეხი]]ს მოკვეთა მოუხდათ: ერთი მუხლზევით, მეორე ქვემოთ.

== გამოჯანმრთელება ==
ბეიდერი გამოჯანმრთელდა, მაგრამ როცა გაიგო, ინვალიდად იქცა, თავის მოკვლა სცადა. ამ შემთხვევამ სამეფო სამხედრო–საჰაერო ძალების ხელმძღვანელობის ყურადღება მიიპყრო და უფროსობამ უპრეცედენტო გადაწყვეტილება მიიღო – ბეიდერს ნება დართეს სამეფო ავიაციის შემადგენლობაში დარჩენილიყო, თუმცა მხოლოდ ხმელეთზე სამუშაოებისათვის.

ექიმებმა მისთვის პროთეზები დაამზადეს და დაგლასმა თავიდან ისწავლა სიარული. ნახევარი წლის შემდეგ იგი უკვე მყარად იდგა "ახალ" [[ფეხი|ფეხებზე]] და სწავლობდა [[ავტომანქანა|ავტომანქანის]] მართვას,მეუღლესთან – ტელმასთან ცეკვას და თვითმფრინავის მართვას.

[[1932]] წელს ბეიდერმა გადაწყვიტა, რა თქმა უნდა, არაოფიციალურად – [[ბიპლანი]]თ საკონტროლო გაფრენა შეესრულებინა. მისი მეგობარი, რომელიც უკანა კაბინაში იჯდა, თვალს ადევნებდა ბეიდერს აფრენიდან დაჯდომამდე. ამ შემთხვევიდან ცოტა ხნის შემდეგ გმირმა მფრინავმა ოფიციალური პირებისაგან მისი ფრენის ტექნიკის შემოწმობა მოითხოვა. გამოცდამ ბრწყინვალედ ჩაიარა და ბეიდერი ისევ მოავლინეს პილოტაჟის ცენტრალურ სკოლაში, მომდევნო გაფრენაც წარმატებით დასრულდა, მაგრამ სამხედრო ექიმები კატეგორიულები იყვნენ: უფეხო არ შეიძლებოდა სამხედრო მფრინავი ყოფილიყო.


{{DEFAULTSORT:ბერიდერი, დაგლას}}
[[კატეგორია:ბრიტანელი სამხედრო მოღვაწეები]]
[[კატეგორია:დაბადებული 1910]]
[[კატეგორია:გარდაცვლილი 1982]]