იხილეთ წყარო გვერდისთვის კალვინიზმი

{{პროტესტანტიზმი}}
'''კალვინიზმი''' — [[პროტესტანტობა|პროტესტანტული]] რელიგია, რომელიც შექმნა [[ჟან კალვინი|ჟან კალვინმა]]. კალვინიზმი წარმოიშვა 1530-იან წლებში [[ჟენევა]]ში. გავრცელებულია [[შვეიცარია]]სა და [[ნიდერლანდები|ნიდერლანდებში]]ში, ასევე ნაწილობრივ ბრიტანეთში, საფრანგეთში, აშშ-ში, კანადაში, ავსტრალიასა და სამხრეთ კორეაში. კალვინისტების რაოდენობა დაახლოებით 35 მილიონია. კალვინიზმის რამდენიმე მიმართულება არსებობს, რომელთაგან ყველაზე მეტი მიმდევარი ჰყავს პრესვიტერიანულ და რეფორმისტულ ეკლესიას.

==ისტორია==
კალვინიზმის თანახმად, რწმენის ერთადერთ წყაროს და უმაღლეს ავტორიტეტს წარმოადგენს [[ბიბლია]]. ჟან კალვინმა ეკლესიაში გააუქმა ყველაფერი, რასაც პირდაპირ არ ითხოვდა ბიბლია. კალვინიზმს ახასიათებს რაციონალიზმისკენ მიდრეკილება და მისტიციზმის უარყოფა. ჟან კალვინი [[მარტინ ლუთერი]]საგან განსხვავებით მხოლოდ სიმბოლურ შინაარს დებდა საეკლესიო საიდუმლოებებში ნათლობასა და ზიარებაში. კალვინიზმი გამოდიოდა [[კათოლიციზმი]]ს წინააღმდეგ, მაგრამ თავად იყენებდა კათოლიციზმის შუასაუკუნეობრივ კპრინციპებს, შეუწყნარებლობას, უსიტყვო მორჩილების მოთხოვნას. მოგვიანებით კალვინიზმმა გამოიმუშავა პოლიტიკური პრინციპები და დაუკავშირდა პოლიტიკურ მოძრაობას, მან მიიღო სახალო, [[მონარქია|ანტიმონარქიული]] ხასიათი, დაუახლოვდა რესპუბლიკურ და კონსტიტუციურ პარტიებს. ქადაგებდა ტირანული ხელისუფლების წინააღმდეგ ბრძოლას.

კალვინიზმი შვეიცარიიდან გავრცელდა გერმანიაში, ჰოლანდიაში, საფრანგეთში, შოტლანდიასა და პოლონეთში. 1650-იანი წლებიდან კალვინიზმი დამკვიდრდა ბელგიასა და ჰოლანდიაში, სადაც ის ტოტალურად გავრცელდა დიდი ქალაქების დაბალ ფენებში. კალვინიზმის ცენტრად რჩებოდა ჟენევა. კალვინისტების და [[ლუთერანობა|ლუთერანების]] დაპირისპირებად პიკს მიაღწია [[გერმანია]]ში. ლუთერანების აზრით პაპისტები უკეთესები იყვნენ, ვიდრე კალვინისტები. 1817 წელს [[პრუსია]] შეეცადა კალვინისტების და ლუთერანების შერიგებას. 

==მოძღვრება==
კალვინიზმის საფუძველია ღმერთის უზენაესი ძალაუფლება ყველაფერში. ლუთერისგან განსხვავებით კალვინი ამტკიცებდა რომ [[სახელმწიფო]] ვალდებულია არამხოლოდ ითანამშრომლოს ეკლესიასთან საზოგადოების მართვის პროცესში,არამედ დაემორჩილოს მას. 

კალვინიზმში მოქმედებს აბსოლუტურის წინასწარგანსაზღვრის ანუ ბედისწერის დოქტრინა, რომლის თანახმად, ღმერთმა ჯერ კიდევ სამყაროს შექმნამდე განსაზღვრა ადამიანთა ბედი: ერთ ნაწილს, ე.წ. „რჩეულთ“, ელით იმქვეყნიური ცხოვრება, [[სამოთხე]], მეორე ნაწილს კი ე.წ. „მისჯილთ“, წაწყმედა, ჯოჯოხეთი. მაგრამ მოძღვრება ბედისწერაზე არ გულისხმობს ადამიანის პასიურ, ფატალისტურ მორჩილებას ბედისადმი.
[[ფაილი:Interior of a Calvinist church.PNG|მინი|მარცხნივ|200px|კალვინისტური ტაძარი. სურათი დახატულია ემანუელ დე ვიტის მიერ და ასახავს მე-17 საუკუნის კალვინისტურ ტაძარს, მრევლი უსმენს ცერემონიას.]]

კალვინისტურმა საერო ასკეტობის იდეალმა, რომელიც გმობს ფუფუნებას, პარაზიტიზმს, დიდი როლი შეასრულა [[კაპიტალიზმი]]ს განვითარებაში. 

==ორგანიზაცია==
[[ჟენევა]]ში სადაც პირველად გაიმარჯვა კალვინიზმმა, გაუქმდა საეკლესიო იერარქია, უარი თქვეს ხატებზე, წმ. ნაწილებზე და ყველა საეკლესიო მორთულობაზე; შემცირდა უქმე დღეთა რიცხვი, აიკრძალა [[საეკლესიო მუსიკა]]. კალვინიზმის მიხედვით, ღვთისმსახურება მდგომარეობს ბიბლიის კითხვაში, [[ფსალმუნი|ფსალმუნების]] საერთო [[გალობა|გალობაში]] და ქადაგებაში. ეკლესიაში საკურთხეველი შეიცვალა უბრალო მაგიდით.

კალვინისტური საეკლესიო ორგანიზაცია ძირითადად განსხვავდება კათოლიკური ეკლესიის ორგანიზაციისაგან. ის შედგება ავტონომიური კონგრეგაციებისგან,რრომლებიც იმართება საბჭოების მიერ. საბჭოს წევრები არიან მორწმუნეთა მიერ არჩეული პასტორი, დიაკონი და უხუცესი.

==კალვინიზმი საქართველოში==
[[საქართველო]]ში კალვინისტური ეკლესია დაარსდა 1995 წლის ოქტომბერშ, ქალაქ [[ბათუმი|ბათუმში]]. კალვინისტური თემები გარდა ბათუმისა, მოქმედებს ქობულეთსა და ფოთში. ეკლესიის უფროსი პასტორია ვარლამ რამიშვილი.

==ლიტერატურა==
*{{წიგნი | ავტორი=თინიკაშვილი დ. | ნაწილი=კალვინისტური ეკლესია| სათაური=„რელიგიები საქართველოში“| გამომცემლობა=[[საქართველოს სახალხო დამცველი|სახალხო დამცველის ბიბლიოთეკა]] |ადგილი=თბილისი|წელი=2008| origyear=|ბმული=| isbn=978-9941-0-0902-0| edition=|გვერდები=250-252}}
{{ქსე|5|331-332}}
{{ქრისტიანობის მიმდინარეობები}}
[[კატეგორია:პროტესტანტული კონფესიების განშტოებები]]