იხილეთ წყარო გვერდისთვის ოფიცერთა სახლი

[[სურათი:tbsofficershouse.jpg|მინი|ოფიცერთა სახლი]]
[[სურათი:tbsofficershouse_interior.jpg|მინი|დიდი დარბაზი]]
'''ოფიცერთა სახლი''' — [[თბილისი]]ს არტისტული წრისათვის („კრუუჟოკი“) ([[რუსთაველის გამზირი (თბილისი)|რუსთაველის გამზირი]] N16) 1916 წელს აიგო არქიტექტორ [[დავიდ ჩისლიევი]]ს პროექტით. შენობა ევროპული [[ნეოკლასიციზმი]]ს ნიმუშია.

შენობა გრძივად მიჰყვება გამზირს, ბესიკის ქუჩის კუთხესთან კი მომრგვალებულია. პირველი სართული რუსტირებულია და ფართო სწორკუთხა ღიობებით არის დანაწევრებული. ვარდისფერი ქვით მოპირკეთებულ გამზირისპირა ფასადზე სამკუთხა [[ფრონტონი]]თ დაგვირგვინებული ფართო [[რიზალიტი]] გამოიყოფა. ფასადს რუხი ქვის გიგანტური სადა [[პილასტრი|პილასტრები]] ანაწევრებს. ქვის გიგანტური პილასტრებით არის გამოყოფილი ნაგებობის მომრგვალებული კუთხეც, რომლის აივნების შემკულობა ([[დორიული ორდერი|დორიული სვეტები]] II სართულზე; მოქანდაკე [[იაკობ ნიკოლაძე|იაკობ ნიკოლაძის]] შესრულებული კარიატიდები III სართულზე) და მძლავრი [[ანტაბლემენტი]] არსებითია შენობის მხატვრული ხასიათისთვის.

1918 წლიდან ნაგებობის სარდაფში გამართული იყო კეფე „არგონავტთა ნავი“, რომელიც მხატვრებმა [[კირილ ზდანევიჩი|კირილ ზდანევიჩმა]], [[ლადო გუდიაშვილი|ლადო გუდიაშვილმა]] და [[ალექსანდრე ბაჟბეუქ-მელიქოვი|ალექსანდრე ბაჟბეუქ-მელიქოვმა]] მოხატეს.

ამჟამად შენობაში განთავსებულია: გალარეა TMS, საქართველოს ხალხური სიმღერისა და ცეკვის სახელმწიფო აკადემიური ანსამბლი „[[ერისიონი]]“ და სხვ.

==ლიტერატურა==
* „საქართველოს ძველი ქალაქები: თბილისი“, 2006 წელი, ISBN 99940-0-923-0. 

[[კატეგორია:თბილისის არქიტექტურული ძეგლები]]
[[კატეგორია:რუსთაველის გამზირი]]