იხილეთ წყარო გვერდისთვის ფილიპ პაულუჩი

[[ფაილი:Philippo Paulucci 1811.jpg|მინი|მარჯვნივ|ფილიპ პაულუჩი]]
'''ფილიპ ოსიპეს ძე პაულუჩი''' (დ. [[1779]], [[მოდენა]] — გ. [[25 იანვარი]], [[1849]], [[ნიცა]]) — [[საფრანგეთი]]ს და [[რუსეთის იმპერია|რუსეთის]] სამხედრო და სახელმწიფო მოღვაწე, [[საქართველოს მთავარმართებელი]] [[1811]]–[[1812]] წლებში. 

იგი წარმოშობით იტალიელი იყო, საფრანგეთიდან [[ნაპოლეონ ბონაპარტი|ნაპოლეონის]] მმართველობას გამოექცა და თავი რუსეთს შეაფარა. წარმატებულმა სამხედრო კარიერამ მისი [[კავკასია]]ში გაგზავნა განაპირობა. ის დისციპლინის მოყვარული პიროვნება იყო და ძნელად ეგუებოდა რუსულ ბიუროკრატიულ სისტემას. [[1811]] წლის სექტემბერში დაინიშნა საქართველოს მთავარმართებლად. დანიშვნისთანავე მექრთამეობასა და ჯარში ფეხმოკიდებულ ლოთობას ბრძოლა გამოუცხადა. თუმცა, რუსული ენის არცოდნის გამო საკუთარ მოხელეებთანაც თარჯიმნის დახმარებით უწევდა ურთიერთობა და შეცდომებსაც უშვებდა. მან 30000-იანი არმიის გამოკვება მთლიანად ადგილობრივ მოსახლეობას დააკისრა, რასაც [[1812]] წლის [[კახეთის აჯანყება (1812)|კახეთის აჯანყება]] მოჰყვა. აჯანყების გაძლიერების გამო პაულუჩი რუსეთ-ირანის ფრონტიდან დაბრუნდა და რუსეთის ჯარს ჩაუდგა სათავეში. [[1812]] წლის მარტში, [[ჩუმლაყი|ჩუმლაყთან]], დაამარცხა კახელი აჯანყებულები და ტყვედ ჩაიგდო [[გრიგოლ ბაგრატიონი]]. მიუხედავად გამარჯვებისა, პაულუჩი იძულებული გახდა დათმობებზე წასულიყო. კახეთში გაუქმდა კაპიტან-ისპრავნიკების თანამდებობა და მოურავობა აღდგა. სამხედრო წარუმატებლობის შემდეგ პაულუჩიმ აჯანყებულებთან მოლაპარაკების გამართვა სცადა. დაპირდა მათ ამნისტიას, რეფორმების გატარებას. ეს დაპირებანი მთავარმართებლის მხრიდან უფლებამოსილების გადაჭარბებად მიიჩნიეს და [[სანკტ-პეტერბურგი|პეტერბურგმა]] იგი უკან გაიწვია. [[1812]] წლის აპრილში ის გენერალმა [[ნიკოლაი რტიშჩევი|რტიშჩევმა]] შეცვალა.  აღსანიშნავია, რომ [[კახეთი]]ს თავადაზნაურობამ იმპერატორს მისი დატოვებაც კი თხოვა, მაგრამ უშედეგოდ.

== ლიტერატურა ==

* ''საქართველოს ისტორია – XIX საუკუნე'', „არტანუჯი“, თბ., 2004, გვ. 12

{{დაიწყე ყუთი}}
{{მემკვიდრეობის ყუთი| წინამორბედი= [[ალექსანდრ ტორმასოვი]] | ტიტული=[[საქართველოს გუბერნია|საქართველოს გუბერნიის]] მმართველი<br />[[საქართველოს მთავარმართებელი]]| წლები=[[1811]]-[[1812]]| შემდეგი = [[ნიკოლაი რტიშჩევი]] }}
{{დაასრულე ყუთი}}

{{საქართველოს მთავარმართებლები}}
{{DEFAULTSORT:პაულუჩიб ფილიპ}}
[[კატეგორია:დაბადებული 1779]]
[[კატეგორია:გარდაცვლილი 1849]]
[[კატეგორია:საქართველოს მთავარმართებლები]]
[[კატეგორია:გარდაცვლილი 25 იანვარი]]