იხილეთ წყარო გვერდისთვის ვია 75

{{ინფოდაფა მუსიკოსი
|სახელი = ვია 75
|სურათი = Via 75.jpg
|სათაური = 
|სურათისზომა =  
|color = 
|ფონი = group_or_band
|ნამდვილისახელი  = 
|მეტსახელი = 
|დაიბადა = 
|დაბადების ადგილი =
|გარდ = 
|გარდ ადგილი =
|წარმოშობა = 
|ინსტრუმენტი = 
|ჟანრი = [[როკ-მუსიკა]]<br />[[ფოლკ-როკი]]<br />[[ფიუჟენი]]<br />[[პოპ-როკი]]
|საქმიანობა = 
|აქტიურობის წლები    = 
|ლეიბლი = [[მელოდია (ფირმა)|მელოდია]]
|ასოციაციები = 
|მეუღლე= 
|საიტი = 
|წევრები = იხ. [[#შემადგენლობა|შემადგენლობა]]
|ყოფილი წევრები  = 
|აღსანიშნავი ინსტრუმენტები = 
}}

'''ვია 75''' — ქალაქ [[თბილისი|თბილისში]] 1975 წელს ჩამოყალიბებული მუსიკალური ანსამბლი. სახელი დაერქვა ჩამოყალიბების წლის მიხედვით.

ანსამბლის შეკრების ინიციატორი იყო [[რობერტ ბარძიმაშვილი]], რომელიც ანსამბლ [[ორერა]]ს 1958-1975 წლებში ხელმძღვანელობდა.

== ისტორია ==

ანსამბლის ძირითადი შემადგენლობა შეიკრიბა [[თბილისის სახელმწიფო კონსერვატორია|თბილისის კონსერვატორიის]] სტუდენტებისგან, რომელთა საშუალო ასაკი 22 წელს შეადგენდა.

საბჭოთა ფირმა „მელოდიის“ მიერ მოგვიანებით გამოცემული იქნა ანსამბლის პირველი ფირფიტა, რომელიც შედგებოდა როგორც თანამედროვე ქართველი კომპოზიტორების სიმღერების, ასევე სხვა ქვეყნების მუსიკოსების კომპოზიციების ქავერ-ვერსიებით. ასევე მნიშვნელოვანი იყო ქართული ხალხური სიმღერების საკუთარი ინტერპრეტაციები, ქართული მრავალხმოვანებისა და მძლავრი რიტმ-სექციის გამოყენებით, რომელიც ფიუჟენის ჟანრს ახასიათებს. [[1976]] წლიდან ანსამბლმა დაიწყო აქტიური საკონცერტო მოღვაწეობა, მონაწილეობდა როგორც გფრ-ის, ასევე გდრ-ის, პოლონეთის, ბულგარეთის, ჩეხოსლოვაკიისა და სხვა ქვეყნების ტერიტორიებზე გამართულ კონცერტებში.

[[1977]] წელს ანსამბლის წევრებმა დადგეს სოსო ბარდანაშვილის როკ-ოპერა „[[ალტერნატივა (როკ-ოპერა)|ალტერნატივა“]], [[რობერტ სტურუა]]ს რეჟისურით.

[[1978]] წელს ორკესტრ „რეროდან“ ანსამბლში გადავიდა ბესიკ კალანდაძე. მნიშვნელოვანია სიმღერები მისი ვოკალით — „ტირიფები“, „თეთრი ღამე“, „გიორგობისთვე“ და სხვები.

[[1979]] წელს ანსამბლი გამოვიდა [[იალტა]]ში, სოციალისტური თანამეგობრობის ქვეყნების სიმღერების შესრულების I საკავშირო კონკურსზე და სიმღერის „აფრო-კუბური რიტმები“ შესრულებით მიიღო ლაურეატის წოდება. მოგვიანებით ეს სიმღერა გამოიცა ფირფიტაზე „სოციალისტური თანამეგობრობის ქვეყნების სიმღერების შესრულების საკავშირო კონკურსი 1979“.

[[1980]] წელს, ფესტივალზე „[[თბილისის როკ-ფესტივალი (1980)#გრამფირფიტა|თბილისი-80“]] კოლექტივმა III ადგილი დაიკავა, სიმღერის „სამშობლო“ წარდგენით, რომელიც აგებული იყო სუიტის სახით, რომელშიც ინსტრუმენტული ნომრები სრულდებოდა ვოკალურებთან ერთად (სიმღერა შეტანილი იქნა [[1981]] წელს გამოცემულ ფირფიტაზე ''[[თბილისის როკ-ფესტივალი (1980)|ფესტივალის „გაზაფხულის რიტმები. თბილისი-80“ ლაურეატები]]'').

[[1981]] წელს გამოვიდა ანსამბლის მეორე ალბომი, რომელსაც „სიხარულის რიტმი“ ეწოდა. მის ჩაწერაში თავის გარდაცვალებამდე მონაწილეობა მიიღო ცნობილმა ჯაზ-პიანისტმა [[ვაგიფ მუსტაფა-ზადე]]მ. ამავე წელს ანსამბლმა მაყურებელს შესთავაზა ახალი პროექტი „რეტრო“, რომლის ავტორიც იყო რობერტ ბარძიმაშვილი, ამ პროექტში გაიბრწყინეს ანსამბლის ახალმა წევრებმა — [[ბესიკ კალანდაძე]]მ, [[კობა ბეჟიტაშვილი|კობა ბეჟიტაშვილმა]], [[თემურ რევაზიშვილი|თემურ რევაზიშვილმა]] და სხვებმა. ანსამბლისთვის ახალი სიმღერების შექმნისთვის დაკავდნენ ახალგაზრდა კომპოზიტორები — [[ნუგზარ ერგემლიძე]], [[ავთო შარვაძე]], [[ზურაბ მანაგაძე]], [[ვაჟა დურგლიშვილი]], [[ნანა დაუშვილი]].

[[1983]] წელი აღინიშნა ფირფიტის „[[ვარსკვლავთცვენა (ალბომი)|ვარსკვლავთცვენა“]] გამოცემით. ამ ფირფიტაზე წინა ალბომებთან შედარებით აღარ იყო მხოლოდ ინსტრუმენტული ნომრები და ქავერ-ვერსიები. 1984 წელს კი გამოვიდა უკანასკნელი ალბომი, „[[ფეხზე დაგიდგები ჩემო საქართველო!]]“.

წლების მანძილზე კოლექტივი დაშლილი იყო. ბესიკ კალანდაძე საკუთარ სიმღერებს წერდა. სოლო-შემოქმედებას მიჰყვებოდნენ ჯგუფის სხვა წევრებიც — [[რომან რცხილაძე]], [[გოჩა ლორია]], რობერტ ბარძიმაშვილი და სხვები.

რობერტ ბარძიმაშვილი [[2003]] წელს, 69 წლის ასაკში გარდაიცვალა.

მრავალწლიანი პაუზის შემდეგ ანსამბლის წევრები ერთად პირველად გამოჩნდნენ გადაცემა „[[პროფილი (გადაცემა)|პროფილში“]], სადაც შეასრულეს მათი ცნობილი სიმღერა „ბაკურიანი“ (ტელეჩანაწერში გადაიცა ორიგინალური ჩანაწერის ფონოგრამა).

[[2011]] წლის 4 დეკემბერს თბილისის ფილარმონიის დიდ საკონცერტო დარბაზში შედგა ანსამბლის დარჩენილი შემადგენლობის საიუბილეო კონცერტი, რომლის ფინალში ფილარმონიის შენობის წინ გაიხსნა მათი სახელობის ვარსკვლავი.

2012 წლის 23 თებერვალს გარდაიცვალა [[თემურ რევაზიშვილი]]<ref>http://news.boom.ge/geo/7/20120226/1541775/{{Dead link|date=იანვარი 2021 |bot=InternetArchiveBot }}</ref>. აღდგენილმა ანსამბლმა მის გარეშე, 2012 წლის ზაფხულში, [[ბათუმი|ბათუმში]] ტურნე დაიწყო.<ref>http://www.ajaratv.ge/ge/?page=shownews&id=42505{{Dead link|date=სექტემბერი 2021 |bot=InternetArchiveBot }}</ref>

== შემადგენლობა ==

სხვადასხვა დროს ანსამბლში მონაწილეობდნენ:

=== ანსამბლის სრული შემადგენლობა 1975-86 ===
* [[რობერტ ბარძიმაშვილი]] - ხელმძღვანელი
* [[ბესიკ კალანდაძე]] - ბას გიტარა, ვოკალი, არანჟირება
* კობა ბეჟიტაშვილი - კლავიშები, ვოკალი
* თეიმურაზ რევაზიშვილი - ვოკალი
* მიხეილ ფოფხაძე - ბას გიტარა, გიტარა, ვოკალი
* [[უჩა კორძაია]] - ვოკალი, ფლეიტა, საქსოფონი, დასარტყმელი საკრავები
* არჩილ სიმონიშვილი - ვოკალი, ბას-გიტარა, დასარტყმელი საკრავები 
* რომან რცხილაძე - ვოკალი, როიალი, ორღანი, ვიბრაფონი, არანჟირება 
* ვალერი კონდახჩიანი - ვოკალი, დასარტყმელი საკრავები, როიალი, ბას-გიტარა, საყვირი 
* გოჩა ლორია - ვოკალი, გიტარა, დასარტყმელი საკრავები 
* არჩილ ასლანიშვილი - ვოკალი, გიტარა 
* დავით ჯანელიძე - ვოკალი, ტრომბონი, გიტარა, ბას-გიტარა, დასარტყმელი საკრავები 
* გარი მოდებაძე - ვოკალი, საყვირი
* ირაკლი კალანდაძე - გიტარა
* თამაზ სიჭინავა - სინთეზატორი, ელექტრო პიანინო, არანჟირება, საყვირი
* ენვერ ხმიროვი - საყვირი
* სარქის პაპაზიანი - საყვირი
* თამაზ ნიკოლაძე - ვიოლინო, საყვირი
* გია სალაღიშვილი - დასარტყმელი საკრავები
* ირაკლი მენთეშაშვილი - კლავიშებიანი ინსტრუმენტები, ვოკალი
* რამაზ ბზიშვილი - ტრომბონი, ვოკალი
* ნოდარ ოსტატიშვილი - დასარტყმელი საკრავები
* დათო ჯაფარიძე-პერკუსია, დასარტყმელი ინსტრუმენტები
* ვლადიმერ გრიადუნოვი - საყვირი
* ჯონი მაისურაძე-ბას გიტარა
* ჯუტი ხელაშვილი - ვოკალი
* მერაბ სეფაშვილი - ვოკალი
* თემურ თათარაშვილი - ვოკალი
* ლევან ლაზარიშვილი - ვოკალი

== დისკოგრაფია ==

===ალბომები===

====სტუდიური ალბომები====

* 1976 — [[ოროველა (ალბომი)|ოროველა]] — ჩაწერილია 1975 წელს
* 1981 — [[სიხარულის რიტმი]] — ჩაწერილია 1979 წელს
* 1983 — [[ვარსკვლავთცვენა (ალბომი)|ვარსკვლავთცვენა]] — ჩაწერილია 1982 წელს
* 1984 — [[ფეხზე დაგიდგები ჩემო საქართველო!]] — ჩაწერილია 1983 წელს

====კრებულები ====

* 2011 — საუკეთესო სიმღერები

===სინგლები ===

* 1976 — [[ოროველა (სინგლი)|ოროველა]] - Г62-05511-12
* 1976 — [[დასალოცი (სინგლი)|დასალოცი]] - Г62-05677-8
* 1980 — [[ბაკურიანი (სინგლი)|ბაკურიანი]] - Г62-07911-12
* 1980 — [[ვია-75 (სინგლი)|ვია-75]] - М62-42397-98
* 1981 — [[ქარი (სინგლი)|ქარი]] - Г62-08959
* 1982 — [[ტირიფები (სინგლი)|ტირიფები]] - Г62-09511-12 
* 1982 — [[ნუგზარ ერგემლიძის სიმღერები]] - Г62-09513-4

===კომპაქტ-კასეტები===

* 1980 — [[აფრო-კუბური რითმები]] - СМОО-858 
* 1980 — [[პოპური იშხნელების თემაზე]] - СМОО-855

===კომპაქტ-დისკები===

* 2011 — [[საუკეთესო სიმღერები (ვია 75-ის ალბომი)|საუკეთესო სიმღერები]]

== რესურსები ინტერნეტში ==
* [http://www.sssrviapesni.narod.ru/via75.html ბიოგრაფია საიტზე sssrviapesni.narod.ru].
* [http://www.disc-a.ru/catalog/r_via/75/d.html დისკოგრაფია] {{Webarchive|url=https://web.archive.org/web/20160304072534/http://www.disc-a.ru/catalog/r_via/75/d.html |date=2016-03-04 }}.
* [http://anarekly.blogspot.com/2001/10/blog-post_15.html ჟურნალისტ ლაშა გაბუნიას ინტერვიუ რობერტ ბარძიმაშვილთან].
* [http://www.facebook.com/pages/Via-75-ვია75/289616584427970 მოყვარულთა გვერდი Facebook-ზე]

== სქოლიო ==

{{სქოლიოს სია}}

{{ვია 75}}

[[კატეგორია:ქართული როკ-ჯგუფები]]
[[კატეგორია:1975 წელს ჩამოყალიბებული ჯგუფები]]
[[კატეგორია:ვია 75]]