იხილეთ წყარო გვერდისთვის ნონოს პანოპოლელი

'''ნონოს პანოპოლელი''' ([[ბერძნული ენა|ბერძნ]]. Νόννος ὁ Πανοπολίτης, ''Nónnos ho Panopolítēs'') — [[ბერძნები|ბერძენი]] [[პოეტი]], ბერძნული ეპიკური პოეზიის სკოლის დამაარსებელი. ავტორია რამდენიმე თხზულებისა. მათ შორის განსაკუთრებულ ყურადღებას იმსახურებს „დიონისიაკა“ („Διονυσιακά“), რომელიც 48 წიგნისგან შედგება და აღწერს [[დიონისე|დიონისეს]] ლაშქრობას აღმოსავლეთში [[ვენახი|ვენახის]] კულტურის გავრცელების მიზნით. ამას გარდა მასვე ეკუთვნის „იოანეს სახარების“ გალექსვა.

== ბიოგრაფია ==
ნონოსის ცხოვრების შესახებ ბევრი არაფერია ცნობილი. ის ფაქტი, რომ პანოპოლისიდან იყო, ჩანს „პალატინის ანთოლოგიის“ 9.198 ეპიგრამიდან: „მე ვარ ნონოსი, ჩემი ქალაქია პანოსი.“ არ არის ზუსტად განსაზღვრული, თუ რა პერიოდში მოღვაწეობდა. ზოგადი მონაცემებით უნდა ემოღვაწა IV - V  საუკუნეებში.<ref>Fornaro, S. s.v. Nonnus in ''Brill's New Pauly'' vol. 9 (ed. Canick & Schneider) (Leiden, 2006) col.812–815 </ref> ასევე, უნდა ეცხოვრა კლაუდიანის თხზულების, „გიგანტომაქის“ (ახ. წ. 394–397) შემდგომ პერიოდში. ნონოსს იხსენიებს თავის თხზულებაში [[აგათია სქოლასტიკოსი]], რაც იმის მიმანიშნებელია, რომ VI საუკუნეზე გვიან ვერ იქნებოდა. 

== დიონისიაკა ==
ნონოსის უმთავრესი თხზულებაა „დიონისიაკა“(„Διονυσιακά“), რომელიც შედგება 48 წიგნისაგან და წარმოადგენს ყველაზე ვრცელ ეპიკურ თხზულებას [[ანტიკური ხანა|ანტიკური პერიოდიდან,]] რომელმაც დღემდე მოაღწია. პოემა დაწერილია დაქტილური ჰექსამეტრით, რაც იმ პერიოდისათვის საკმაოდ დიდ სირთულეს წარმოადგენდა: მთლიანად იყო მოშლილი გრძელ და მოკლე ხმოვნებს შორის განსხვავება. თუ რამდენად ბაძავს ნონსი [[ჰომეროსი|ჰომეროსს]] ჰექსამეტრის გამართვაში, შეიძლება იქიდან დავრწმუნდეთ, რომ მთელი წიგნის მანძილზე ანტიკური [[მეტრიკა|მეტრიკის]] წესების დარღვევის მხოლოდ რამდენიმე ათეული შემთხვევაა<ref>[[მეთოდე ოლიმპოელი#cite ref-1|↑]] ყაუხჩიშვილი სიმონ, ბერძნული ლიტერატურის ისტორია, ტ. 3, ბიზანტიური პერიოდის ლიტერატურა, 1973, გვ. 56.</ref>. 

პოემის შინაარსს წარმოადგენს ბერძნული პანთეონის ღმერთის, დიონისეს, მოგზაურობა შორეულ აღმოსავლეთში, [[ინდოეთი|ინდოეთში]]. მისი მიზანია ვენახის კულტურის დანერგვა და განვითარება. ნონოსის პოემაში გამოყენებული თქმულება დიონისეზე განვითარდა [[ალექსანდრე მაკედონელი|ალექსანდრე მაკედონელის]] ლეგენდარული ლაშქრობიდან ინდოეთის წინააღმდეგ და ალექსანდრეს შედარებიდან დიონისესთან. ალექსანდრეს ბრძოლაც მტრების წინააღმდეგ შედარებულია დიონისეს ბრძოლასთან გიგანტების წინააღმდეგ.

==სქოლიო==
{{სქოლიოს სია}}

[[კატეგორია:ბიზანტიელები]]
[[კატეგორია:ბიზანტიელი მწერლები]]