იხილეთ წყარო გვერდისთვის კამო (ბოლშევიკი)

{{მმ*|კამო}}
[[ფაილი:Kamo(Ter-Petrossian).jpg|thumb|right|200px]]
'''კამო ''' (''სიმონ არშაკის ძე ტერ-პეტროსიანის'' პარტიული [[ფსევდონიმი]]) (დ. [[27 მაისი]] <small>[ ძვ. სტ. 15 მაისი]</small>, [[1882]], [[გორი]] — გ. [[14 ივლისი]], [[1922]], [[თბილისი]]) — პროფესიონალი რევოლუციონერი. კომპარტიის წევრი [[1901]] წლიდან.

== ბიოგრაფია ==
დაიბადა ვაჭრის ოჯახში. 1901 წლიდან ავრცელებდა არალეგალურ ლიტერატურას თბილისში, [[ბაქო]]ში, [[ბათუმი|ბათუმში]], [[ქუთაისი|ქუთაისში]], [[გორი|გორსა]] და სხვა ქალაქებში. იყო არალეგალური სტამბების ერთ-ერთი ორგანიზატორი. [[1903]] წლის ნოემბერში დააპატიმრეს, [[1904]] წლის სექტემბერში ციხიდან გაიქცა. [[1905]] წელს მონაწილეობდა მუშათა საბრძოლო რაზმების ჩამოყალიბებაში. 1905 წლის დეკემბერში თბილისში სამხედრო ნაწილებთან შეიარაღებული შეტაკების დროს მეთაურობდა მუშათა მებრძოლ რაზმს. დააპატიმრეს და ჩასვეს მეტეხის ციხეში, საიდანაც მოახერხა გაქცევა. 1906 წელს ჩავიდა პეტერბურგში და პირველად შეხვდა [[ლენინი|ვ. ი. ლენინს]]. მისი დავალებით გაემგზავრა საზღვარგარეთ რუსეთში იარაღის შემოსატანად. ფულადი სახსრებით პარტიის უზრუნველსაყოფად 1905-1907 წლებში რამდენიმეჯერ მოახდინა მეფის ხაზინის ექსპროპრიაცია. 1907 წლის ნოემბერში [[ბერლინი|ბერლინში]] დააპატიმრეს. ციხეში ყოფნისას კამო თავს სულით ავადმყოფად ასაღებდა, მაგრამ [[1909]] წლის ბოლოს მაინც გადასცეს რუსეთის პოლიციას, ჩასვეს მეტეხის ციხეში. [[1911]] წლის 15 აგვისტოს კამო ციხის საავადმყოფოდან გაიქცა და [[პარიზი|პარიზში]] გაემგზავრა, სადაც ვ. ი. ლენინის დავალებით მოაგვარა რუსეთში პარტიული ლიტერატურის შემოტანის საქმე. [[1912]] წელს რუსეთში დაბრუნდა. დააპატიმრეს და სასიკვდილო განაჩენი გამოუტანეს, რაც [[1913]] წელს, ამნისტიით, 20 წლის კატორღით შეუცვალეს. [[1917]] წლის მარტში გაათავისუფლეს. [[1919]] წლის ზაფხულში, ლენინის დავალებით, კამომ მტრის ზურგში ჩამოაყალიბა პარტიზანული რაზმი, რომელიც იბრძოდა კურსკსა და ორიოლთან, შემდეგ კი გენერალ [[ანტონ დენიკინი|დენიკინის]] ჯარების ზურგში სამხრეთ ფრონტზე. [[ასტრახანი]]ს გავლით კამომ მეთევზეთა ნავით ბაქოში ჩაიტანა იარაღი და ფული იატაკქვეშა პარტიის ორგანიზაციისა და ჩრდილოეთ კავკასიის პარტიზანებისათვის. [[1920]] წლის იანვარში თბილისში დააპატიმრეს და ქალაქიდან გაასახლეს. 1920 წელის აპრილში მონაწილეობდა ბაქოში საბჭოთა ხელისუფლების დასამყარებლად შეიარაღებული აჯანყების მომზადებაში. 1920 წლის მაისიდან სწავლობდა მოსკოვის სამხედრო აკადემიაში. 1921 წელს მუშაობდა საგარეო ვაჭრობის სისტემაში.

1922 წელს თბილისში დაიღუპა - [[ველოსიპედი]]თ მიმავალი [[ავტომობილი|ავტომობილს]] შეეჯახა. ერთ-ერთი გავრცელებული ვერსიის თანახმად, კამოს სიკვდილი შემთხვევითი არ ყოფილა და ის სტალინის ბრძანებით იქნა მოკლული<ref>''Brackman, Roman'' (2000), The secret file of Joseph Stalin: a hidden life. Psychology Press. გვ. 33. ISBN 0714650501.</ref><ref>''Sebag-Montefiore, Simon'' (2008), Young Stalin. Random House, Inc. გვ. 370. ISBN 1400096138.</ref>.

დაკრძალული იყო თბილისში, პუშკინის ბაღში<ref>[https://dspace.nplg.gov.ge/bitstream/1234/335816/1/Komunisti_1934_N162.pdf გაზ. კომუნისტი, #162 (4018), 15 ივლისი, 1934]</ref>.

== ლიტერატურა ==
*''ბიბინეიშვილი ბ.,'' კამო, ტფ., 1935;
*''იმნაიშვილი რ.,'' კამო (ბიოგრაფიული ნარკვევი), თბ., 1955;
*''Шаумян Л.,'' Камо, М., 1959;
{{ქსე|5|350}}

== სქოლიო ==
{{სქოლიოს სია}}

[[კატეგორია:ბოლშევიკები]]
[[კატეგორია:ათეისტები]]
[[კატეგორია:დაბადებული 27 მაისი]]
[[კატეგორია:დაბადებული 1882]]
[[კატეგორია:გარდაცვლილი 14 ივლისი]]
[[კატეგორია:გარდაცვლილი 1922]]
[[კატეგორია:გორში დაბადებულები]]