იხილეთ წყარო გვერდისთვის პეროჟავრი სივნიელი

'''პეროჟავრი სივნიელი''' - [[საქართველოს მართლმადიდებელი სამოციქულო ეკლესია|საქართველოს ეკლესიის]] [[წმინდანი]]. ხსენების დღე ([[სალომე უჯარმელი|სალომე უჯარმელთან]] ერთად) – ძველი სტილით [[15 იანვარი]], ახალი სტილით - [[28 იანვარი]]. ქართველთა განმანათლებლის, [[წმინდა ნინო]]ს (ხს. ძვ. სტილით 14 იანვარს და 19 ივნისს; ახ. სტილით 27 იანვარს და 1 ივნისს) ერთ-ერთი უახლოესი თანაშემწე. პეროჟავრი [[ქართლი]]ს [[ერისთავი]]ს დედა იყო. 
წმიდა ნინო დაბა [[ბოდი|ბოდში]] დასნეულდა. ავადმყოფთან სასწრაფოდ შეიკრიბნენ სამეფო ოჯახის წევრები და ქართლის სამეფოს დიდებულები, რომელთა შორის იყვნენ [[სალომე უჯარმელი]] და პეროჟავრი სივნიელიც. დედოფლებს "დამოსდიოდეს ნაკადულნი ცრემლთანი თუალთაგან მათთა განშოვრებისათჳს მოძღურისა, მოღუ[ა]წისა და სნეულთა მკურნალისა ჴელოვნისა". მათ სასიკვდილო სარეცელს მიჯაჭვულ წმიდანს ჰკითხეს: "ვინაჲ ანუ ვითარ მოშუერ შენ ქუეყანასა ჩუენსა მაცხოვრად ჩუენდა, ანუ სადა-მე იყო აღზრდაჲ შენი, დედოფალო? მაუწყე ჩუენ საქმე შენი! რაჲსა იტყჳ ტყუეობასა, ტყუეთა მჴსნელო, სანატრელო!".<ref>"მოქცევაჲ ქართლისაჲ", შატბერდის კრებული X საუკუნისა, ბ. გიგინეიშვილისა და ელ. გიუნაშვილის გამოც., თბ., 1979;</ref><ref>ძველი ქართული აგიოგრაფიული ლიტერატურის ძეგლები, ილ. აბულაძის რედ., წგნ. 1, თბ., 1963.</ref>

წმიდა [[სალომე უჯარმელი|სალომე უჯარმელმა]] და პეროჟავრი სივნიელმა ჩაიწერეს ქართველთა განმანათლებლის, [[წმიდა ნინო|წმიდა მოციქულთასწორი ნინოს]] ცხოვრება. მათ ხსნებას [[საქართველოს მართლმადიდებელი სამოციქულო ეკლესია|საქართველოს სამოციქულო ეკლესია]] აღნიშნავს ძვ. სტილით [[15 იანვარი|15 იანვარს]], ახ. სიტილით [[28 იანვარი|28 იანვარს]], [[წმიდა ნინო| წმიდა ნინოს]] ხსენების მომდევნო დღეს.

== ლიტერატურა ==
*„წმიდანთა ცხოვრება“, ტომი I, თბილისი, 2001 წ. გვ. 65-66 
* ლ. პატარიძე, პეროჟავრ სივნიელის ვინაობისათვის, ქართული წყაროთმცოდნეობა XII, თბ., 2010, გვ . 139–143

== სქოლიო ==
{{სქოლიო}}

[[კატეგორია:IV საუკუნის ქრისტიანი წმინდანები]]
[[კატეგორია:ქართველი წმინდანები]]