იხილეთ წყარო გვერდისთვის სენ-სულპისის ეკლესია

'''სენ-სულპისი''' (ფრანგ. Église Saint-Sulpice), რომაულ-კათოლიკური ეკლესია [[პარიზი|პარიზში]], [[საფრანგეთი]], [[სენ-სულპისის მოედანი|სენ-სულპისის მოედნის]] აღმოსავლეთ მხარეს, VI ოლქის ლუქსემბურგის კვარტალში. 113 მ სიგრძით, 58 მ სიგანითა და 34 მ სიმაღლით ის სულ მცირედით ჩამორჩება [[პარიზის ღვთისმშობლის ტაძარი|ნოტრ-დამს]] და, შესაბამისად, სიდიდით მეორე ეკლესიაა ქალაქში. ეკლესია [[სულპიტიუს პიუსი]]ს სახელობისაა. XVIII საუკუნეში აქ [[სენ-სულპისის გნომონი]] დადგეს.

== დიდი ორგანი ==
ეკლესიას განთქმული ორგანისტების დიდი ხნის ტრადიცია აქვს, რომელიც XVIII საუკუნიდან მომდინარეობს. 1862 წელს [[არისტიდ კავაიე-კოლი]]ს აწყობილი ორგანი დაამატეს ეკლესიას. ეს კავაიე-კოლის მაგნუმ ოპუსად ითვლება და მას 101 ხმის არხი აქვს და უდავოდ ყველაზე თვალსაჩინო ინსტრუმენტია რომანტიკული საფრანგეთის სიმფონიურ-ორგანული ხანიდან.

ეს ორგანი დღემდე მსოფლიოს ერთ-ერთი ყველაზე დახვეწილი და განთქმული ინსტრუმენტია. კავაიე-კოლმა მისი აწყობისას ეკლესიის ადრეული ფრანგული კლასიკური ორგანის ნაწილები გამოიყენა, რომელიც 1781 წელს კლიკოს მიერ იყო აგებული. სენ-სულპისის გრან-ორგი აწყობის პერიოდში მთელს ევროპაში მესამე 100-ხმიანი ორგანი იყო.

განთქმული იყვნენ მისი ორგანისტებიც, დაწყებული [[ნიკოლა სეჟანი]]თ XVIII საუკუნეში, გაგრძელებული [[შარლ-მარი უიდორი]]თ (1870-1933) და [[მარსელ დიუპრე]]თი (1934-91), ორივე უდიდესი ორგანისტი და კომპოზიტორი. შესაბამისად, საუკუნეზე მეტი ხნის განმავლობაში სენ-სულპისს მხოლოდ ორი ორგანისტი ჰყავდა და სწორედ მათი დამსახურებაა კავაიე-კოლის ამ ქმნილების დაცვა და შენახვა.

{{ესკიზი-საფრანგეთი}}

[[კატეგორია:პარიზის ეკლესიები]]
[[კატეგორია:ორგანები]]