იხილეთ წყარო გვერდისთვის ტაილანდი

{{ინფოდაფა ქვეყანა|
|მშობლიური_სახელი = ราชอาณาจักรไทย
|სრული_სახელი = ტაილანდის სამეფო
|საერთო_სახელი = ტაილანდი
|დროშა = Flag of Thailand.svg
|გერბი = Emblem of Thailand.svg
|რუკა = Location Thailand ASEAN.svg
|ჰიმნი = [[ტაილანდის ჰიმნი|Phleng Chat]]
|დევიზი = 
|ოფიციალური_ენები = [[ტაილანდური ენა|ტაილანდური]]
|დედაქალაქი = [[ბანგკოკი]]
|latd=13
|latm=45
|latNS=N
|longd=100
|longm=29
|longEW=E
|უდიდესი_ქალაქი = [[ბანგკოკი]]
|მთავრობის_ტიპი = [[საპარლამენტო დემოკრატია]] [[კონსტიტუციური მონარქია]]
|ლიდერის_ტიპი_1 = [[ტაილანდის მეფე|მეფე]]
|ლიდერის_სახელი_1 = [[მაჰა ვაჩირალონგკორნი]]
|ლიდერის_ტიპი_2 = [[ტაილანდის პრემიერ-მინისტრი|პრ.-მინისტრი]]
|ლიდერის_სახელი_2 = [[პაეტონგტარნ შინავატრა]]
|რანგი_ფართობით = 49-ე
|ფართობი = 513 115
|წყალი_% = 0.4
|სავარაუდო_მოსახლეობა = 63 038 247
|სავარაუდო_მოსახლეობა_რანგი = მე-20
|მოსახლეობა_სავარაუდოდ_წელს = 2007
|მოსახლეობის_ცენზი = 60 606 947
|მოსახლეობის_ცენზი_წელს = 2000
|მოსახლეობის_სიმჭიდროვე = 122
|მოსახლეობის_სიმჭიდროვე_რანგი = 85-ე
|მშპ_ppp_წელი = 2007
|მშპ_ppp = $519.9 მილიარდი
|მშპ_ppp_რანგი = 21-ე
|მშპ_ppp_ერთ_მოსახლეზე = $8000
|მშპ_ppp_ერთ_მოსახლეზე_რანგი = 69-ე
|აგი = 0.781
|აგი_ტენდენცია = {{კლება}}
|აგი_კატეგორია = <span style="color:#ffcc00;">საშუალო</span>
|აგი_რანგი = 78-ე
|აგი_წელი = 2007
|ვალუტა = [[ბატი (ვალუტა)|ბატი]] (฿)
|ვალუტის_კოდი = THB
|ქვეყნის_კოდი = THA
|დროის_სარტყელი = [[UTC+07:00]]
|ზაფხულის_დრო = 
|cctld = [[.th]]
|სატელეფონო_კოდი = 66
|სატელეფონო_კოდი_მითითება = 
|სქოლიო = 
}}

'''ტაილანდის სამეფო''' ({{lang-th|ประเทศไทย}};  ოფიციალურად '''ტაილანდის სამეფო''', წარსულში ცნობილი, როგორც '''სიამი''') — დამოუკიდებელი სახელმწიფო [[სამხრეთ-აღმოსავლეთი აზია|სამხრეთ-აღმოსავლეთ აზიაში]]. მდებარეობს ინდოჩინეთის ნახევარკუნძულის ცენტრალურ ნაწილში. ტაილანდის ფართობი მოიცავს 513 120 კვ. კმ-ს, ხოლო მოსახლეობის რაოდენობა თითქმის 70 მილიონ ადამიანს უდრის.<ref name="macro">{{Cite web|url=https://www.macrotrends.net/countries/THA/thailand/population|title = Thailand Population 1950-2021}}</ref> ქვეყანა ჩრდილოეთიდან სამხრეთისაკენ გადაჭიმულია 1500 კილომეტრზე, ხოლო აღმოსავლეთიდან დასავლეთისაკენ 800 კმ-ზე.

== სახელწოდება ==
* '''ოფიციალური''': ტაილანდის სამეფო.
* '''ეროვნული''': ประเทศไทย; Racha Anachak Thai.
* '''ეტიმოლოგია''': ქვეყნის სახელწოდება მომდინარეობს ტაის ეთნოსისაგან, თავის მხრივ „ტაი“ აღნიშნავს „თავისუფალს“. [[შუა საუკუნეები]]დან [[1939]] წლამდე ქვეყანას სიამი ერქვა (სანსკრიტზე Sayam - „შავგვრემანი, მუქკანიანი“).

== ისტორია ==
{{მთავარი|ტაილანდის ისტორია}}
[[ფაილი:Bangkok skytrain sunset.jpg|thumb|250px|ბანგკოკი]]
ქვეყნის ისტორია სათავეს იღებს, მას შემდეგ, რაც [[1238]] წელს დაარსდა სახელმწიფო [[სუკოტაი]]. მისი მემკვიდრე იყო სახელმწიფო [[აიუთია]], რომელიც დაარსდა [[1350]] წელს და იარსება [[1767]] წლამდე. ტაილანდის კულტურაზე ძლიერი გავლენა იქონია [[ჩინეთი|ჩინეთმა]] და [[ინდოეთი|ინდოეთმა]]. [[XVIII საუკუნე]]ში სიამი განიცდის ბირმის ტერიტორიაზე მდებარე სახელწიფოებიდან თავდასხმას, რომელიც შეაჩერეს [[ტაქსინი (სიამი)|ტაქსინმა]] ([[1768]]-[[1782]] წწ.) და პრა ბუდჰა იოდფა ჩულალოკემ, რომელიც ტაქსინის გარდაცვალების შემდეგ ტახტზე ადის [[რამა I]]-ის ([[1782]]-[[1809]] წწ.) სახელით და აარსებს [[ჩაკრი]]ს დინასტიას. მისი მემკვიდრეების [[რამა IV]]-ისა ([[1851]]-[[1868]] წწ.) და [[რამა V]]-ის ([[1868]]-[[1910]] წწ.) წყალობით ტაილანდი სამხრეთ-აღმოსავლეთ აზიის ერთადერთი ქვეყანაა, რომელიც არ ყოფილა კოლონიზებული, თუმცა ტაილანდი იძულებული გახდა დაეტოვებინა სამხრეთის სამი პროვინცია, რომლებიც შემდეგ შევიდნენ [[მალაიზია|მალაიზიის]] შემადგენლობაში, რაც გამოწვეული იყო [[დიდი ბრიტანეთი]]ს ინტერესებით.

ტაილანდი არასოდეს ყოფილა კოლონია. ამის ერთ-ერთი მიზეზი იყო კოლონიური იმპერიების სურვილი ტაილანდი დარჩენილიყო ბუფერად [[დიდი ბრიტანეთი]]სა და [[საფრანგეთი]]ს ოკუპირებულ ტერიტორიებს შორის. [[1896]] წლის ინგლისურ-ფრანგული შეთანხმებით აღიარებულ იქნა სიამის დამოუკიდებელი [[ბუფერული სახელმწიფო]]. [[სიამის რევოლუცია|სიამის რევოლუციის]] შემდეგ, [[1932]] წლიდან ტაილანდი [[კონსტიტუციური მონარქია]]ა. ქვეყანამ სახელწოდება ტაილანდი მიიღო [[1939]] წელს. [[მეორე მსოფლიო ომი]]ს დროს ოკუპირებული იყო [[იაპონია|იაპონიის]] მიერ. ომის დასრულების შემდეგ ტაილანდი [[აშშ]]-ის მოკავშირეა. [[1947]] წელს სამხედროებმა ჩაიგდეს ძალაუფლება. სამოქალაქო მთავრობა - შეიქმნა [[1983]] წელს. [[1991]] წელს კვლავ სამხედროების მმართველობა დამყარდა, რომლებმაც არალეგიტიმური [[არჩევნები]] ჩაატარეს.

[[ტაილანდის მზის კალენდარი]] სათავეს იღებს [[ბუდიზმი]]ს ჩამოყალიბების პერიოდიდან და გრიგორის კალენდრისაგან განსხვავდება 543 წლით. მაგალითად, [[2015]] წელი არის ტაილანდის კალენდრით 2558 წელი. [[2004]] წლის 26 დეკემბერს ტაილანდის სამხრეთ-დასავლეთ სანაპიროზე მიწისძვრის შედეგად წარმოიქმნა[[ცუნამი]], რომლის შედეგად ქვეყანაში დაიღუპა 5000 ადამიანი, მათი 50 % იყო ტურისტი.

[[2006]] წლის 19 სექტემბერს ტაილანდში მოხდა სახელმწიფო გადატრიალება ([[1932]] წლიდან მე-18), რომელმაც დაამხო პრემიერ-მინისტრ [[ტაქსინ ჩინავატი]]ს მთავრობა. [[2014]] წელს კიდევ ერთი [[ტაილანდის სამხედრო გადატრიალება (2014)|სამხედრო გადატრიალება]] განხორციელდა,  გადატრიალებას სათავეში ედგა სამეფო არმიის მთავარსარდალი, [[პრაიუთ ჩან-ოჩა]]. მან დაამხო [[ნივათჰუმრონგ ბუნსონპაისანი]]ს მთავრობა და ასრულებს [[ტაილანდის პრემიერ-მინისტრი|პრემიერ-მინისტრის]] მოვალეობას.

== გეოგრაფია ==
{{მთავარი|ტაილანდის გეოგრაფია}}
[[ფაილი:Thailand-CIA WFB Map.png|165px|thumb|left]]
'''ტაილანდის სამეფო''' არის [[დამოუკიდებელი სახელმწიფო]]. მდებარეობს სამხრეთ [[აზია|აზიის]] ცენტრში. მას ჩრდილოეთით ესაზღვრება [[ლაოსი]] და [[მიანმარი]] (ბირმა), აღმოსავლეთით [[ლაოსი]] და [[კამბოჯა]], სამხრეთით [[ტაილანდის ყურე]] და [[მალაიზია]], ხოლო დასავლეთით [[ანდამანის ზღვა]] და [[ბირმა|მიანმარი]]. ტაილანდი ფართობი მოიცავს 513 115 კვ.კმ-ს. ქვეყანა ჩრდილოეთიდან სამხრეთისაკენ გადაჭიმულია 1500 კილომეტრზე, ხოლო აღმოსავლეთიდან დასავლეთისაკენ 800 კმ-ზე.

ქვეყანა იყოფა ოთხ ძირითად გეოგრაფიულ რეგიონად: [[ჩრდილოეთი ტაილანდი|ჩრდილოეთი]], [[ცენტრალური ტაილანდი|ცენტრალური]], [[ჩრდილო-აღმოსავლეთი ტაილანდი|ჩრდილო-აღმოსავლეთი]] და [[სამხრეთი ტაილანდი|სამხრეთი]]. ჩრდილოეთი არის ძირითადად [[მთა|მთიანი]], აქ წარმოიქმნება 4 მთავარი მდინარე, რომელიც კვებავს [[ჩაო პრაი (მდინარე)|ჩაო პრაის მდინარეს]], ცენტრალური ნაწილის მაცოცხლებელ ხაზს. ეს უკანასკნელი რეგიონი მდებარეობს ძირითადად 200 მ სიმაღლეზე. ჩრდილო-აღმოსავლეთი რეგიონი იკავებს მთელი ქვეყნის ტერიტორიის 1/3 ნაწილს და არის ყველაზე მჭიდროდ დასახლებული რეგიონი. ეს არის მშრალი, 100-200 მეტრ სიმაღლეზე განთავსებული ტერიტორია, რომლის უმეტეს ნაწილზე მონაცვლეობს ორი პერიოდი. იგი ან დატბორილია, ან კიდევ გვალვაა. ასევე ამ რეგიონის სიმლაშეცაა, რაც თავისთავად მიწის პროდუქტიულობას დაბალს ხდის.

ქვეყანა [[სამხრეთ-აღმოსავლეთი აზია|სამხრეთ-აღმოსავლეთ აზიაში]] სიამის ყურის სანაპიროზე. მოსაზღვრე ქვეყნებია: [[ბირმა]], [[ლაოსი]], [[კამბოჯა]]. ფართობი: 513 115 კვ. კმ.

== კლიმატი ==
[[ფაილი:July 2011 Thailand Flooding.jpg|მინი|ტაილანში 2011 წელს მომხდარი წყალდიდობის კოსმოსიდან გადაღებული სურათი]]
ტაილანდში [[კლიმატი]] არის ტროპიკული, ტემპერატურისა და ტენიანობის მაღალი მაჩვენებლითა და დომინირებული მუსონებით. [[აპრილი]] და [[მაისი]] არის წლის ყველაზე ცხელი თვეები. [[ივნისი]] არის სამხრეთ-დასავლური მუსონების დასაწყისი, მას მოაქვს წვიმები, რომელიც შენაცვლებით, მაგრამ მაინც გრძელდება ოქტომბრის ბოლომდე. ნოემბრიდან თებერვლის ბოლომდე [[ჰავა]] არის ნაკლებად ქარიანი და ტენიანობაც შემცირებულია. ეს არის ძირითადად ტურისტული სეზონი და ყველაზე კარგი დრო ტაილანდის მოსანახულებლად. ჩრდილო და ჩრდილო-აღმოსავლეთი ნაწილი არის ზამთარში ზოგადად უფრო ცივი და ზაფხულში უფრო ცხელი, ვიდრე [[ბანგკოკი]]. აქ არის ძირითადად სამი ტიპის სეზონი: გრილი (ნოემბრიდან თებერვლამდე), ცხელი (აპრილიდან მაისამდე) და წვიმიანი (ივნისიდან ოქტომბრამდე).

== ჰიდროგრაფია ==
[[სამდინარო სისტემა]] ტაილანდში მრავალფეროვანია. მდინარეების ჩამონადენის ხასიათი მკვეთრად ცვალებადია სეზონების მიხედვით, ასევე დიდ გავლენას ახდენს [[მუსონური წვიმები]]ც. ყველაზე გრძელი და წყალუხვი მდინარეა [[მენამ-ჩაო-პრაი]].

სხვა მდინარეებია: [[მეკონგი]], მისი მარჯვენა შენაკადი [[მიენი]], [[მეპინგი]], [[ლუანგი]], [[ლამნასი]], [[გაო (მდინარე)|გაო]], [[მატი]], [[სონკრამი]], [[სებაი]].

[[ტბა|ტბები]] ტაილანდში ნაკლები მნიშვნელობისაა. ყველაზე დიდი ტბაა [[კამი]] (მდინარე მეკონგის სისტემაში).

== ფლორა და ფაუნა ==
ტაილანდი განლაგებულია ტყის ტროპიკულ ზონაში. მისი ტერიტორიის დაახლოებით 30 % გაუვალ ტყეებს უკავია. დიდი სხვაობაა მცენარეულობაში რეგიონების მიხედვით. ზღვისპირა ზოლში ძირითადად გავრცელებულია [[მარადმწვანე ტყეები]]. კორატის პლატოზე ნათელი ტყეები და ბუჩქნარებია წარმოდგენილი. მშრალჰავიან გორებზე 700-1700 მ სიმაღლეზე არის [[შერეული ტყეები]], მთების ზემო ნაწილში კი იზრდება მარადმწვანე ბუჩქნარები. 
ტაილანდის ტყეებსა და ბუჩქნარებში გვხვდება ცხოველთა მრავალგვარი სახესხვაობები. [[გიბონი]], [[სპილო]], [[ვეფხვი]], [[ლეოპარდი]] და მრავალი სხვა ველური ცხოველი. ასევე მრავალი ფრინველი, [[მღრღნელი]] და [[ქვეწარმავალი]]. მდინარეებში ბინადრობს [[ნიანგი]] და მრავალგვარი [[თევზი]].

== სახელმწიფო ==
* '''სახელმწიფო სისტემა''': [[კონსტიტუციური მონარქია]].
* '''სახელმწიფოს მეთაური''': მეფე [[პუმიპონ ადულიადეტი]] (PHUMIPHON Adulyadet, 1946).
* '''საკანონმდებლო ორგანო''': ორპალატიანი პარლამენტი (200+500 წევრი).
* '''ადმინისტრაციული დაყოფა''': 76 რეგიონი (changwat).

== დემოგრაფია ==
{{მთავარი|ტაილანდის დემოგრაფია}}
ტაილანდის მოსახლეობა შეადგენს 61,5 მილიონ ადამიანს, აქედან დაახლოებით 10 მილიონი ცხოვრობს დედაქალაქ ბანგკოკში. მოსახლეობის საშუალო სიმჭიდროვეა 117 ადამიანი კვ. კმ-ზე. სიცოცხლის საშუალო ხანგრძლივობა მამაკაცებისთვის არის 66 წელი, ხოლო ქალებისათვის 72 წელი. შობადობის მაჩვენებელი არის 8,5 [[პრომილე]], სიკვდილიანობის კი 6,1 პრომილე.

ტაილანდში აღსანიშნავია ეთნიკური სიჭრელე, მოსახლეობის 53 % არის ტაილანდელი, 27 % ლაოსელი, 10 % ჩინელი, 4 % მალაიზიელი. ასევე აქ გვხვდებიან ვიეტნამელები, კამბოჯელები, ინდოელები.

ქვეყნის ყველაზე დიდი ქალაქია დედაქალაქი [[ბანგკოკი]], იგი ურბანიზაციის მაღალი მაჩვენებლით ხასიათდება. სხვა მსხვილი ქალაქებია სამხრეთით [[ჩანგმაი]], [[ჩიანგრაი]]. ჩრდილოეთით ნაკონსიტამარატი, ხატიაი. სახელმწიფო ენაა ტაილანდური. ინგლისური ელიტის ენაა. რელიგია-[[ბუდიზმი]].

* '''მოსახლეობა''' - 64,265 მლნ (2003), მათ შორის 53 % სიამელი, 27 % ლაო, 14 % ჩინელი.
* '''სახელმწიფო ენა''': [[ტაილანდური ენა|ტაილანდური]]. [[ინგლისური ენა|ინგლისური]] ელიტის ენაა.
* '''რელიგია''': [[ბუდიზმი]].
* '''დედაქალაქი''': [[კრუნგ-ტეპი]] (ბანგკოკი; 6,611), სამუტ პრაკანი (396), ნონტხაბური (305), უდონ ტხანი (231).

== ეკონომიკა ==
* '''რესურსები''': [[კალა]], რეზინი, [[ბუნებრივი აირი]], [[ვოლფრამი]], [[ტანტალი]], საშენი ხე-ტყე, [[ტყვია]], [[თევზი]], [[თაბაშირი]], სასოფლო-სამეურნეო მიწები.
* '''ექსპორტი''': ბრინჯი, სიმინდი, ქსოვილები, სამრეწველო საქონელი.
* '''ეროვნ. პროდუქტი''' - 166 მლრდ $.
* '''ეროვნული შემოსავალი ერთ სულზე''': 1.980 $.
* '''ვალუტა''': ბატი (THB);

=== ტრანსპორტი ===
ტაილანდში მრავალფეროვანია, სახეობათა არც ერთი დომინანტით. საავტობუსო ტრანსპორტი დომინირებს დიდ მანძილზე ბანგკოკში, სასოფლო არეალებში შორ მანძილზე დომინირებს [[მოტოციკლი]]. ბანგკოკში საზოგადო მოტოციკლის ტაქსებს ხალხი მიჰყავს სახლის კარამდე. სარკინიგზო მატარებელი მოძრაობს სოფლის არეალებში. ბანგკოკში არის ტაქსების აუარებელი რაოდენობა. ბოლო ხანებში ხალხის მოზღვავება შეინიშნება [[საჰაერო ტრანსპორტი|საჰაერო ტრანსპორტზე]], საქალაქო [[რკინიგზა]]სა და კერძო ავტომობილებზე. განსაკუთრებით ტურისტებს შორის. სანავიგაციო არეალებში ყოველთვის არის [[ნაოსნობა|სანაოსნო]] მომსახურება.

მრავალი სიახლეა ტრანსპორტის არსებობაში, შემოდის ასეთი სახეობები როგორიცაა ტუკ-ტუკი ეს არის გათანამედროვებული, ძრავიანი რიქშა, ასევე, სპილოები სასოფლო ადგილებში და სხვა.

ტაილანდში რკინიგზის სიგრძე 4070 კმ-ია.

=== ტურიზმი ===
{{მთავარი|ტაილანდის ტურიზმი}}
ტაილანდი ფლობს უდიდეს შესაძლებლობებს ტურიზმის განვითარებისათვის. ამ შესაძლებლობას მას აძლევს მისი ხელსაყრელი მდებარეობა [[ინდოჩინეთი]]ს ცენტრში და [[მალაკის ნახევარკუნძული|მალაკის ნახევარკუნძულზე]], ფართო გასასვლელი ზღვაში, მდინარე მენამის სატრანსპორტო შესაძლებლობა, ოქროს ქვიშა, მრავალფეროვანი რელიეფი, მსოფლიოში უმდიდრესი ტყეები, პოპულარული საზღვაო კურორტები და მრავალი უნიკალური კულტურულ-ისტორიული ძეგლი.

[[ბანგკოკი]] აჯადოვებს ყველა მნახველს. ქალაქი დაარსდა [[1782]] წელს და დღეს იგი წარმოადგენს ერთ-ერთ უმსხვილეს ქალაქს მსოფლიოში. აქ წარმატებით ერწყმის ერთმანეთს უძველესი ტრადიციების პატივისცემა და ტექნიკური პროგრესი. თანამედროვე ცათამბჯენები ორიგინალურად მეზობლობენ ბუდისტურ ტაძრებსა და ისტორიულ ძეგლებთან. ბანგკოკში მდებარე 400 ტაძარს შორის ულამაზესად ითვლება ფირუზის ბუდას, აისის, ოქროს ბორცვის, მარმარილოს ტაძრები. აქ მრავლადაა წარმოდგენილი სკულპტურული შედევრები [[კედლის მხატვრობა|კედლის მხატვრობებითა]] და მრავალრიცხოვანი დეკორაციებით. მთავარ ღირსშესანიშნაობად ითვლება დიდი სამეფო სასახლის კომპლექსი; ვიმან მეკის სასახლე ყველაზე დიდი „ოქროს“ ტექტონას ხეებისაგან დამზადებული: პასტერის ინსტიტუტის გველის ფერმა, სადაც ამრავლებენ შხამიან გველებს და აგროვებენ შხამს ფარმაკოლოგიისათვის. ჯიმ ტომპსონის სახლ-მუზეუმი, სადაც თავმოყრილია აზიური ხელოვნების შემქმნელთა კოლექციები. ბანგკოკი იწყება ქვეყნის ყველაზე დიდი მდინარის მენამ-ჩაო-პრაის შესართავიდან, რომელიც რამდენიმე კილომეტრითაა დაშორებული სიამის უბიდან, ფართოდ იშლება მრავალი მდინარეებითა და ნაკადულებით დაფარულ დაბლობზე. ყველაფერ ამით ქალაქი მთელ მსოფლიოში ცნობილია, როგორც აღმოსავლეთის ვენეცია.

ტურისტთა მომსახურებისათვის ბანგკოკში უამრავი გასართობია: ესენია ღამის კლუბები და ფეშენებელური რესტორნები, ბარები, საკონცერტო დარბაზები, პარკები, მუზეუმები, თეატრები, გალერეები, კინოთეატრები, მასაჟ სალონები, საბილიარდო დარბაზები, ჩოგბურთის კორტები, გოლფის მოედნები, სპორტული დარბაზები და სხვ. გამომავალი გაზეთები ყოველდღიურად აქვეყნებენ ინფორმაციას საკონცერტო დარბაზების, კინოთეატრების, გამოფენების, შოუების რეპერტუარის შესახებ, ბანგკოკის ღამის ცხოვრებაზე (რესტორნები და კლუბები). ყურადრებას იმსახურებს ასევე ღირსშესანიშნაობები ბანგკოკის ირგვლივ დედაქალაქიდან ჩრდილოეთით გადაჭიმულია დაბლობები, ბრინჯის ნათესებით. ამ რეგიონის ცენტრში ბანგკოკიდან 80 კმ-ში მდებარეობს უძველესი ქალაქ აიუტაიის ნანგრევები, რომელიც 400 წლის განმავლობაში წარმოადგენდა ტაილანდის დედაქალაქს. იგი საბოლოოდ დაინგრა [[1767]] წელს ბირმელების მიერ.

== მემკვიდრეობა ==
* '''ბანგკოკი''' - ეროვნული მუზეუმი, ვან პოს ტაძართა კომპლექსი (XIX ს.), ლაჟვარდოვანი ბუდის ტაძარი (XVIII ს.), განთიადის ტაძრის კოშკი (104 მ), სამეფო სასახლე (XVIII ს.);
* ბუდისტური ტაძრები და კომპლექსები ნაკხონპატხომსა და ჩიანგმაიეში.

== რესურსები ინტერნეტში ==
{{commons|Thailand|ტაილანდი}}
* [http://www.thaigov.go.th/ Thaigov.go.th]
* [http://www.parliament.go.th/files/mainpage.htm Thai National Assembly] {{Webarchive|url=https://web.archive.org/web/20080513022240/http://www.parliament.go.th/files/mainpage.htm |date=2008-05-13 }}
* [https://www.cia.gov/library/publications/world-leaders-1/world-leaders-t/thailand.html Chief of State and Cabinet Members] {{Webarchive|url=https://web.archive.org/web/20081210073951/https://www.cia.gov/library/publications/world-leaders-1/world-leaders-t/thailand.html |date=2008-12-10 }}
* [http://www.mfa.go.th/ Mfa.go.th]
* [http://internet.nectec.or.th/webstats/internetmap.current.iir?Sec=internetmap_current Thailand Internet Information]
* [http://webhost.m-culture.go.th/en/ Ministry of Culture] {{Webarchive|url=https://web.archive.org/web/20140811193212/http://webhost.m-culture.go.th/en/ |date=2014-08-11 }}

{{აზიის ქვეყნები}}
{{მონარქიები}}
{{სამხრეთ-აღმოსავლეთ აზიის ქვეყნების ასოციაციის წევრები}}

[[კატეგორია:ტაილანდი| ]]
[[კატეგორია:სამხრეთ-აღმოსავლეთ აზიის ქვეყნები]]
[[კატეგორია:აზიის ქვეყნები]]
[[კატეგორია:კონსტიტუციური მონარქიები]]
[[კატეგორია:სამეფოები]]
[[კატეგორია:გაეროს წევრი სახელმწიფოები]]