იხილეთ წყარო გვერდისთვის კამილო ხოსე სელა

{{ინფოდაფა მწერალი}}
'''კამილო ხოსე სელა''' (დ. [[11 მაისი]], [[1916]] ქ. პადრონი — გ. [[17 იანვარი]], [[2002]]) — ესპანელი რომანისტი, პოეტი და ესეისტი, ესპანეთის სამეფო აკადემიის წევრი, [[მიგელ დე სერვანტესი|სერვანტესის]] პრემიის ლაურეატი. მიიჩნევა თანამედროვე ესპანური ლიტერატურის კლასიკოსად. 1989 წელს მიენიჭა [[ნობელის პრემია ლიტერატურაში]] „მისი მდიდარი და ძლიერი პროზისთვის, რომელიც ფარული თანაგრძნობით წარმოაჩენს ადამიანის დაუცველობას“.<ref name=np>{{cite web|url=https://www.nobelprize.org/prizes/literature/1989/summary/|title=nobel prize in literature 1989|acces-date=2020-06-26}}</ref>

ქართულ ენაზე თარგმნილია მისი რომანი [[პასკუალ დუარტეს ოჯახი|''„პასკუალ დუარტეს ოჯახი“'']]<ref>{{cite web|url=https://intelekti.ge/book_ge.php?id=179|title=
''პასკუალე დუარტეს ოჯახი'' — გამომცემლობა ''ინტელექტი''|acces-date=2020-06-26}}</ref> და მოთხრობა ''„არტისტების კაფე“''.<ref>{{cite web|url=https://www.lit.ge/book/157604-artistebis-kafe-kamilo-xose-sela/|title=''არტისტების კაფე'' — მსოფლიოს რჩეული მოთხრობები|acces-date=2020-06-26}}</ref>

==ბიოგრაფია==
კამილო ხოსე სელა 1916 წლის 11 მაისს ქალაქ პადრონში, [[ლა-კორუნიის პროვინცია]]ში დაიბადა. მამამისი, კამილო სელა ფერნანდესი [[გალისია|გალისიელი]] იყო. იგი საბაჟოზე მსახურობდა, თავისუფალ დროს კი წერდა. სელას დედას, კამილა ტრულოკას [[ინგლისი|ინგლისური]] და [[იტალია|იტალიური]] წარმოშობა ჰქონდა. მათი ოჯახი 1921 წლიდან [[ვიგო]]ში ცხოვრობდა, 1925 წლიდან კი [[მადრიდი|მადრიდში]] გადავიდა.

სკოლის დამთავრების შემდეგ სელა მადრიდის უნივერსიტეტში ჩაირიცხა, სადაც მედიცინას, ჰუმანიტარულ მეცნიერებებსა და სამართალს ეუფლებოდა.

1931 წელს სელას [[ტუბერკულოზი]]ს დიაგნოზი დაუსვეს. სანატორიუმში მკურნალობისას იგი მუშაობდა რომანზე ''„Pabellón de repos“''.<ref name=":0">{{Cite web |url=https://www.theguardian.com/news/2002/jan/18/guardianobituaries.books |title=Obituary: Camilo José Cela |last=Eaude |first=Michael |date=2002-01-18 |website=the Guardian |access-date=2016-07-13}}</ref>

1935 წელს სელამ არგენტინულ ჟურნალში ავტობიოგრაფიული ჩანაწერი და რამდენიმე ლექსი გამოაქვეყნა.

სელამ  1936 წელს დაწერა ლექსების პირველი კრებული, რომელიც 1945 წელს გამოიცა.

1936 წელს [[ესპანეთის სამოქალაქო ომი]] დაიწყო. სელას პოლიტიკური შეხედულებები [[კონსერვატიზმი|კონსერვატიული]] იყო. იგი არმიაში ჩაირიცხა. მალევე, სამხედრო სამსახურის შესრულებისას სელა დაიჭრა და ქალაქ ლოგრონოში მკურნალობდა.

==მოღვაწეობა==
[[Image:Ruizanglada - 1988 Camilo José Cela recibe una obra de Ruizanglada en el homenaje de la Peña Solera Aragonesa Little.jpg|thumb|left|კამილო ხოსე სელა (მარჯვნივ) 1988 წელს]]
სელამ პირველი რომანი ''„პასკუალ დუარტეს ოჯახი“'', რომელმაც დიდი პოპულარობა მოუტანა, 1942 წელს არგენტინაში გამოაქვეყნა. ესპანეთში რომანი 1946 წელს გამოქვეყნდა, რადგან თავდაპირველად ესპანურმა ცენზურამ იგი ძალადობის სცენების გამო აკრძალა.<ref name=bbc /> ''„პასკუალ დუარტეს ოჯახი“'' [[ალეგორია|ალეგორიულად]] ასახავს ესპანეთის ომის შემდგომ მდგომარეობას და ყველაზე პოპულარული ესპანური რომანია [[დონ კიხოტი]]ს შემდეგ.

1943 წელს ხოსე ესპანეთის [[ცენზორი]] გახდა,<ref>[http://www.eldiario.es/cultura/libros/censor-censurado-Camilo-Jose-Cela_0_514449689.html ''El censor censurado; cien añ0s de Camilo José Cela'']</ref> რაც ირონიულია, რადგან მისი ნამუშევრები ესპანური ცენზურის მიერ იკრძალებოდა. მათ შორისაა  რომანი ''„La colmena“'', რომელიც 1951 წელს [[ბუენოს აირესი|ბუენოს-აირესში]] გამოქვეყნდა. რომანი ფრაგმენტული ქრონოლოგიური ხაზითა და პერსონაჟთა სიმრავლით გამოირჩევა;<ref name=br>{{cite web|url=https://www.britannica.com/biography/Camilo-Jose-Cela|title=Camilo José Cela - Britannica|acces-date=2020-06-26}}</ref> მასში იგრძნობა ესპანელი [[რეალიზმი|რეალისტი]] მწერლების, მათ შორის მიგელ დე სერვანტესისა და [[ბენიტო პერეს გალდოსი]]ს, ასევე თანამედროვე [[ინგლისური ენა|ინგლისური]] და [[ფრანგული ენა|ფრანგულენოვანი]] ლიტერატურის წარმომადგენლების, მათ შორის [[ჯეიმზ ჯოისი]]სა და [[ჟან-პოლ სარტრი]]ს გავლენა. რომანს [[სარკაზმი|სარკასტული]], ხშირად [[გროტესკი|გროტესკული]] რეალიზმი ახასიათებს.

ასევე სელას ცნობილი რომანებია ''„San Camilo, 1936“'', ''“Cristo versus Arizona“'' და გალისიური ტრილოგია: ''„Mazurca para dos muertos“ (მაზურკა ორი მკვდარი ადამიანისთვის)'', ''„La cruz de San Andrés“ (წმ.ანდრიას ჯვარი)'',  ''„Madera de boj“ (ბოქლომი)''.<ref name=br />

სელა მეგობრობდა [[ერნესტ ჰემინგუეი]]სთან.<ref name=bbc /> ამ უკანასკნელს მან ''„ესპანური ამბები. უსინათლოები და სულელები“'' მიუძღვნა.

85 წლის მწერალი გულის შეტევის შედეგად 2002 წლის 17 იანვარს გარდაიცვალა მადრიდში.<ref name=bbc>[http://news.bbc.co.uk/1/hi/entertainment/arts/1765469.stm BBC obituary]</ref>

==ჯილდოები და აღიარება==
1967 წლის 26 მაისს სელა ესპანეთის სამეფო აკადემიის წევრი გახდა. 1987 წელს მას [[ასტურიის პრინცესა]]ს პრემია გადაეცა. 1989 წელს გახდა [[ნობელის პრემიის ლაურეატები ლიტერატურაში|ნობელის პრემიის ლაურეატი ლიტერატურაში]] „მისი მდიდარი და ძლიერი პროზისთვის, რომელიც ფარული თანაგრძნობით წარმოაჩენს ადამიანის დაუცველობას“.<ref name=np /> 1994 წელს ესპანური ლიტერატურული პრემია, ''პლანეტა'' მიენიჭა<ref>{{Cite web |url=http://www.planetadelibros.com/camilo-jose-cela-autor-000000179.html |title=Camilo José Cela |accessdate=2020-06-26 |archiveurl=https://web.archive.org/web/20151006231658/http://www.planetadelibros.com/camilo-jose-cela-autor-000000179.html |archivedate=2015-10-06 }}</ref>, ხოლო 1995 წელს მიგელ დე სერვანტესის პრემია გადაეცა.

1996 წელს ესპანეთის მეფე [[ხუან კარლოს I]]-მა სელას მარკიზის ტიტული უბოძა.

==რესურსები ინტერნეტში==
*{{IMDb name|id=nm0147911}}
* {{Find a Grave|10986269}}
* [http://news.bbc.co.uk/1/hi/entertainment/arts/1765469.stm BBC obituary]
* [https://www.theguardian.com/news/2002/jan/18/guardianobituaries.books კამილო ხოსე სელა] — [[The Guardian]]
* [https://www.nobelprize.org/prizes/literature/1989/cela/biographical/ კამილო ხოსე სელა ნობელის პრემიის ოფიციალურ საიტზე]
* [https://fundacioncela.wpcomstaging.com/ კამილო ხოსე სელას ფონდი] {{Webarchive|url=https://web.archive.org/web/20200413034605/https://fundacioncela.wpcomstaging.com/ |date=2020-04-13 }}
* [https://web.archive.org/web/20060702090646/http://www.portalmundos.com/mundoliteratura/escritores/cela.htm კამილო ხოსე სელას ბიოგრაფია] ('''[[ესპანური ენა|ესპანური]]''')

==სქოლიო==
{{სქოლიო}}

{{ნობელის პრემია ლიტერატურაში}}
{{ნობელის პრემია 1989}}
{{ავტორიტეტული წყაროები}}

{{DEFAULTSORT:ხოსე სელა, კამილო}}
[[კატეგორია:დაბადებული 1916]]
[[კატეგორია:გარდაცვლილი 2002]]
[[კატეგორია:ესპანელი მწერლები]]
[[კატეგორია:ესპანელი ნობელის პრემიის ლაურეატები]]
[[კატეგორია:გალისიელი მწერლები]]
[[კატეგორია:ესპანელი მამაკაცი რომანისტები]]
[[კატეგორია:XX საუკუნის ესპანელი რომანისტები]]
[[კატეგორია:ნობელის პრემიის ლაურეატები ანბანის მიხედვით]]