იხილეთ წყარო გვერდისთვის იოანე მდუმარე

[[ფაილი:John the Silent of St. Sabbas' Monastery (Menologion of Basil II).jpg|მინი|იოანე მდუმარე.]]
'''იოანე მდუმარე''' ({{lang-el|Ἅγιος Ἰωάννης ὁ Ἡσυχαστής}}; დ. [[8 იანვარი]], [[454]] — გ. [[13 მაისი]], [[558]]) — [[მართლმადიდებლობა|მართლმადიდებელი]] ეკლესიის წმინდანი, ხსენების დღე   არის ძველი სტილით [[3  დეკემბერი]], [[30 მარტი]] და [[7 დეკემბერი]] ახალი სტილით — [[16 დეკემბერი]], [[12 აპრილი]] და [[20 დეკემბერი]]. 

==ბიოგრაფია==

ღირსი იოანე მდუმარე დაახლოებით [[454]] წელს დაიბადა [[სომხეთი]]ს ნიკოპოლში, მხედართმთავარ ენკრატიუსისა და მისი მეუღლის, ეფემიას ოჯახში. ყმაწვილმა ადრევე დაიწყო წმიდა წერილის შესწავლა და მთელი გულით შეიყვარა განმარტოება და ლოცვა.

მშობლების გარდაცვალების შემდეგ მემკვიდრეობით მიღებული ქონებით იოანემ ყოვლადწმიდა ღვთისმშობლის სახელობის ეკლესია ააგო. თვრამეტი წლის ასაკიდან ნეტარი სხვა ათ ბერთან ერთად ამ ტაძართან ცხოვრობდა. ქალაქ კოლონის მკვიდრთა თხოვნით სებასტიელმა მიტროპოლიტმა ოცდარვა წლის იოანეს ეპისკოპოსად დაასხა ხელი. წმინდანი მწყემსმთავრად დადგინების შემდეგაც უწინდებურად ასკეტურად ცხოვრობდა.

იოანეს ეპისკოპოსობის მეათე წელს სომხეთის მმართველად დაადგინეს ბაზინიკი - მწყემსმთავრის დის, მარიამის მეუღლე. ახალი ხელისუფალი მბრძანებლურად ერეოდა სასულიერო და საეკლესიო საქმეებში, რამაც ეკლესიურ ცხოვრებაში არეულობა გამოიწვია. მაშინ წმინდა იოანე [[კონსტანტინოპოლი|კონსტანტინოპოლში]] ჩავიდა და მთავარეპისკოპოს [[ექვთიმე (კონსტანტინოპოლის პატრიარქი)|ექვთიმეს]] შუამდგომლობით იმპერატორ [[ზენონი (ბიზანტია)|ზენონს]] სთხოვა, სომხეთის ეკლესია დაეცვა უხეში ხელყოფისაგან.

საერთო შფოთითა და ბრძოლებით დამწუხრებულმა ნეტარმა მწყემსმთავარმა ფარულად დატოვა ეპარქია და იერუსალიმში მიმავალ ხომალდზე ავიდა. მან ცრემლებით შესთხოვა უფალს, მიენიშნებინა, სად უნდა განეგრძო მოღვაწეობა. ღმერთმა შეისმინა წმიდანის ვედრება: მას გამოუჩნდა ვარსკვლავი, რომელიც საბა განწმენდილის ლავრამდე მიუძღვა. იოანე, რომელმაც დამალა თავისი ხარისხი, სავანეში უბრალო მორჩილად მიიღეს. [[საბა განწმენდილი|წმინდა იღუმენის, საბას]] (ხს. 18 დეკემბერს) კურთხევით ღირსი იოანე ოთხ წელიწადზე მეტ ხანს ყველაზე მძიმე სამუშაოებს ასრულებდა. უფლის რჩეულის სიმდაბლე და შრომისმოყვარეობა რომ იხილა, წინამძღვარმა იგი ხუცესად ხელდასხმის ღირსად ჩათვალა. მაშინ იოანე იძულებული გახდა, რომ იერუსალიმის პატრიარქის, [[ილია I (იერუსალიმის პატრიარქი)|ილიასთვის]] ([[494]]–[[517]]) გაემხილა თავისი საიდუმლო. პატრიარქის კურთხევით წმინდანმა მდუმარების ღვაწლი იტვირთა, უფალმა კი მალე მისი საიდუმლო წმინდა საბასაც გაუცხადა.

ამის შემდეგ წმინდანმა ისურვა, კიდევ უფრო გაემკაცრებინა თავისი ღვაწლი, ლავრა დატოვა და უდაბნოს მიაშურა, სადაც ცხრა წელი ცხოვრობდა და მხოლოდ მცენარეულით იკვებებოდა. ღირსი მამა სასწაულებრივ გადაურჩა სარკინოზთა გამანადგურებელ შემოსევას: უფალმა მას მცველად ლომი მოუვლინა. ღმერთმა სავანის ყველა ბერს სასწაულებრივ გაუცხადა, რომ წმინდა მოსაგრე ეპისკოპოსი იყო.

იოანეს სამოცდაათი წელი რომ შეუსრულდა, წმინდა იღუმენი საბა განწმენდილი გარდაიცვალა. მღვდელმთავარი საშინლად დამწუხრდა. მაშინ სასუფეველში ამაღლებული ნეტარი საბა საღვთო ჩვენებით წარდგა განდეგილის წინაშე, ნუგეში სცა და უწინასწარმეტყველა, რომ ერესთან შეურიგებელი ბრძოლა ელოდა წინ. მართლაც, მალე იოანე იძულებული გახდა, დაყუდებიდან გამოსულიყო, რომ ძმები ორიგენეს ბილწ მწვალებლობასთან ბრძოლაში განემტკიცებინა.

ღირსმა იოანე მდუმარემ ასოთხი წლის ასაკში მშვიდად შეჰვედრა სული უფალს (მას ეკლესია წელიწადში კიდევ ორჯერ იხსენიებს: 12 აპრილს და 20 დეკემბერს).

== ლიტერატურა ==
*„წმიდანთა ცხოვრება“, ტომი IV, თბილისი, 2003 წ.

== რესურსები ინტერნეტში ==
* [http://www.catholic.org/saints/saint.php?saint_id=4055 John the Silent at Catholic Online]
* [http://saints.sqpn.com/saint-john-the-silent/ Saints.SQPN: John the Silent]

[[კატეგორია:III საუკუნის ქრისტიანი წმინდანები]]
[[კატეგორია:დაბადებული 9 იანვარი]]
[[კატეგორია:დაბადებული 454]]
[[კატეგორია:გარდაცვლილი  13 მაისი]]
[[კატეგორია:გარდაცვლილი 558]]