იხილეთ წყარო გვერდისთვის მატნის წმინდა ბარბარეს ეკლესია

'''მატნის წმინდა ბარბარეს ეკლესია''' — [[ეკლესია (ნაგებობა)|ეკლესია]] [[ახმეტის მუნიციპალიტეტი]]ს სოფელ [[მატანი|მატანში]], დგას სოფლის [[ჩრდილოეთი|ჩრდილო]]-[[აღმოსავლეთი|აღმოსავლეთ]] ნაწილში, ილიქეთის უბანში, ძველ [[სასაფლაო]]ზე. განეკუთვნება გვიანდელ [[შუა საუკუნეები|შუა საუკუნეებს]].

ეკლესია დარბაზულია (8,6 X 5 მ), შეიცავს სხვადასხვა პერიოდის ორ საამშენებლო ფენას. შენობის თავდაპირველი ნაწილი ნაგებია რიყის ქვით და სხვადასხვა ზომის ნატეხი ქვის ირეგულარული წყობით, დუღაბის სქელ ფენაზე. გვიან განახლებული ნაწილი ([[კამარა]], [[კონქი]], შესასვლელების თაღები) გამოყვანილია [[აგური]]თ. ეკლესია შიგნიდან და გარედან შელესილია. ეკლესიაში შესასვლელი [[სამხრეთი]]დან და [[დასავლეთი]]დანაა. სამხრეთ კარი კედლის დასავლეთ ნაწილშია, ხოლო დასავლეთისა, ღერძიდან ოდნავ [[ჩრდილოეთი]]თაა. ორივე შესასვლელი შიგნით თარაზულადაა გადახურული, გარედან - თაღოვანია. თაღი კედლის სწორკუთხა შეღრმავებაშია ჩასმული, რომელსაც აგურის საფეხუროვანი [[ფრიზი]] აგვირგვინებს. აღმოსავლეთით ოდნავ ნალისებრი [[აფსიდა]]ა, აბსიდის ღერძზე თაღოვანი [[სარკმელი]]ა. [[საკურთხეველი|საკურთხევლის]] შუაში აგურით ნაგები [[ტრაპეზი]] დგას. მეორე ტრაპეზი აბსიდის ჩრდილოეთ გვერდზეა მიშენებული. საკურთხეველი დარბაზის იატაკის მიმართ საფეხურითაა შემაღლებული და აბსიდის მხრების ხაზიდან რამდენადმე წინ წამოწეული. ეკლესიის დასავლეთ კედელში ერთი თაღოვანი სარკმელია. დარბაზი გადახურულია შეისრული კამარით. ეკლესიას [[შირიმი]]ს მაღალი [[ლავგარდანი]] აქვს. ლავგარდნის პროფილს შეადგენს თარო, წრეთარგი და ლილვი. დასავლეთ ფრონტონის წვერზე დგას აგურით ნაგები, ოთხივე მხარეს თაღებით გახსნილი, ვიწრო, სწორკუთხა [[სამრეკლო]]. ეკლესია გადახურულია ღარიანი [[კრამიტი]]თ.

==ლიტერატურა==
{{სძა|2|119-120|დვალი თ.}}

{{ახმეტის მუნიციპალიტეტის ტაძრები}}

[[კატეგორია:ახმეტის მუნიციპალიტეტის ტაძრები]]