იხილეთ წყარო გვერდისთვის ოსირისი

[[ფაილი:Standing Osiris edit1.svg|thumb|200px|ოსირისი]]
{{Hiero|ოსირისი |<hiero>Q1:D4-A40</hiero>|align=right|era=egypt}} 
'''ოსირისი''' (ეგვიპტურად „უსირ“) — ძველ ეგვიპტურ მითოლოგიაში ერთ-ერთი უმთავრესი ღვთაება; მცენარეულობისა და წყლის ღმერთი, მიცვალებულთა მფარველი და მსაჯული. დედამიწის ღვთაების გების და ცის ქალღმერთის ნუტის ძე, [[ისიდა]]ს ქმარი და ძმა, ჰორის მამა. ძვ. წ. III ათასწლეულის შუა ხანებიდან ოსირის კულტი ქალაქ ბუსირისიდან მთელ ეგვიპტეში გავრცელდა. კულტის ცენტრი ქალაქი [[აბიდოსი (ეგვიპტე)|აბიდოსი]] გახდა. ყოველწლიურად აბიდოსში ქურუმები ოსირისის მთის ეპიზოდებს ხალხის წინაშე დრამატულ სცენებად წარმოადგენდნენ. მითის მიხედვით, ოსირისი  თავის სამეფოს (დედამიწას) ბრძნულად და სამართლიანად მართავდა. შურის გამო იგი მოუკლავს ძმას — სეთის, უდაბნოს ბოროტ ღვთაებას, და მისი გვამი მდინარე [[ნილოსი|ნილოსში]] ჩაუგდია. ისიდას უპოვნია ქმრის ცხედარი, მაგრამ სეთის იგი მოუპარავს, 40 ნაწილად დაუყვია (ნომთა რიცხვის შესატყვისად) და მთელ [[ეგვიპტე]]ში მიმოუბნევია. დიდი ძებნის შემდეგ ისიდას შეუგროვებია ოსირისის გვამის ნაწილები და გაუცოცხლებია. ბერძნულ-რომაულ ეპოქაში ოსირისის კულტი ფართოდ გავრცელდა ეგვიპტის ფარგლებს გარეთ. ოსირისის კულტი, მკვდარი და აღმდგარი ღვთაებისა ბუნებას განასახიერებდა.

== ოსირისის სამსჯავრო ==
ეგვიპტელებს სწამდათ, რომ დასავლეთის კარიბჭესთან, მაღალ ტახტზე იჯდა ოსირისი. სიკვდილის ღმერთს მასთან გარდაცვლილები მიჰყავდა, რომლებიც შემდეგ სიტყვებს წარმოთქვამდნენ:

* „მე ხალხისთვის ბოროტება არ მომიტანია“,
* „არ მიქურდავს“,
* „არ მიყაჩაღია“,
* „არ მომიკლავს და მოკვლა არ მიბრძანებია“,
* „არავისთვის ტანჯვა-წამება არ მიმიყენებია“,
* „სუსტი არ დამიჩაგრავს“.

ამის შემდეგ გარდაცვლილი სასწორთან მიჰყავდათ. სასწორის ერთ-ერთ თეფშზე მის გულს, ხოლო მეორეზე ქალღმერთ [[მაატი]]ს თუ გარდაცვლილი ცრუობდა, ცოდვებით დამძიმებული გული სასწორს თავის მხარეს დახრიდა და იგი საშინელი ურჩხულების მსხვერპლი გახდებოდა. თუ არ ცრუობდა, სასწორი გაწონასწორდებოდა და გარდაცვლილი დასავლეთის ქვეყანაში გადადიოდა.

==ლიტერატურა==
{{ქსე|ტ7|594|შენგელია ლ.}}
* Martin A. Larson, The Story of Christian Origins (1977, 711 pp.&nbsp;ISBN 0-88331-090-2 ).
* C. W. Leadbeater, Freemasonry and its Ancient Mystic Rites (Gramercy, 1998) ISBN 0-517-20267-0

== რესურსები ინტერნეტში ==
{{Commons category}}
*[http://www.aldokkan.com/religion/osiris.htm Ancient Egyptian God Osiris]

{{ეგვიპტური ღმერთები}}

[[კატეგორია:ეგვიპტური ღვთაებები]]