იხილეთ წყარო გვერდისთვის იოანე პეტრიწი

{{ინფოდაფა პიროვნება
| სახელი       = იოანე პეტრიწი
| ფოტო       =John Petritzos.jpg
| ფოტოს სიგანე = 250პქ 
| წარწერა = იოანე პეტრიწის მონუმენტი თბილისში
| დაბსახელი    =
| დაბთარიღი   = XI საუკუნე
| დაბადგილი   =
| გარდთარიღი = XII საუკუნე
| გარდადგილი = 
| გარდაცვალების მიზეზი  =
| დაკრძალვის ადგილი     =
| დაკრძალვის ადგილის კოორდინატები = 
| ძეგლები      =
| სხვა სახელები =იოანე ფილოსოფოს ჭიმჭიმელა
| ეროვნება     = ქართველი
| მოქალაქეობა  =
| ეთნიკური წარმომავლობა =
| ქვეშევრდომობა =
| განათლება     =
| ალმა-მატერი   =
| მოღვაწეობა    = [[ფილოსოფია]]
| საქმიანობა     =
| ცნობილია როგორც  =
| ცნობილი ნაშრომები = 
| რელიგია   = 
| შვილები = 
| მამა    =
| დედა   =
| საიტი     = 
| შენიშვნები = 
}}
'''იოანე პეტრიწი''' — XI-XII საუკუნეების [[ქართველი]] ფილოსოფოსი, ნეოპლატონიკოსი (გადმოცემით იოანე ფილოსოფოს ჭიმჭიმელსაც უწოდებდნენ). ბიოგრაფიული ცნობები არ მოგვეპოვება, მხოლოდ XVIII საუკუნის მწიგნობარნი იუწყებიან, რომ იოანე პეტრიწი [[სამცხე|სამცხიდან]] იყო, დიდგვაროვანი ჩამომავლობისა. [[იოანე ბატონიშვილი]]ს ცნობით კი იოანე პეტრიწი [[გურია|გურიიდან]] იყო. ახალგაზრდობაში სწავლობდა [[კონსტანტინოპოლი|კონსტანტინოპოლში]], [[მანგანის აკადემია]]ში, სადაც მას ასწავლიდნენ ბიზანტიური რენესანსის წარმომადგენლები: [[მიქაელ ფსელოსი]] და [[იოანე იტალოსი]]. 

==ბიოგრაფია==
იოანე პეტრიწს აქტიური მონაწილეობა მიუღია იდეურ მოძრაობაში, რომელსაც იტალოსი მეთაურობდა. იტალოსის გასამართლებისა (1083) და მისი მიმდევრების დევნის შემდეგ იოანე პეტრიწი [[პეტრიწონის მონასტერი|პეტრიწონის მონასტერში]] გადასახლდა. ერთ ხანს შავ მთაზე [[ეფრემ მცირე|ეფრემ მცირესთან]] იყო, შემდეგ [[საქართველო|საქართველოში]] დაბრუნდა და სათავეში ჩაუდგა [[გელათის აკადემია| გელათის აკადემიას]]. იოანე პეტრიწის ფილოსოფიური მემკვიდრეობა წარმოდგენილია თარგმანებითა და ორიგინალური თხზულებით („განმარტება პროკლესთვის დიადოხოსისა და პლატონურისა ფილოსოფიისად“). თარგმნა [[არისტოტელე|არისტოტელეს]] ორი თხზულება: „ტოპიკა“ და „განმარტებისათვის“ („პერი-ჰერმენეია“), [[ნემესიოს ემესელი|ნემესიოს ემესელის]] „ბუნებისათვის კაცისა“ (გამოიცა 1914), [[პროკლე|პროკლეს]] „კავშირნი ღვთისმეტყველებითნი“ („თეოლოგიის ელემენტები“), [[ამონიოს ჰერმია|ამონიოს ჰერმიას]] „მოსახსენებელი ხუთთა ხმათადმი პორფირი ფილოსოფოსისა“ და „მოსახსენებელი ათთა კატიღორიათადმი არისტოტელისთა“ (ზოგი მეცნიერი ამ უკანასკნელი თხზულების მთარგმნელად თვლის [[იოანე ტარიჭისძე|იოანე ტარიჭისძეს]]. არისტოტელეს ტრაქტატთა თარგმანებს ჩვენამდე არ მოუღწევია. „კავშირნი ღმრთისმეტყველებითნის“ პეტრიწისეული თარგმანი უძველესად ითვლება პროკლეს თხზულების მსოფლიოში ცნობილ თარგმანთა შორის. იოანე პეტრიწის „განმარტება“ შედგება შესავლის, პროკლეს „კავშირთა“ 211 თავისადმი დართული შესავლის, ვრცელი კომენტარებისა და ბოლოსიტყვაობისაგან.

==მსოფლმხედველობა==
იოანე პეტრიწის ფილოსოფიური შეხედულებანი განსაზღვრულია არა იმდენად ანტიკური ფილოსოფიური მემკვიდრეობით, რამდენადაც XII საუკუნის ქართული კულტურული და იდეური სფეროთი, საერო განწყოფილებათა და მისწრაფებათა მზარდი აღმავლობით, რაც ყველაზე თანამიმდევრულად [[რუსთაველი|რუსთაველის]] ჰუმანიზმში გამოიხატა.

ჰუმანიზმის ერთ-ერთი ძირითადი იდეაა ამქვეყნიური სინამდვილის ღირებულების აღიარება, რაც, თავის მხრივ, შუა საუკუნეებისათვის დამახასიათებელი მიწისა და ზეცის დუალიზმის დაძლევას გულისხმობს. იოანე პეტრიწის, როგორც ფილოსოფოსის, ისტორიული მოწოდება ამ იდეის თეორიული დასაბუთება იყო. ეს ამოცანა მის ფილოსოფიურ ნააზრევში გადაწყვეტილია ანტიკური იდეების, კერძოდ, ნეოპლატონიზმის (პროკლეს) საფუძველზე.

არსი, იოანე პეტრიწის მიხედვით, მთლიანობაა, რომლის უმაღლესი საფეხური „ყოველთაგან ზესთ მდებარე“ ღმერთია, ხოლო ყველაზე დაბალი — ხილული სამყარო. უმაღლესი მიზეზისაგან სამყაროა „წარმოარსება“ ნეოპლატონიზმში და იოანე პეტრიწთან ემანაციის (გამომდინარეობის, პეტრიწის ტერმინებით: „არსებითი გზავნაია“, „წარმოობის“, „წარმოქმნის“, „წარმოარსების“) ცნების საფუძველზე ხდება. ემანაცია ხორციელდება შუალედი საფეხურების მეშვეობით. პირველ მიზეზსა და ხილულ სამყაროს შორის მოთავსებულია ღვთაებრივი რიცხვების, გონისა და სულის საფეხურები. პირველმიზეზი ზეარსია, არსებობაზე აღმატებული და „უცნაური“ (შეუცნობელი). მისი განსაზღვრა მხოლოდ მიახლოებით შეიძლება და პრედიკატი, რომელიც მას მიეწერება, არის სიკეთე.

იოანე პეტრიწის ფილოსოფიური მსოფლმხედველობის მნიშვნელოვანი მხარეა შეხედულება მიზეზობრიობაზე, რომელიც ვრცელდება პირველმიზეზებსა და სამყაროს შორის არსებულ კავშირებზე. კავშირი მიზეზსა და შედეგს შორის ტრიადულია და სამი მიმართების მთლიანობას წარმოადგენს. პირველი მათ შორის იგივეობისა და მსგავსების მიმართებაა. ამ საფეხურზე შედეგი მიზეზშია, იგი არსებობს „თვისსა მიზეზსა შორის“ და განუსხვავებელია მიზეზისაგან. მეორე მიმართება შედეგის გამოყოფაა, მისი განსხვავება, განცალკევება, „სხვად“ ყოფნა“. ამ მიმართებით მოიპოვებს წარმოებული არსი საკუთარ არსებობას. ამგვარად, შედეგი განსხვავებულიცაა მიზეზისაგან და მისი იგივეობრივიც, მსგავსიც. მიზეზსა და შედეგს შორის არსებული დიალექტიკური მიმართების გარკვევის მიზნით იოანე პეტრიწს შემოაქვს ცნება, რომლის მიხედვით, შედეგი მიზეზთან მიმართებაში არის „იგივე სხვა“. მიზეზ-შედეგობრივი კავშირის ამგვარი გაგება იძლევა საფუძველს არსის პირველმიზეზში, საწყისში უკუდაბრუნებისათვის, რაც ამთავრებს არსის მთლიანობას და ჰკრავს იოანე პეტრიწის ფილოსოფიურ სისტემას. პირველმიზეზისა და სამყაროს მიმართების პეტრიწისეული გადაწყვეტა მიდის სამყაროს მარადიულობისა და მისი წარმოქმნის აუცილებლობის აღიარებამდე. მესამე საფეხურია ინტუიცია, რომელიც გონის მეშვეობით ხორციელდება. ამ შემთხვევაში შემეცნების საგანი თვით აზროვნებაშია მოცემული და შემეცნება საგნის „მარტივად“, უშუალოს წვდომის შედეგადაა მიჩნეული.

==მემკვიდრეობა==
იოანე პეტრიწმა ფილოსოფიური ნაშრომების გარდა დაგვიტოვა მნიშვნელოვანი თარგმნილი და ორიგინალური ლიტერატურული მემკვიდრეობა: მან ბერძნულიდან ხელახლა თარგმნა ბიბლიური წიგნები და იოანე სინელის „კლემაქსი“ („კიბე“). ბერძნულიდანვე გადმოაქართულა მეტაფრასული ჰაგუიგრაფიული საკითხავები — წმინდათა ცხოვრებანი და წამებანი (მაგ., ცნობილია თეოდორა ალექსანდრიელისა და მერკვირის „ცხოვრებანი“, ზოსიმესა და ბარბარეს „მარტვილობანი“), აგრეთვე [[იოსებ ფლავიუსი|იოსებ ფლავიუსის]] საისტორიო შრომა „მოთხრობანი იუდაებრივისა სიტყუადაასაბამობისანი“ („მსოფლიო ისტორის იოსიპოსისაჲ"), რომლის თხუთმეტმა წიგნმა ჩვენამდე მოაღწია და სხვა. იოანე პეტრიწმა დაწერა ორიგინალური ასკეტიკურ-მისტიკური პოეტური ტრაქტატი „სათნოებათა კიბე“, რომელსაც საფუძვლად დაედო „კლემაქსის“ [[ექვთიმე მთაწმიდელი|ექვთიმე მთაწმიდლისეული]] ქართული თარგმანი. გალექსა „სათვეო სჳნაქსარი“ ანუ „გალობანი ყოველთა წმინდათანი“. მასვე მიაკუთვნებენ მცირე ზომის იამბიკურ ლექსებს, რომელთაგან ზოგს ჩვენამდე არ მოუღწევია.

იოანე პეტრიწმა შექმნა ლიტერატურულ სკოლა, აღზარდა მრავალი მოწაფე, გამოუჩნდნენ მიმდევრებიც. თავისებურია მისი ენა და სტილი. იგი ქმნიდა ახალ ფილოსოფიურ ტერმინოლოგიას, ბერძნულიდან დედანთან ზუსტი მიმართების მიზნით უხვად იყენებდა ქართული ენის ბუნებისათვის შეუფერებელი მიმღეობანი კონსტრუქციების წინადადებებს, რაც ართულებდა მის სამწერლო ენას. იოანე პეტრიწმა დიდი გავლენა მოახდინა ძველი ქართული ფილოსოფიურ აზროვნებაზე, საერო პოეზიასა და საისტორიო მწერლობაზე, განსაკუთრებით კი ანტონ I-ის ლიტერატურულ სკოლაზე.

==ლიტერატურა==
{{ქსე|5|191-192|ლოლაშვილი ი., ხიდაშელი შ.}}
*{{cite book| | first=| last= [[იოანე ბატონიშვილი]] | series=| title=მცირე უწყება ქართველთა მწერალთათვის| publisher=ელექტრო-მბეჭდავი ს.მ. ლოსაბერიძისა |location=ტფილისი|year=1913| origyear=1828| isbn=| edition=|page=14|url=http://dspace.nplg.gov.ge/bitstream/1234/61881/1/Saistorio_Masalani_Wignaki_Pirveli.pdf}}

== რესურსები ინტერნეტში ==
{{nplg ბიოგრაფია|00007241}}
* [http://www.qwelly.com/profiles/blogs/ioane-petritsi-11th-or-12th იოანე პეტრიწი: განმარტება პროკლე დიადოხოსის „ღმრთისმეტყველების განამრტებისა“] {{Webarchive|url=https://web.archive.org/web/20160304232803/http://www.qwelly.com/profiles/blogs/ioane-petritsi-11th-or-12th |date=2016-03-04 }}
* [http://www.petritsiportal.ge/ka/article/155 თენგიზ ირემაძე - ფილოსოფია და თეოლოგია შუა საუკუნეების ქართულ აზროვნებაში (ანონიმი ავტორი, ეფრემ მცირე, იოანე პეტრიწი)]
* [http://kartvelologi.tsu.ge/public/ge/arqive/13/5 ლევან გიგინეიშვილი - იოანე პეტრიწი და მისი ფილოსოფიურ-თეოლოგიური პროექტი]
* [https://dlab.ug.edu.ge/authors/detail/2430 იოანე პეტრიწი - ციფრული ბიბლიოთეკა]

[[კატეგორია:ქართველი ფილოსოფოსები]]