იხილეთ წყარო გვერდისთვის პოლიკარპე კევლიშვილი

'''პოლიკარპე კევლიშვილი''' (დ. [[1894]], სოფ. [[დვირი (ბორჯომის მუნიციპალიტეტი)|დვირი]], ახლანდ. [[ბორჯომის მუნიციპალიტეტი]], — გ. [[1 ოქტომბერი]], [[1937]]) — [[ქართველები|ქართველი]] სამხედრო პირი, კომბრიგი ([[1935]]).

[[1915]] წელს მობილიზებული იყო [[რუსეთის იმპერია|რუსეთის იმპერიის]] არმიაში. [[1916]] წელს დაამთავრა [[დუშეთი]]ს პრაპორშჩიკთა სკოლის კურსები. მონაწილეობდა [[პირველი მსოფლიო ომი|პირველ მსოფლიო ომში]]. [[1918]]-[[1921]] წლებში იყო [[საქართველოს დემოკრატიული რესპუბლიკა|საქართველოს]] ჯარის პორუჩიკი, მეტყვიამფრქვეველთა რაზმის უფროსი. 1921 წლის მარტიდან მსახურობდა [[წითელი არმია|წითელ არმიაში]]. იყო აფხაზეთის საგანგებო კომისიის განსაკუთრებული დანიშნულების ბატალიონის მეთაური (1921-[[1922]]), [[გორის მაზრა|გორის მაზრის]] სამხედრო კომისრის თანაშემწე, 1924 წლის მაისიდან — მე-3 ქართული მსროლელი პოლკის ბატალიონის უფროსი, [[1926]] წლიდან — მე-4 ქართული მსროლელი პოლკის უფროსის თანაშემწე და სამხედრო კომისარი, [[1931]] წლიდან — კავკასიის წითელდროშოვანი არმიის შტაბის მე-5 განყოფილების უფროსის მოადგილე, [[1932]] წლიდან კი იმავე განყოფილების უფროსი, [[1933]] წლიდან — კავკასიის წითელდროშოვანი არმიის შტაბის სამხედრო მომზადების განყოფილების უფროსი. 1935 წლის თებერვალში დაინიშნა 1-ლი კავკასიური (შემდეგში მე-9 წითელდროშოვანი) სამთო-მსროლელი დივიზიის მეთაურად. 1937 წლის ივლისში დააპატიმრეს სამხედრო შეთქმულებაში მონაწილეობის ბრალდებით და მოგვიანებით დახვრიტეს. რეაბილიტირებულია [[1957]] წელს. დაჯილდოებული იყო [[წითელი დროშის ორდენი|წითელი დროშის]] (1936) და [[საქართველოს სსრ]] [[შრომის წითელი დროშის ორდენი|შრომის წითელი დროშის]] (1931) ორდენებით.

==ლიტერატურა==
* Сувениров О. Ф. Трагедия РККА 1937-1938. — M.: TEPPA, 1998. — ISBN 5-300-02220-9. — გვ. 406.

==რესურსები ინტერნეტში==
* [http://www.nplg.gov.ge/gwdict/index.php?a=term&d=26&t=7406 კევლიშვილი პოლიკარპე გედევანის ძე]. სტალინური სიები საქართველოდან [ელექტრონული მონაცემთა ბაზა] 

{{DEFAULTSORT:კევლიშვილი, პოლიკარპე}}
[[კატეგორია:დაბადებული 1894]]
[[კატეგორია:გარდაცვლილი 1937]]
[[კატეგორია:გარდაცვლილი 1 ოქტომბერი]]
[[კატეგორია:ქართველი სამხედრო მოღვაწეები]]
[[კატეგორია:საბჭოთა კავშირის რეპრესიების მსხვერპლნი საქართველოში]]
[[კატეგორია:წითელი დროშის ორდენის კავალრები]]
[[კატეგორია:საქართველოს სსრ–ის შრომის წითელი დროშის ორდენის კავალრები]]
[[კატეგორია:ქართველები პირველ მსოფლიო ომში]]
[[კატეგორია:ბორჯომის მუნიციპალიტეტში დაბადებულები]]