იხილეთ წყარო გვერდისთვის დედა-სომხეთი

[[ფაილი:Mother Armenia, Yerevan, Day.jpg|thumb|280px|right|დედა სომხეთი, მონუმენტი დგას გამარჯვების პარკში, აზათუთიანი გამზირზე (კასკადთან), ერევანი, სომხეთი]]
'''დედა-სომხეთი''' ({{lang-hy|Մայր Հայաստան}}) — [[საბჭოთა კავშირი]]ს [[მეორე მსოფლიო ომი|მეორე მსოფლიო ომში]] გამარჯვების აღსანიშნავად დადგმული ქანდაკება [[ერევანი|ერევანში]], [[სომხეთი|სომხეთში]]. მონუმენტის სიმაღლეა 50 მეტრი, აქედან 23 მეტრი თვით ქანდაკების სიმაღლეა. მდებარეობს ახტანაკის (გამარჯვების) პარკში, ქალაქის ცენტრში.

მონუმენტის კვარცხლბეკი აგებულია [[1950]] წელს არქიტექტორ [[რაფაელ ისრაელიანი]]ს მიერ და შესრულებულია გრანიტით, გამოყენებულია ეროვნული ორანამენტების მოტივები. თავდაპირველად ამ კვარცხლბეკზე აღმართული იყო [[სტალინი]]ს ქანდაკება (მოქანდაკე [[სერგეი მერკუროვი]]), რომელიც [[1962]] წელს ჩამოიღეს. ქანდაკება „დედა-სომხეთი“ აიგო [[1967]] წელს მოქანდაკე [[არა არუთიუნიანი]]ს მიერ, შესრულებულია ჭედური [[სპილენძი]]თ და ის სამშობლოს ძლიერებას განასახიერებს. ქანდაკება გამოსახავს დედას, რომელიც ხმალს ქარქაშში აგებს. მას ფერხთით ფარი უდევს. ფიგურას სტილიზებული ფორმის ხელები და ტანსაცმლის მკაცრი ნაკვთები აქვს. მონუმენტის ქვედა ნაწილში მოთავსებულია თავდაცვის სამინისტროს მუზეუმი, რომელშიც მეორე მსოფლიო და [[ყარაბაღის ომი|ყარაბაღის ომების]] დროინდელი ექსპონატებია გამოფენილი: გმირების პირადი ნივთები, იარაღი, დოკუმენტები და პორტრეტები. კვარცხლბეკის ირგვლივ გამოფენილია იმ პერიოდის შეიარაღების ნიმუშები.

== რესურსები ინტერნეტში ==
* [http://www.atb.am/en/armenia/sights/monuments/MotherArmenia/ Victory Monument (Mother Armenia)]. atb.am {{en icon}}

{{ერების პერსონიფიკაცია}}
{{ერევნის ღირშესანიშნაობები}}

[[კატეგორია:ერევნის შენობა-ნაგებობები]]