იხილეთ წყარო გვერდისთვის რამონ სანჩეს პისხუანი (სტადიონი)

{{ინფოდაფა სტადიონი
| სახელი                = რამონ სანჩეს პისხუანი 
| მეტსახელი          = ლა ბომბონერა
| სურათი          = Estadio Ramón Sánchez Pizjuán Preferencia and Gol Norte-2007-04-05.jpg
| წარწერა        = ხედი ჩრდილოეთ-აღმოსავლეთ ტრიბუნიდან
| სრული სახელი            = Estadio Ramón Sánchez Pizjuán
| მდებარეობა            = [[სევილია]], [[ესპანეთი]]
| აშენდა               = 1955
| გაიხსნა              = 1958 წლის 7 სექტემბერი
| მესაკუთრე               = [[სევილია (საფეხბურთო კლუბი)|ს.კ. სევილია]]
| ოპერატორი            = [[სევილია (საფეხბურთო კლუბი)|ს.კ. სევილია]]
| არქიტექტორი           = [[ჯეიმზ კოქსი]]/[[მანუელ მუნიოს მონასტერიო]]
| ტევადობა            = 42 500
}}
'''რამონ სანჩეს პისხუანის სახელობის სტადიონი''' ([[ესპანური ენა|ესპ]]. Estadio Ramón Sánchez-Pizjuán) — საფეხბურთო კლუბ [[სევილია (საფეხბურთო კლუბი)|„სევილიის“]] საშინაო არენა, სადაც გუნდი მართავს [[ესპანეთის პრიმერა დივიზიონი|ესპანეთის ჩემპიონატის]], [[კოპა დელ რეი|ესპანეთის სამეფო თასის]], [[უეფა-ს ევროპის ლიგა|ევროპა ლიგის]], [[ჩემპიონთა ლიგა|ჩემპიონთა ლიგის]] და სხვა ტურნირების მატჩებს. ტევადობა — 45 500. წლების მანძილზე სტადიონმა უმასპინძლა ისეთ მნიშვნელოვან მატჩებს, როგორიცაა [[ჩემპიონთა თასის ფინალი (1986)]] და [[მსოფლიო საფეხბურთო ჩემპიონატი 1982|მსოფლიოს ჩემპიონატის ნახევარფინალი (1982)]].

სტადიონი ოფიციალურად გაიხსნა [[1958]] წლის [[7 სექტემბერი|7 სექტემბერს]]. იმ დღეს გაიმართა [[სევილია (საფეხბურთო კლუბი)|„სევილიასა“]] და [[რეალ ხაენი|„რეალ ხაენს“]] შორის მატჩი, რომელიც საყაიმო ანგარიშით, 3-3 დასრულდა. სტადიონის მშენებლობის მოთავე იყო კლუბის ლეგენდარული პრეზიდენტი, [[რამონ სანჩეს პისხუანი]]. პისხუანი სტადიონის გახსნიდან მალევე გარდაიცვალა. მისმა მემკვიდრემ, [[რამონ დე კარანსა|რამონ დე კარანსამ]] რამონ სანჩეს პისხუანის პატივსაცემად სტადიონს მისივე სახელი უწოდა.

სანჩეს პისხუანმა [[1982]] წელს უმასპინძლა მსოფლიოს ჩემპიონატის ნახევარფინალურ დაპირისპირებას საფრანგეთსა და დასავლეთ გერმანიას შორის. სევილიაში ნამდვილი სუპერმატჩი შედგა. გუნდებმა ძირითადი დრო 1-1 ითამაშეს, დამატებით ტაიმებში ფრანგებმა 2 ბურთის გატანა შეძლეს, თუმცა გერმანელებმა 102-ე და 108-ე წუთებზე გატანილი გოლებით წონასწორობა აღადგინეს და შეხვედრა პენალტების სერიაში გადავიდა. ე.წ. საფეხბურთო ლატარეაში გამარჯვებული დასავლეთ გერმანია გამოვიდა (5-4). [[1986]] წელს ჩემპიონთა თასის ფინალიც, რომელიც სანჩეს პისხუანზე გაიმართა, ასევე დრამატული გამოდგა. ერთმანეთს [[სტიაუა (საფეხბურთო კლუბი)|„სტიაუა“]] და [[ბარსელონა (საფეხბურთო კლუბი)|„ბარსელონა“]] დაუპირისპირდნენ. უგოლო ტაიმების შემდეგ პენალტების სერიაში რუმინელებმა იმარჯვეს (2-0).

სტადიონს თავდაპირველად კარებების უკან მეორე იარუსი არ ჰქონდა, რაც [[1974]] წელს დაემატა. შედეგად სანჩეს პისხუანს შეეძლო 70 000 მაყურებლის დატევა. 90-იან წლებში სტადიონზე დამონტაჟდა სკამები, რამაც სტადიონის ტევადებოდა შეამცირა. ასევე ახალი ათასწლეულის დასაწყისში კლუბი აპირებდა მასშტაბური გეგმის განხორციელებას და სტადიონისთვის მესამე იარუსისა და სახურავის დამატებას, თუმცა პროექტის რეალიზება ვერ მოხერხდა.

==რესურსები ინტერნეტში==
*[http://www.stadiumguide.com/ramonsanchez/ რამონ სანჩესის სტადიონი]
*[http://footballtripper.com/estadio-ramon-sanchez-pizjuan-sevilla/ რამონ სანჩეს პისხუანის სტადიონი]

[[კატეგორია:ესპანეთის საფეხბურთო სტადიონები]]
[[კატეგორია:სევილია (საფეხბურთო კლუბი)]]