იხილეთ წყარო გვერდისთვის კლდეთაუკანის საყდარი

'''კლდეთაუკანის საყდარი''' — [[ეკლესია (ნაგებობა)|ეკლესია]] [[ახმეტის მუნიციპალიტეტი|ახმეტის მუნიციპალიტეტში]], დგას სოფელ [[მატანი|მატნის]] [[ჩრდილოეთი|ჩრდილო]]-[[დასავლეთი]]თ 8-9 კილომეტრზე, მდინარეების [[მატნისხევი|მატნისხევისა]] და [[საღორისხევი|საღორისხევის]] წყალგამყოფ მაღალ ქედზე.

ეკლესია დარბაზულია (7,7 X 6,2 მ), განეკუთვნება გვიანდელ [[შუა საუკუნეები|შუა საუკუნეებს]]. ნაგებია ნატეხი ქვის ირეგულარული წყობით. გარეთა კედლების წყობაში შედარებით მოზრდილი ქვებია გამოყენებული. ძეგლი ძლიერ დაზიანებულია: ჩამონგრეულია [[კამარა]], [[კონქი]] და კედლების ზედა ნაწილები. ეკლესიის ფასადების მნიშვნელოვანი ნაწილი ნანგრევებით და მიწითაა დაფარული. შესასვლელი ეკლესიაში [[სამხრეთი]]დან და [[დასავლეთი]]დანაა. დასავლეთ კარი ხის ძელებითაა გადახურული - თარაზულად. სამხრეთ შესასვლელს გადახურვა ჩამოშლილი აქვს (შემორჩენილია ძელების ბუდეები). აღმოსავლეთით ნახევარწრიული [[აფსიდა|აფსიდის]] ღერძზე გაჭრილი სარკმლის ორივე მხარეს, ერთიმეორის თავზე, ორ-ორი სწორკუთხა [[ნიში (არქიტექტურა)|ნიშია]]. მათ შორის ზედა ნიშები უფრო დიდია. ერთი სარკმელი დასავლეთ კედელშია, რომელსაც გარედან კოშკის კედელი ფარავს. ეკლესიას ჩრდილოეთიდან, მთელ სიგრძეზე, მინაშენი ეკვროდა. მისგან მხოლოდ დასავლეთ კედლის მცირე ნაწილია შემორჩენილი. ეკლესიის [[სამხრეთი]]თ და [[დასავლეთი]]თ შემორჩენილია გეგმით სწორკუთხა ნაგებობის კედლების ნაწილები (სიმაღლე დაახლოებით l,3 მ). ეკლესია ნაგებობებთან ერთად შემოზღუდული იყო რიყის ქვის დაბალი [[გალავანი|გალავნით]] (შემორჩენილია ფრაგმენტულად).

==ლიტერატურა==
{{სძა|2|108-109|დვალი თ.}}

{{ახმეტის მუნიციპალიტეტის ტაძრები}}

[[კატეგორია:ახმეტის მუნიციპალიტეტის ტაძრები]]