იხილეთ წყარო გვერდისთვის ვენის ხელოვნების ისტორიის მუზეუმი

{{ინფოდაფა მუზეუმი}}
'''ხელოვნების ისტორიის მუზეუმი''' ([[გერმ.]] Kunsthistorisches Museum) [[ვენა|ვენაში]], [[ავსტრია]], რინგშტრასეზე მდებარეობს და ერთ-ერთი წამყვანი სახვითი და დეკორატიული ხელოვნების მუზეუმია მსოფლიოში.

მუზეუმი გახსნა [[1891]] წელს ბუნების ისტორიის მუზეუმთან (Naturhistorisches Museum) ერთად ავსტრო-უნგრეთის იმპერატორ [[ფრანც იოზეფ I]]-ის მიერ. ორივე მუზეუმს იდენტური ფასადი აქვს და ერთმანეთს უყურებს მარია-ტერეზიენ-პლაცზე. ორივე შენობა აიგო 1872-91 წლებში გოტფრიდ სემპერისა და კარლ ფრაიჰერ ფონ ჰაზენაუერის პროექტით.

რინგშტრასეზე მდებარე ორივე მუზეუმი იმპერატორის ხაზინიდან დაფინანსდა ჰაბსბურგის ვრცელი კოლექციის საზოგადოებისთვის გამოფენის მიზნით. შენობების ფასადები ქვიშანარევი ქვით არის მოპირკეთებული. შენობები მართკუთხა ფორმისაა და თავზე 60 მეტრი სიმაღლის [[ოქტაგონი|ოქტაგონალური]] გუმბათი ადგას. შენობების ინტერიერი მოპირკეთებულია მარმარილოთი, შტუკოს ორნამენტებით, ოქროთი მოვარაყებული და მოხატული, რაც შენობებს თავად ხელოვნების მინუშად ხდის.

== მუზეუმის კოლექცია ==
[[ფაილი:Raffael 030.jpg|thumbnail|"მადონა მწვანეში", [[რაფაელი]].]]
[[ფაილი:Pieter Bruegel the Elder - The Tower of Babel (Vienna) - Google Art Project - edited.jpg|thumbnail|"[[ბაბილონის გოდოლი (ნახატი)|ბაბილონის გოდოლი]]", [[პიტერ ბრეიგელი]].]]
[[ფაილი:Diego Velázquez 027.jpg|thumbnail|"ინფანტა მარგარიტა ტერეზე ლურჯ კაბაში", [[ველაზკესი]].]]
მუზეუმის ძირითადი კოლექცია ჰაბსბურგთა ქონებაა, განსაკუთრებით ფერდინანდ ტიროლელის პორტრეტთა და საჭურვლის კოლექციები, იმპერატორ [[რუდოლფ II]]-ის კოლექციები, და ასევე არქიეპისკოპოს ლეოპოლდ ვილჰელმის ფერწერულ ტილოთა კოლექცია.

ნახატთა გალერეის ყველაზე მნიშვნელოვანი ნამუშევრებია:
* იან ვან ეიკი: "კარდინალი ნიკოლო ალბერგატი", 1438.
* [[დიურერი, ალბრეხტ|ალბრეხტ დიურერი]]: "სამების გაბრწყინება", 1511.
* ჯუზეპე არკიმბოლდო: "ზაფხული", 1563.
* მიქელანჯელო მერისი და კარავაჯიო: "როზენკრანცის მადონა", 1606.
** "ეკლის გვირგვინით შემოსვა".
** "დავით გოლიათის თავით".
* პეტრე პავლე რუბენსი: "ილდეფონსოს საკურთხეველი", 1630.
* [[რაფაელი]]: "მადონა მწვანეში", 1506.
* [[ვერმეერი, იოჰანეს|იოჰანეს ვერმეერი]]: "ხელოვანი საკუთარ სტუდიაში", 1665.
* პიტერ ბრიუგელ უფროსი: "ბაბილონის გოდოლი", 1563.

მუზეუმის ერთ-ერთი უმნიშვნელოვანესი სკულპტურა, [[ჩელინი, ბენვენუტო|ბენვენუტო ჩელინის]] "სალიერა" 2003 წლის 11 მაისს მოპარულ იქნა. ქანდაკება 2006 წლის 21 იანვარს ახლომდებარე ქალაქ ზვეტლთან ტყეში ყუთში დამარხული იპოვეს. ეს ავსტრიის ისტორიაში უდიდესი ხელოვნების ნიმუშის მოპარვა იყო.

== რესურსები ინტერნეტში ==
* [http://www.khm.at/homeE/homeE.html ოფიციალური საიტი.] {{Webarchive|url=https://web.archive.org/web/20080813181127/http://www.khm.at/homeE/homeE.html |date=2008-08-13 }}

{{კულტურა}}

[[კატეგორია:ვენის კულტურა]]
[[კატეგორია:ავსტრიის მუზეუმები]]