იხილეთ წყარო გვერდისთვის ფიჭვნარის განძი

'''ფიჭვნარის განძი''' — [[ქობულეთი]]ს ჩრდილოეთ უბანში — [[ფიჭვნარი (ქობულეთი)|ფიჭვნარში]] [[1948]] წელს აღმოჩენილი [[ვერცხლი]]ს მონეტების განძი. შემორჩენილია 102 [[სინოპური დრაქმა]], რომელთა ემისია [[ძვ. წ. IV საუკუნე|ძვ. წ. IV საუკუნის]] შუა წლებში წარმოებდა. შუბლზე გამოსახულია ნიმფა სინოპეს მარცხნივ მიბრუნებული თავი, ზურგზე — მარცხნივ მიმართული, ფრთებგაშლილი, [[დელფინები|დელფინზე]] მჯდომი [[არწივი]]. მის ფრთებქვეშ მაგისტრატის, ხოლო გამოსახულების ქვემოთ ქალაქის სახელის აღმნიშვნელი [[ბერძნული ენა|ბერძნული]] შემოკლებული წარწერებია. აქვეა 58 ცალი კოლხური ნახევარდრაქმა ([[ადამიანი]]სა და [[ხარი]]ს თავების გამოსახულებით). განძის სინოპური მონეტები მოჭრილია [[ძვ. წ. 350]]—[[ძვ. წ. 245|245]] წლებში. განძი ჩაფლული უნდა იყოს ძვ. წ. IV საუკუნის 50—40-იან წლებში. ფიჭვნარის განძის ნაწილი ინახება [[აჭარის სახელმწიფო მუზეუმი|აჭარის სახელმწიფო მუზეუმში]], ნაწილი კი [[სიმონ ჯანაშიას სახელობის სახელმწიფო მუზეუმი|სიმონ ჯანაშიას სახელობის სახელმწიფო მუზეუმში]].

== ლიტერატურა ==
{{ქსე|10|340|დუნდუა გ.}}

[[კატეგორია:საქართველოში აღმოჩენილი განძები]]