იხილეთ წყარო გვერდისთვის ილია ჯიშკარიანი

'''ილია ჯიშკარიანი''' (დ. [[იანვარი]], [[1869]], [[ბაში]], [[სამტრედიის რაიონი]] — გ. [[მარტი]], [[1939]]) — [[ქართველები|ქართველი]] პედაგოგი, მათემატიკოსი, საზოგადო მოღვაწე. 

==ბიოგრაფია==
ილია ჯიშკარიანი დაიბადა [[1869]] წლის იანვარში [[სამტრედიის რაიონი]]ს სოფელ [[ბაში|ბაშიში]]. [[1890]] წელს დაამთავრა [[ქუთაისის კლასიკური გიმნაზია]]. უმაღლესი განათლების მისაღებად [[პეტერბურგის უნივერსიტეტი|პეტერბურგის უნივერსიტეტის]] ფიზიკა-მათემატიკის ფაკულტეტზე შევიდა; [[1893]] წელს იგი ორ ამხანაგთან ერთად დააპატიმრეს როგორც პოლიტიკური დამნაშავე; [[1897]] წელს დაამთავრა უნივერსიტეტი. როგორც "პოლიტიკური მეთვალყურეობის ქვეშ მყოფს" მას უფლება არ ჰქონდა მიეღო მასწავლებლის ადგილი; ამ გარემოებამ იგი აიძულა წასულიყო მასწავლებლად შორეულ აღმოსავლეთში, [[ციმბირი|ციმბირში]] და ქალაქ [[ხაბაროვსკის მხარე|ხაბაროვსკის]] რკინიგზის სასწავლებელში დაიწყო მათემატიკის მასწავლებლად მუშაობა; ერთი წლის შემდეგ ინიშნება იმავე სასწავლებლის ინსპექტორად; [[1900]] წელს გადაიყვანეს ამიერ-ბაიკალის ქალაქ ტროიცკოსავსკის რეალური სასწავლებლის ინსპექტორად, სადაც მან 1908 წლამდე იმსახურა; ეწეოდა ინტენსიურ საზოგადოებრივ და ლიტერატურულ მოღვაწეობას; 1908 წელს იგი ახერხებს ამიერკავკასიაში გადმოსვლას და ინიშნება ქალაქ ბაქოში პირველი გიმნაზიის ინსპექტორისა და მათემატიკის მასწავლებლის თანამდებობაზე; [[1917]] წელს პენსიაში გავიდა და [[საქართველო|საქართველოში]] დაბრუნდა; იგი დანიშნეს [[ხაშურის პირველი საჯარო სკოლა|ხაშურის ვაჟთა გიმნაზიის]] (ახლანდელი [[ხაშურის პირველი საჯარო სკოლა|ხაშურის პირველი სკოლა]]) დირექტორად და ქალთა გიმნაზიის პედსაბჭოს თავმჯდომარედ; [[1918]] წლიდან [[თბილისი|თბილისში]] მსახურობდა, ჯერ ავლაბრის მე-5 გიმნაზიის დირექტორად, ხოლო შემდეგ, ტექნიკუმის დირექტორად, სადაც იგი [[1924]] წლამდე მუშაობდა; ამის შემდეგ იგი იყო ლექტორი სხვადასხვა კურსებზე, მასწავლებელი ონსა და თელავში. სიცოცხლის უკანასკნელ წლებში კვლავ თბილისში დაბრუნდა, სადაც მუშაობდა ლექტორად მასწავლებელთა კურსებზე და წითელი არმიისა და ფლოტის სახლში; მუშაობდა მათემატიკის სახელმძღვანელოების შედგენაზე; მისი თავმჯდომარეობით ქართველმა მათემატიკოსებმა შეიმუშავეს ქართული მათემატიკური ტერმინოლოგია.

==ლიტერატურა==
* ლაცაბიძე თ., ნარკვევები ხაშურის რაიონის სახალხო განათლების ისტორიიდან, წიგნი მესამე, ხაშურის პირველი საჯარო სკოლა, ხაშური, 2014.

== რესურსები ინტერნეტში ==
* [http://www.nplg.gov.ge/bios/ka/00006108/ ილია ჯიშკარიანი]

{{DEFAULTSORT:ჯიშკარიანი, ილია}}
[[კატეგორია:დაბადებული 1869]]
[[კატეგორია:გარდაცვლილი 1939]]
[[კატეგორია:ჯიშკარიანები|ილია]]