იხილეთ წყარო გვერდისთვის ნიკიას ზავი

'''ნიკიას ზავი''' — სამშვიდობო ხელშეკრულება [[სპარტა]]ს და [[ათენი|ათენს]] შორის. ზავის შედეგად დასრულდა [[პელოპონესის ომი]]ს პირველი ეტაპი - არქიდამეს ომი.

[[ძვ. წ. 421]] წლისათვის ორივე მებრძოლმა მხარემ ([[დელოსის კავშირი]] და [[პელოპონესის კავშირი]]) ამოწურა თავისი ძალები დამქანცველ ათწლიან ომში. ორივე კავშირი გამარჯვების მოლოდინში დამარცხებებს ითმენდა, მაგრამ ძირეული გარდატეხა ომში, რომელშიც დაუძლურდა ორივე მხარე, არ მომხდარა. [[ამფიპოლისის ბრძოლა]]ში ომის მომხრეების, ათენელი [[კლეონი]]სა და სპარტელი [[ბრასიდა]]ს სიკვდილმა ორივე პოლისში მშვიდობის მომხრეთა გავლენა გააძლიერა. 

სამშვიდობო ზავის ინიციატორები იყვნენ სპარტის მეფე [[პლისტოანაქტი]] და ათენელი სახელმწიფო მოღვაწე და სარდალი [[ნიკია]]. მოლაპარაკებები დაიწყო [[ძვ. წ. 421]] წლის ზამთარში. დიდი სჯა-ბაასისა და პრეტენზიების წაყენების შემდეგ მხარეები შეთანხმდნენ, რომ ომში დაპყრობილი ყველა ტერიტორია დაებრუნებინათ.

ნიკიას ზავმა ვერ დაძლია ის წინააღმდეგობები, რომელმაც ომს დასაბამი მისცა. ზავის მოქმედება გაგრძელდა სულ 6 წელი. ამის შემდეგ დაიწყო სამხედრო მოქმედებები, რომლშიც კვლავ ჩაერთნენ ათენიც და სპარტაც.  

== იხილეთ აგრეთვე ==
* [[სამშვიდობო ხელშეკრულებების სია]]

==რესურსები ინტერნეტში==
*[http://www.livius.org/pb-pem/peloponnesian_war/war_t04.html ნიკიას ზავის ტქსტი] {{Webarchive|url=https://web.archive.org/web/20100218031448/http://www.livius.org/pb-pem/peloponnesian_war/war_t04.html |date=2010-02-18 }}

{{პელოპონესის ომი}}

[[კატეგორია:სამშვიდობო ხელშეკრულებები]]
[[კატეგორია:ძველი საბერძნეთი]]