იხილეთ წყარო გვერდისთვის მაჰმადი

{{ისლამის თემები}}
'''მაჰმადი''', '''მუჰამადი''' ({{lang-ar|محمّد}} — მუჰამმად; დ. დაახლ. [[570]]/[[571]], [[მექა]] — გ. [[8 ივნისი]], [[632]], [[მედინა]]) — [[ისლამი]]ს დამაარსებელი, [[რელიგია|რელიგიური]] მქადაგებელი და [[პოლიტიკა|პოლიტიკური]] მოღვაწე. მუსლიმანური ტრადიციის და [[ყურანი]]ს მიხედვით, [[ალაჰი]]ს უკანასკნელი [[მოციქული]], [[წინასწარმეტყველი]].     

ტრადიციული მუსლიმანური [[ბიოგრაფი|ბიოგრაფების]] მიხედვით მუჰამედი დაიბადა [[570]] წელს [[მექა]]ში და გარდაიცვალა [[632]] წლის 8 ივნისს [[მედინა]]ში, თანამედროვე [[საუდის არაბეთი]]ს ჰეჯაზის რეგიონში. სახელი ''მაჰმადი'' არაბულად ნიშნავს "განდიდებულს". [[ისლამი|ისლამში]] მუჰამედი ცნობილია როგორც "წინასწარმეტყველი" და "მაცნე". ყურანი მას ასევე მოიხსენებს როგორც "წინასწარმეტყველთა ბეჭედს".

მაჰმადის შესახებ თანამედროვეთა ცნობები არ შემონახულა. პირველი ბიოგრაფია მხოლოდ [[VIII საუკუნე]]ში დაწერა იბნისჰაკმა. მაჰმადი წარმოშობით იყო წარჩინებული, მაგრამ გაღარიბებული ბანუჰაშიმის გვარიდან, კურაიშთა ტომიდან. მაჰმადი არაბეთსა და მის ფარგლებს გარეთ გაეცნო [[იუდაიზმი|იუდაისტურ]], ქრისტიანულ [[მონოთეიზმი|მონოთეიზმს]] და სხვა რელიგიას, პოლიტიკურ მოძღვრებას. 40 [[წელი|წლის]] მდიდარი [[მექა|მექელი]] ვაჭრის ქვრივზე, ხადიჯეზე ხელსაყრელმა დაქორწინებამ 25 [[წელი|წლის]] მაჰმადს საშუალება მისცა მთელი დრო დაეთმო თავისი რელიგიურ-[[ეთიკა|ეთიკური]] პრობლემებისათვის. გადმოცემის მიხედვით, დაახლოებით [[609]] (ან [[610]]) [[რამადანი]]ს თვეში, ჰირის მთაზე (მექის ახლოს) მთავარანგელოზმა ჯიბრაილმა (გაბრიელმა) მაჰმადს უკარნახა წმინდა წიგნი „ყურანი“ და დაავალა [[ხალხი]]სათვის მისი გაცნობა. მაჰმადი ახალი მოძღვრებით მკაცრად ილაშქრებდა წარმართული სარწმუნოების წინააღმდეგ.

მაჰმადი თავისი მოღვაწეობის პირველ ხანებში დიდ წინააღმდეგობებს წააწყდა და იძულებული გახდა მომხრეებითურთ 622 წელს გადასულიყო იასრიბში (მედინაში). ამ გადასახლებას შემდგომ ''',,ჰიჯრა"''' ეწოდა და ეს თარიღი მუსლიმური წელთაღრიცხვის დასაწყისად იქცა. [[630]]–[[631]] წლებში [[მუსლიმანები|მუსლიმანებმა]] მაჰმადის მეთაურობით დაიმორჩილეს მექა. შემდეგ კი [[არაბეთი]]ს სხვა რაიონებზეც გაავრცელეს ძალაუფლება. მაჰმადი გახდა მისივე შექმნილი პირველი ისლამური [[თეოკრატია|თეოკრატიული]] [[სახელმწიფო]]ს მეთაური.

მაჰმადი დასაფლავებულია [[მედინა]]ში. მაჰმადის აკლდამა არის მუსლიმანთა მეორე წმინდა ადგილი [[ქააბა]]ს შემდეგ.

==ლიტერატურა==
{{ქსე|6|524|ფანჯიკიძე, თ.}}
== რესურსები ინტერნეტში ==

=== არამუსლიმანი ბიოგრაფები ===
* [http://www.cyberistan.org/islamic/quote1.html არა მუსლიმების შეხედულება მუჰამედზე]
* [http://www.britannica.com/eb/article-9105853/Muhammad მაჰმადი], ონლაინ ბრიტანიკას სტატია
* [http://www.pbs.org/muhammad Muhammad: მოციქულის მემკვიდრეობა — PBS Site]
* [http://www.upf.tv/upf06/Projects/MuhammadDocumentary/tabid/175/Default.aspx მაჰმადი: მოციქულის მემკვიდრეობა — UPF (Producer's Site)] {{Webarchive|url=https://web.archive.org/web/20090205025734/http://www.upf.tv/upf06/Projects/MuhammadDocumentary/tabid/175/Default.aspx |date=2009-02-05 }}

=== მუსლიმანი ბიოგრაფები ===
* [http://www.witness-pioneer.org/vil/Books/MH_LM/default.htm მაჰმადის ცხოვრება] [Muhammad Husayn Haykal]
* [http://msawest.net/islam/11-prophet მოციქულ მაჰმადი შესახებ (MSA West)] {{Webarchive|url=https://web.archive.org/web/20120306060427/http://msawest.net/islam/11-prophet |date=2012-03-06 }}

{{წინასწარმეტყველები ყურანში}}

[[კატეგორია:ისლამი]]
[[კატეგორია:მაჰმადი| ]]
[[კატეგორია:დაბადებული  570]]
[[კატეგორია:დაბადებული  571]]
[[კატეგორია:გარდაცვლილი 8 ივნისი]]
[[კატეგორია:გარდაცვლილი 632]]
[[კატეგორია:რელიგიების დამაარსებლები]]
[[კატეგორია:ყურანის წინასწარმეტყველები]]