იხილეთ წყარო გვერდისთვის ლიმონი

{{მრავალმნიშვნელოვნება|ლიმონი|ლიმონი (მრავალმნიშვნელოვანი)}} 
{{ტაქსოდაფა
| სახელი =ლიმონი
| სურათის ფაილი = Citrus x limon - Köhler–s Medizinal-Pflanzen-041.jpg
| სურათის წარწერა =  
| სურათის აღწერა =  
| სამეფო = მცენარეები
| კლასი = [[ორლებნიანნი]]
| რიგი = 
| ქვერიგი = 
| ინფრარიგი = 
| ზეოჯახი = 
| ოჯახი = [[ტეგანისებრნი]]
| გვარი = [[ციტრუსები]]
| ლათ =  Citrus limon
| სექციის სახელი =
| სექციის ტექსტი =
| არეალის რუკა =
| არეალის რუკის წარწერა =
| არეალის რუკის სიგანე =
| არეალის ლეგენდა =
| ვიკისახეობები =
| itis =
| ncbi =
}}
'''ლიმონი''' (Citrus limon), მრავალწლოვანი მარადმწვანე სუბტროპიკული მცენარე [[ციტრუსები|ციტრუსოვანთა]] გვარის [[ტეგანისებრნი|ტეგანისებრთა]] ოჯახისა. ლიმონის ხის სიმაღლე 3—7 მ აღწევს. აქვს [[ეკალი (მცენარე)|ეკლებიანი]] ტოტები, ღია მწვანე მოგრძო ლანცეტისებრი ან მოგრძო კვერცხისებრი, კიდედაკბილული, ტყავისებრი ფოთლები. ყვავილი ორსქესიანია, თეთრი, არომატული. ნაყოფი მრავალბუდიანი კენჯრაა, სიგრძე 6—7 სმ, დიამეტრი 5—6 სმ (120გ-მდე), ნაყოფის ქერქი 2—5 მმ სისქისაა, ყვითელი, გლუვი ან ამობურცულია. ზეთოვანი ჯირკვლებითაა მოფენილი, მწარე, დამახასიათებელი არომატი აქვს. რბილობი მომწვანო-მოყვითალოი, წვრილმარცვლოვანი, წვნიანი, ძალიან მჯავეა. თესლი ღია ფერისაა, გლუვი, ნაყოფში დაახლოებით 20 ცალი ან მეტია.

ლიმონი სითბოს და სინათლის მოყვარე მცენარეა, ციტრუსოვან მცენარეთა შორის ყველაზე უფრო უყვარს ტენი. მისი სამშობლოა სამხრეთ-აღმოსავლეთი აზია. ველურად არ არის შენიშნული. მოშენებულია ხმელთაშუაზღვისპირეთში, აშშ-ის, მექსიკის, არგენტინისა და სხვა სუბტროპიკულ რაიონებში. ყოფილ სსრკ-ში 200 წელზე მეტია რაც მოჰყავთ. ღია გრუნტში ლიმონის მოშენების უმთავრესი რაიონებია კავკასიის შავი ზღვის სანაპირო, აზერბაიჯანი, შუა აზია. ლიმონი მოჰყავთ ტრანშეებში, აგრეთვე ოთახის პირობებში. ლიმონის ნაყოფი შეიცავს (%-ობით): მჟავებს (უმთავრესად ლიმონის) — 3,5—8,1, შაქრებს — 1,9—3, C ვიტამინს — 45—140 მგ 100 გ-ში, აგრეთვე P და B ვიტამინებს, პექტინოვან ნივთიერებებს, კრინის მარილებს, ფოსფორს, კალიუმს, კალციუმსა და მაგნიუმს.  იყენებენ ნედლად, წვენების წარმოებაში, ლიმონის მჟავად და სხვა. ლიმონს ამრავლებენ მყნობითა და კალმით. ნამყენი ლიმონი მსხმოიარობს მე-3 მე-4 წელს. მოსავალი ერთი ხიდან 150-300 ნაყოფია.

საქართველოში ლიმონის ნარგაობას დაახლოებით 1000 ჰა უკავია. ყინვით დაზიანების შემთხვევაში მისი მოსავლიანობა კლებულობს. საქართველოში ლიმონის მაქსიმალური წარმოება 4 ათას ტონამდე აღწევს.

<gallery>
Limnis yvavili.jpg|ლიმნის ყვავილი
Lemon, Lemon tree, Florence, Italy.jpg
Lemon - whole and split.jpg|
</gallery>

== იხილეთ აგრეთვე ==
* [[ციტრუსოვანი კულტურები]]

== ლიტერატურა ==
* ''ლეკვეიშვილი ი.'', ციტრუსოვანთა წარმოების მეცნიერული საფუძვლები, ნაწ. 1-2, თბ., 1978-1979;
* ''ლეკვეიშვილი ი., ბერაია ი.,'' სუბტროპიკული კულტურები, თბ., 1965;
* ''მჭედლიძე მ.,'' ლიმონი, თბ., 1948;
{{ქსე|6|240|ლეკვეიშვილი ი.}}

[[კატეგორია:ციტრუსები]]