იხილეთ წყარო გვერდისთვის ნიკოლოზ იოსელიანი

{{მმ*|იოსელიანი}}
'''ნიკოლოზ (ჯვებე) პავლეს ძე იოსელიანი''' (დ. [[1 აგვისტო]], [[1894]], [[კვათანა]] — გ. [[9 მარტი]], [[1928]], [[თბილისი]]) — [[ქართველები|ქართველი]] ზოოტექნიკოსი.

==ბიოგრაფია==
დაწყებითი განათლება მიიღო მშობლიური სოფლის სკოლაში. მალე ოჯახი გადავიდა თბილისში და ყმაწვილმა სწავლა განაგრძო ქართულ გიმნაზიაში. [[1915]] წელს შევიდა ხარკოვის სასოფლო-სამეურნეო ინსტიტუტში, რომელიც ვერ დაამთავრა ჯარში გაწვევის გამო. დემობილიზაციის შემდეგ სწავლასმოწყურებული ახალგაზრდა გერმანიაში გაემგზავრა და ჩაირიცხა ბონის აგრონომიულ აკადემიაში რომელიც დაასრულა [[1921]] წელს პირველი ხარისხის სწავლული აგრონომის წოდებით. შემდეგ სადოქტორო დისერტაციის მოსამზადებლად გადავიდა ქ. ჰალეში. აქ, ცნობილ პროფესორ ფროლიხთან წლინახევრის ნაყოფიერი მუშაობის შემდეგ წარმატებით დაიცვა დოქტორის სამეცნიერო ხარისხი.

ჯვებე იოსელიანი ერთ ხანს დარჩა გერმანიაში და მუშაობა განაგრძო ზოოლოგიის ცნობილ სპეციალისტთან პროფესორ გეკერთან. [[1923]] წელს სამშობლოში დაბრუნებული ღრმადგანათლებული ინტელიგენტი მიიწვიეს აგრონომიული ფაკულტეტის დოცენტად, მიანდვეს ზოოტექნიკის კათედრა, ხოლო შემდეგ სათავეში ჩაუდგა მის მიერვე დაარსებულ შინაურ ცხოველთა მომშენებლობასა და გენეტიკის კათედრას. იგი ფართო მეცნიერულ მუშაობას ეწეოდა მუხრანის სასწავლო მეურნეობაში, კათედრის სასწავლო-ექსპერიმენტულ ჯოგებში საფუძვლიანად შეისწავლა ცხოველთა ადგილობრივი ჯიშების გენოფონდი, ადგილობრივ ჯიშებთან შემოყვანილი ჯიშების შეჯვარება-შეგუებისა და სხვა მნიშვნელოვანი საკითხები.

[[1927]] წელს ჯვებე იოსელიანი გადაიყვანეს საქართველოს სახელმწიფო მუზეუმის დირექტორის მოადგილედ, სადაც სამეცნიერო საქმიანობას განაგრძობდა იქვე, მუზეუმის ზოოლოგიის განყოფილებაში.

დაკრძალულია [[დიდუბის პანთეონი|მწერალთა და საზოგადო მოღვაწეთა დიდუბის პანთეონში]].

==ლიტერატურა==
* ''ზ. ბაბუნაშვილი, თ. ნოზაძე'', „მამულიშვილთა სავანე“, გვ. 190, თბილისი, 1994

{{DEFAULTSORT:იოსელიანი, ნიკოლოზ}}
 
[[კატეგორია: ქართველი ზოოტექნიკოსები]]
[[კატეგორია:დაბადებული 1 აგვისტო]]
[[კატეგორია:დაბადებული  1894]]
[[კატეგორია:გარდაცვლილი 9 მარტი]]
[[კატეგორია:გარდაცვლილი 1928]]
[[კატეგორია:აბაშის მუნიციპალიტეტში დაბადებულები]]
[[კატეგორია:დიდუბის პანთეონში დაკრძალულები]]