იხილეთ წყარო გვერდისთვის მარცვლეულისა და მარცვლეული პროდუქტების მავნებლები

'''მარცვლეულისა და მარცვლეული პროდუქტების მავნებლები''', ''ბეღლის მავნებლები'' — [[ცხოველები]], რომლებიც ანადგურებენ და აზიანებენ [[მარცვლოვანნი|მარცვლეულს]] და მათ პროდუქტებს შენახვისა და გადაზიდვისას. შეუძლიათ დააზიანონ აგრეთვე ხმელი [[ხილი]], [[ბოსტნეული კულტურები]], [[სამკურნალო მცენარეები]], [[ტყავი]]სა და [[თამბაქო]]ს ნედლეული და სხვა. ასეთ მავნებლებს განეკუთვნებიან [[ობობასნაირნი]] (ზოგიერთი [[ტკიპა]]), [[მწერები]] (ზოგიერთი ხოჭო და პეპელა), [[ფრინველები]] ([[მტრედისნაირნი]] და [[ბეღურასნაირნი]]), [[ძუძუმწოვრები]] ([[თაგვისებრი მღრღნელები]]). სულ ასზე მეტი სახეობა. მათგან [[საქართველო]]ში დიდი ზიანი მოაქვთ ფქვილისა და წაგრძელებულ ტკიპებს; ბეღლისა და ბრინჯის ცხვირგრძელებს; სურინამულ, პატარა და ქარცი ფქვილჭამიებს, რქიანას, ფქვილის დიდ და პატარა ღრაჭუკას; პურის რკილს, მავრიტანულ ხოჭოს, მარცვლეულისა და ბეღლის ჩრჩილებს; წისქვილის, ბეღლის, ხილის, კაკაოს ალურებს და სხვებს; [[სახლის ბეღურა]]ს, [[გარეული მტრედი|მტრედს]], [[რუხი ვირთაგვა|რუხ]] და [[შავი ვირთაგვა|შავ ვირთაგვას]], [[სახლის თაგვი|სახლისა]] და [[ტყის თაგვი|ტყის თაგვებს]], [[მემინდვრიები|მემინდვრიებს]].

==ბრძოლის ღონისძიებანი==
'''გამაფრთხილებელი (პროფილაქტიკური)'''
*საცავების, გადამმუშავებელი საწარმოების ტერიტორიის, მანქანების, მექანიზმებისა და საწყობის ინვენტარის გაწმენდა-გასუფთავება, მათი დეზინსექცია; მარცვლეულისა და მარცვლეულის პროდუქტების შენახვის სანიტარულ-ჰიგიენური წესების დაცვა; 

'''გამანადგურებელი (ფიზიკურ-მექანიკური და ქიმიური)'''
* ''ფიზიკურ-მექანიკური'' დაზიანებული მარცვლეულისა და ბურღულის გაწმენდა მარცვალ-საწმენდი მანქანებით, ფქვილის გაცრა, კედლების, ტარის და მანქანების გაწმენდა მტვერსასრუტით; მარცვლეულის გაშრობა, განიავება, ვენტილაცია; მაიონიზებელი გამოსხივების გამოყენება.

* ''ქიმიური'' ცარიელი საწყობების სველი დეზისექცია (ქლოროფოსი, ტრიქლორმეტაფოს-3), აეროზოლის გამოყენება (ინსექტიციდის მბოლავი კოჭები), ფუმიგაცია (ბრომმეთილი და სხვა). ფრინველებისაგან მარცვლეულისა და მარცვლეული პროდუქტების დასაცავად საჭიროა ფანჯრების, კარების, სავენტილაციო მილების და სხვა ადგილების ბადით დაფარვა.

==იხილეთ აგრეთვე==
*[[დერატიზაცია]] — [[თაგვისებრი მღრღნელები|თაგვისებრ მღრღნელებთან]] ბრძოლის შესახებ.

==ლიტერატურა==
{{ქსე|6|473–474|ჭელიძე ი.}}

[[კატეგორია:სასოფლო-სამეურნეო მავნებლები]]
[[კატეგორია:პარაზიტები]]
[[კატეგორია:მარცვლეული კულტურები|მავნებლები]]