იხილეთ წყარო გვერდისთვის კოლხეთის დაბლობი

{{ინფოდაფა დაბლობი
| სახელი = კოლხეთის დაბლობი
| სურათი =
| სურათის_წარწერა = კოლხეთის დაბლობი კოსმოსიდან  
| ქვეყანა = {{დროშა|საქართველო}}
| ტერიტორიული ერთეული = 
| სიმაღლე = 150–200 
| lat_dir = N |lat_deg = 42|lat_min = 15|lat_sec = 35.7
| lon_dir = E |lon_deg = 42|lon_min = 27|lon_sec = 11.9
| პოზრუკა = საქართველო
| პოზრუკა2 =  
| ფართობი = 
| სიგრძე = 153 
| სიგანე = 115
| ჰიდროგრაფია = [[რიონი]] 
| კლიმატი = სუბტროპიკული
| აგებულება =
| ლანდშაფტი = სუბტროპიკული ლანდშაფტი
| ვიკისაწყობი = 
}}
'''კოლხეთის დაბლობი''' — დაბლობი [[საქართველო]]ში. წარმოადგენს კოლხეთის ბარის დაბალ ნაწილს; მოიცავს აკუმულაციურ ვაკე-დაბლობსა და მიმდებარე სტრუქტურულ-ეროზიულ გორაკ-ბორცვებს [[ზღვის დონე|ზღვის დონიდან]] 200 [[მ]]-მდე. პირველი აგებულია პლეისტოცენური და ჰოლოცენური თიხნარებით, ქვიშებითა და რიყნარით, მეორე — დისლოცირებული კაინოზოური ასაკის ნალექებით. კოლხეთის დაბლობი ოდნავ დახრილია [[შავი ზღვა|შავი ზღვისაკენ]] და გადაკვეთილია მცირე სიღრმის ხეობებით. იგი [[სამკუთხედი]]ს ფორმისაა, ფუძით [[შავი ზღვა|შავ ზღვას]] ებჯინება, ხოლო წვერი ქალაქ [[ზესტაფონი|ზესტაფონთან]] აქვს. აჭარასა და აფხაზეთში კოლხეთის დაბლობი ვიწრო ზოლად ვრცელდება. კოლხეთის დაბლობზე ზღვიური ტენიანი სუბტროპიკულ ჰავაა. იანვრის საშუალო ტემპერატურა 3,5–4-იდან 6–6,5°C-მდეა, აგვისტო 22–23°C. აბსოლუტური მინიმალური –8–10°C-მდეა, აბსოლუტური მაქსიმალური 37–38°C. იცის აღმოსავლეთის და დასავლეთის ქარები. დამახასიათებელია [[ფიონი|ფიონები]] და [[ბრიზი|ბრიზები]]. აჭარის სანაპიროზე წელიწადში 2500 მმ ნალექი მოდის. აღმოსავლეთისკენ ნალექები მცირდება 1200 მმ-მდე.

კოლხეთის დაბლობის მთავარი მდინარეა [[რიონი]] და მისი შენაკადები: [[ყვირილა]], [[ხანისწყალი]], [[ცხენისწყალი]], [[ტეხური]] და სხვა. კოლხეთის დაბლობს ეკუთვნის მდინარეების [[ენგური]]ს, [[კოდორი]]ს, [[სუფსა|სუფსისა]] და [[ნატანები]]ს ქვემო დინებები. მდინარეები საზრდოობს წვიმის, თოვლის, მიწისქვეშა და მყინვარული წყლით. წყალდიდობა [[გაზაფხული|გაზაფხულზეა]]. ბევრია ტბა. კოლხეთის დაბლობზე გავრცელებულია სუბტროპიკული ეწერი, ალუვიური, ჭაობიანი და ტორფიან-ჭაობიანი ნიადაგები. გორაკ-ბორცვებზე წითელმიწები და ყვითელმიწებია. დაბლობის ზღვისპირა ნაწილში ჭაობიანი ტყეებია, ჭარბობს [[მურყანი]] და [[ტირიფი]]. დაუჭაობებელ ნაწილში კოლხური ტყის ნარჩენებია, რომლის მთავარი ჯიშებია: [[მუხა]], [[რცხილა]], [[წიფელი]], წაბლი, [[ლაფანი]], [[ძელქვა]]. გავრცელებულია მარადმწვანე ბუჩქები და ლიანები.

კოლხეთის დაბლობზე ბინადრობს [[გარეული ღორი]], [[კურდღელი]], [[მელა]], [[შველი]], [[მგელი]], [[კვერნა]], [[წავი]]; [[ფრინველები]]დან [[კოლხური ხოხობი]], [[გარეული ბატი]], [[გარეული იხვი]], [[ტყის ქათამი]] და სხვა. კოლხეთის დაბლობზე არის [[კოლხეთის ნაკრძალი|კოლხიდის]], [[აჯამეთის სახელმწიფო ნაკრძალი|აჯამეთის]], [[სათაფლიის სახელმწიფო ნაკრძალი|სათაფლიის]] სახელმწიფო ნაკრძალები.

კოლხეთის დაბლობისათვის დამახასიათებელია ნოტიო სუბტროპიკული ტიპის ლანდშაფტი, რომელშიც გამოიყოფა ლანდშაფტის ქვეტიპი: ნოტიო სუბტროპიკული ვაკე-დაბლობი და დაბალი სტრუქტურულ-ეროზიული გორაკ-ბორცვები ლიანებიანი კოლხური ტყის ნაშთებითა და სუბტროპიკული ეწერი და დაჭაობებული ნიადაგებით. თავის მხრივ, აღნიშნული ქვეტიპი ლანდშაფტის რამდენიმე სახეს აერთიანებს. კოლხეთის დაბლობის უდიდესი ნაწილი მჭიდროდ არის დასახლებული და მაქსიმალურად არის ათვისებული მეურნეობისათვის.

== ლიტერატურა ==
{{ქსე|5|595|დევდარიანი გ.}}
* ''მარუაშვილი ლ.,'' საქართველოს ფიზიკური გეოგრაფია, ნაწ. 1-2, თბ., 1969-1970;
* ''სანებლიძე მ., უკლება დ., ჯაყელი ქ.,'' საქართველოს ლანდშაფტური რუკა, თბ.-მ., 1970

[[კატეგორია:საქართველოს დაბლობები]]